Maite Goñi (euskaljakintza)

1 / 100

Duela gutxi gertatutako zerbait azaltzen hasteko:
1. Beste egun batean...
2. Aurreko batean...
3. Beste egunean...
4. Biharamunean...
Gaua da, ilun dago, euria, haizea eta hotza.
1. Gau txar hau!
2. Hau bai da gaua!
3. A zer gaua gaurkoa!
4. Ai gaurko gaua!
Sinonimo bikote hauetatik bat gaizki dago. Zein da?
1. Ihardetsi - galdetu
2. Lapurtu -ebatsi
3. ikuzi -garbitu
4. Otu - bururatu
Informatika irabazi ezineko erronka da, batez ere adin batetik gorako langileentzat. Beste era batera esanda:
1. Adineko langileentzat ezinezkoa da irabazirik ateratzea informatikaren erabileratik.
2. Informatikaren borroka ezin dute galdu halako goi maila duten langileek.
3. Langile zaharrek nekez joko diete erronka informatikak dakartzan irabaziei.
4. Adinean sartuta dauden langileentzat batez ere, informatika erabiltzen ikastea oso zaila edo ia ezinezkoa da.
Ikasleak izango dira ekitaldiak antolatzeaz arduratuko...
1. direnak.
2. duenak.
3. dutenak.
4. direla.
Ez omen du koplatan ibiltzeko gogorik. Bestela esanda:
1. Ez bide du abesteko gogorik.
2. Ez du alferkerian ibili nahi, antza.
3. Ez ei du txikikeriatan ibiltzeko gogorik.
4. Ez omen du kanturako gogorik.
Zer esango zenioke afaltzera datorrenari?
1. Kontuz platerarekin, beroa dagoelako!
2. Kontuz platerarekin, beroa dago eta!
3. Kontuz platerarekin, bero dagoela!
4. Kontuz platerarekin, beroa dagoela!
Zein da zuzena?
1. Hemendik alde egitera behartu didate.
2. Etortzen zarete gurekin igandeko kontzertura?
3. Ikaragarri lagundu diguzue!
4. Gero geratzen gara eta esaten dizut.
Haiek ez dute gure antzik. Beste era batera esanda:
1. Gu ez bezalakoak dira haiek.
2. Guretatik desberdinak dira haiek.
3. Guregatik desberdinak dira.
4. Gurekin desberdinak dira haiek.
Tripa zorriak edukiz gero, zer duzu?
1. Egarria.
2. Bihotzerrea.
3. Beherakoa.
4. Gosea.
Ez nuke nahi zeu ere triste ..... nire gaixotasunagatik. Zein dago gaizki?
1. jar zaitezenik
2. jar zaitezen
3. jartzea
4. jartzerik
Ezetz jakin zein egunetan eta zer ordutan den aurkezpena?
1. Edonork daki dela uztailak 10 eko 9:20 ean.
2. Bai dakidala, motel! Uztailan 10 ean, goizeko 9:20 etan.
3. Baietz jakin! Uztailaren 10ean, goizeko 9:20an.
4. Jakingo ez dut, ba! Uztailak 10, goizeko 9:20 tan.
Gurasoek neu izendatu ninduten ....., eta etxea niretzat izango da. Aukeratu hitz egokia.
1. hartzeko
2. oinordeko
3. harpidedun
4. jarraitzaile
Utikan esan dizu irakasleak. Zer adierazi nahi izan dizu?
1. Lanean hasteko.
2. Alde egiteko.
3. Zutik jartzeko.
4. Berarengana joateko.
Ezagun batek gurasoen osasunaz galdetu dizu. Zer erantzungo diozu?
1. Ustekabean!
2. Hainbestean!
3. Hala-nola!
4. Firin-faran.
Laugarren kale neurketan euskararen erabilereak goiti egin badu ere, igoera apalduz doa. Beraz:
1. Neurketa kalekoa baino ez da izan.
2. Erritmoa moteldu egin da.
3. Erabilera gero eta altuagoa da.
4. Hiztun kopuruak behera egin du.
Inork ez zuen tutik esan, eta nire galdera ..... gelditu zen.
1. isil-isilean
2. ezkutuan
3. haizean
4. bere hartan
Multzoetako batean ezaugarri desberdineko hitz bat dago. Zeinetan?
1. Bildu, metatu, pilatu, batu.
2. Elkarrizketa, solasaldia, berriketa, olgeta.
3. Txerrikume, moxal, bildots, txahal.
4. Arte, lizar, haritz, pago.
Honek guztiak, talde naziekiko morboarekin batera, ikusmina sortzen du inozo askorengan. Hau da:
1. Honegatik eta talde naziek pizten duten morboagatik ikusmina sentitzen dute inozo askok.
2. Honi buruzko ikusmina dute inozo askok, talde nazietako morboaren ondorioz.
3. Honek eta talde nazien aldeko jarrerak ikusmina eragiten die inozo askori.
4. Honi eta talde naziek eragiten duten beldurrari bota behar zaio inozo askoren ikusminaren errua.
Aurtengo aurrekontua iazkoa baino handixeagoa izan da. Hurrengoetatik zein da esanahi berekoa?
