Hutsuneak bete ondoren, klikatu "erantzunak ikusi". Laguntza botoia klikatuz gero, hizki bat erantsiko dugu.

Izarren hautsa egun batean bilakatu zen ,
hauts hartatikan uste gabean noizpait ginaden gu .
Eta horrela bizitzen gera sortuz ta sortuz gure aukera
hartu gabe: lana eginaz goaz aurrera
kate horretan denok batera loturik gaude.

Gizonak badu inguru bat menperatzeko premia,
burruka hortan bizi da eta hori du bere egia.
ta bilatzen ditu, saiatze hortan ezin gelditu,
jakintza eta argia; bide ilunak aurkitu
lege berriak noizpait , hortan jokatuz bizia.

Gizonen lana dugu: ezagutuz aldatzea,
naturarekin bat izan eta harremanetan sartzea.
Eta indarrak ongi errotuz, gure lurrari lotuz,
bertatikan irautea: ezaren gudaz baietza sortuz,
legetzat hartuz beti aurrera joatea.

Ez dadukanak ongi ohi daki eukitzea zein den ona,
bere bete nahian beti bizi da gizona.
Gu ere zerbait bagera eta gauden tokitik hemendik
saia gaitezen ikusten: eroak baztertuz bertan,
zikinak behingoz erreta bide on bat aukeratzen.

Gizonen lana dugu: ezagutuz aldatzea,
naturarekin bat izan eta harremanetan sartzea.

Gu sortu ginen beretik sortuko dira besteak,
burruka hortan iraungo duten zuhaitz-ardaska gazteak.
Beren aukeren jabe ta erortzean berriro jaikiz
ibiltzen joanen direnak: gertakizunen indar ta argiz
gure ametsak arrazoi garbiz dutenak.

Eta ametsa bilakaturik egiaren antziduri
herri zahar batek bide berritik ekingo dio urduri;
guztian lana guztien esku jasoko dute sendo ta prestu,
beren bizitzen edargai; diru zakarrak bihotzik eztu,
lotuko dute gogor ta hestu haz ez dadin gizonen gain.

Izarren hautsa, Mikel Laboa
Hitzak: Xabier Lete