Kalera irtetean, bezperan hiriko erdialdean ez bezala, Perrotek ez zuen Frantziako
bandera (1) bat ere ikusi inguruan. Bai, ostera, Rue de La Legion d´ Honneur-era iristean, zenbait auto
kiskalita (2) errepide bazterrean. Graffitiz apaindutako karrika bakartitik ibiliz, minutu gutxitan
heldu (3) zen St. Denis - Porte de Paris metro sarrerara,
eskailerak (4) jaitsi eta axuleiu zuriko
geltoki (5) jendetsuan geratu zen zain. Igandea izan arren ia beteta etorri zen trena, egunera zihoazen beltzez
gainezka. (6) Ugari (7) ziren afrikar estiloko orrazkerak. Andre batzuk euren jatorrizko herrialdeetako erara
apainduta (8), oihal koloreanitzen laguntzaz. Ume asko, ostera, Mendebaldeko erara, batzuk bisera rapero eta guzti. Gazte jende gehiena, ondo jantzita ia beti, kaskoa
ipinita(9) edota
sakelako (10) telefonoaz olgetan zihoan. Treneko zuri apurrak ziren itxura eskasenekoak.