1. Aurtengo aurrekontua iazkoaren aldean zertxobait handiagoa izan da.
2. Aurtengo aurrekontua iazkoaren aldean handia da.
3. Aurtengo aurrekontua iazkoaren aldean oso handia izan da.
4. Aurtengo aurrekontua iazkoaren parekoa izan da.
Gauden denok alai. Zer esan nahi du?
1. Denok geunden alai.
2. Egon gaitezen denok alai.
3. Denok alai gaude.
4. Alai gauden guztiok.
Euskaldun fededun dio esaerak. Zer esan nahi du azpimarratutako hitzak?
1. Mezamutila.
2. Gotzaina.
3. Apaiza.
4. Sinestuna.
Nola esaten zaio hotzarekiko oso sentibera den pertsonari?
1. Hozbera.
2. Hozkirria.
3. Hotzikara.
4. Laiotza.
..... dago gure gazte sasoia!
1. Gaztetan
2. Lekutan
3. Umetan
4. Antzina
Gogotik bota du euria gaur, baina iluntze partean ..... eta ibilaldi ederra egin dugu.
1. atertu dio
2. atertu du
3. ateri da
4. ateri egin da
Euskara batuan, zein dago zuzen?
1. Trenak lurpetik doazte inguru honetan.
2. Bostehun euroko motorra erosiko diote Aneri.
3. Arazo guzti hoiek aipatu nizkion nagusiari.
4. Uste dut piskat haserre daudela gurekin.
Poltsakada ..... sagar zekarren aldean.
1. bete
2. oso
3. gain
4. guztia
Euskara batuan, zein dago zuzen idatzia?
1. Jezarri zaitez haltzari horren gainean.
2. Hostoak jausi zaizkion haritz lehor horren ondora hurbildu da.
3. Gizon gaiso hura gaizki ezerita zegoen.
4. Aritz ihar horren hostoak laster jausiko dira.
Nola idatzi behar da 50?
1. Berrogeita hamar.
2. Berrogeitamar.
3. Berrogetamar.
4. Berrogei eta hamar.
..... lasai, ez da berandu eta!
1. Gabiltza
2. Ibil gaitezen
3. Goaz
4. Joaten gara
Zein dago gaizki?
1. Hobe duzue aurrera joaten utz nazazuen.
2. Beldur naiz zerbait txarra gertatu ez ote zaion.
3. Eskerrak bera konturatu delari!
4. Saiatuko naiz zure guraria bete dadin.
Ez gara ospakizun horretara joan, ez ..... gonbidatu. Bakarra da zuzena euskara batuan.
1. baigaituzte
2. baikaituzte
3. baitgaituzte
4. bait gaituzte
Aurreko batean, laban egin eta ..... erori nintzen.
1. bizkar ematen
2. muturrez gora
3. ahuspez
4. atzekoz aurrera
Autobus geltokian zegoela, auto batek harrapatu du gure auzoko lagun bat. Aukeratu erantzun egokiena.
1. Zoritxarra halakoa!
2. Hori zoritxarra!
3. Zoritxar hori!
4. Halako zoritxarra!
Bill Gates aberatsak ere lagundu duela behartsuen aldeko kanpaina? ..... hainbeste daukanagandik!
1. Nahi litzateke
2. Ez da zertan
3. Ez horixe
4. Gutxienez
Urte asko joan dira egitasmoaren hasieratik gauzatzeko unera arte. Alegia:
1. Egitasmoa urtez urte bere fruitua emanez joan da.
2. Urtez urte berritu beharreko egitasmoa izan da.
3. Proiektuaren abiaburua aspaldikoa da.
4. Aspaldi gauzatu zen aipatutako proiektua.
Aukeratu zuzena. Zer ordu da?
1. Seiak eta erdi.
2. Sei eta erdiak.
3. Seirak eta erdi.
4. Seiak eta erdiak.
Urepelen omenaldia egiten ari ..... hil zen Xalbador bertsolaria.
1. zitzaizkiotelarik
2. ziotelarik
3. zizkiotelarik
4. zitzaizkiolarik
Eragozpen horiek ....., aurrera egitea erabaki dute.
1. gaindi
2. aldera
3. kontuan izaten
4. gorabehera
Zein dago gaizki?
1. 15:00ean.
2. 12:30ean.
3. 12:12an.
4. 03:15ean.
Oso zaila da idazlan hori zuzentzea eta txukuntzea: ..... bere horretan.
1. bego
2. egon dadin
3. egon dagoela
4. dagoen
Zein dago oker euskara batuan?
1. Deituko dizut.
2. Itxarongo zaitut.
3. Deituko zaitut.
4. Lagunduko dizut.
Izuturik geunden. Bestela esanda:
1. Beldurraren airean geunden.
2. Beldurrarekin airean geunden.
3. Beldurrak airean geunden.
4. Beldur airean geunden.
Zuek Kepari zorrak barka ..... ematen dizuet diru hau.
1. diezazkiezuen
2. diezazkiozuen
3. diezaiezuen
4. diezaiozuen
Badakit liburua galdu duzula, baina etxe osoa arakatu dut eta ez dago ..... liburu horren arrastorik.
1. delako
2. baizik ere
3. hartako
4. halako
Nik neuk ez dakit, baina hemengo ..... erantzun ahalko dizu. Zein ez da zuzena?
1. besteren batek
2. edozeinek
3. honek
4. inork
Egun batzuk baino ez dira falta oporretarako, eta langileok...
1. esne mamitan gaude.
2. sutan gaude.
3. irrikan daude.
4. ketan gaude.
Etxea hankaz gora ikusi zuenean, oihuka eta biraoka hasi zen,....
1. bere onenak emanda.
2. bere onetik aterata.
3. begiak lauso.
4. deabrukeriak eginda.
Haur txikitxo bat bere amari mama eskean ari bazaio:
1. Hotz da.
2. Gose da.
3. Logura da.
4. Egarri da.
Zein dago ondo?
1. Iztuetaren "Ez direlako aketsak" liburua plazaratuko du Alberdania argitaletxeak Abenduaren 4erako.
2. Iztuetaren "Ez direlako aketsak" liburua plazaratuko du Alberdania argitaletxeak abenduaren 4rako.
3. Iztuetaren Ez Direlako Aketsak liburua plazaratuko du Alberdania Argitaletxeak Abenduaren 4rako.
4. Iztuetaren "Ez direlako aketsak" liburua plazaratuko du Alberdania argitaletxeak abenduaren 4erako.
Arroparen bat garbitzean txikiago edo laburrago geratzean esaten da:
1. Melatu egin da.
2. Eman egin du.
3. Urak hartu du.
4. Urtu egin da.
Hori da ume mizkina, hori! Baliokidea aukeratu.
1. Ez da batere jatuna.
2. Denetarik nahi du.
3. Berritsua da.
4. Beti negarrez ari da.
Nire autoak 20 urte ditu. Aukeratu jarraipen egokiena.
1. Aldatzear dago.
2. Hobebeharrez dago.
3. Onenak emana dago.
4. Bere onetik aterata dago.
Erakunde horrek laguntza eskaintzen du premiazkoa den tokietan, osasun laguntza...
1. izan ere.
2. bereziki.
3. azkenik.
4. hala nola.
Eta, esan eta egin! Larru gorritan jarri zen kale erdian! Zein da jarraipen egokia?
1. Ezetz izan!
2. Eskerrak!
3. Baietz!
4. Zoroa halakoa!
Badu horrek ateraldi bakoitzik! Bestela esanda:
1. Mendizale amorratua da.
2. Oso xelebrea da.
3. Oso astuna da.
4. Berritsua da, sano.
Hurrengoetako bat gaizki dago. Zein da?
1. Mutil banarekin irten ziren tabernatik Aloña eta Eider.
2. Harrobiko jokalariz osatutako taldea egin nahi du zuzendaritzak.
3. Bost urtez Parisen izan naiz.
4. Irailan hasiko gara ikastolan.
Gaztetan ikasi nuen, baina ordutik ez dut autorik hartu, eta... Zein da jarraipen zuzena?
1. gidatzen ahaztu egin zait.
2. gidatzea ahaztu egin dut.
3. gidatzeaz ahaztu egin zait.
4. nola gidatzea ahaztu naiz.
Izugarria da! Nola burura ..... horrelakorik?
1. dakizuke
2. litzaizuke
3. zitzaizkizun
4. zekizun
Zaletu guztiok beste ametsik ez dugu. Gure taldeak hurrengo txapelketa...
1. irabaziko ohi du!
2. irabaziko omen du!
3. irabaziko bide du!
4. irabaziko ahal du!
Euskara batuan zein dago zuzen idatzita?
1. Aberastuez gero.
2. Bostak ezgero.
3. Aberastuz gero.
4. Honez gero.
Norbere gauzarik minenez trufatzen jakiteak abagune paregabea eskaintzen du besteenez trufatzeko. Bestela esanda:
1. Bere buruari iseka egiten dakienak aukera ederra du besteei iseka egiteko.
2. Mintzen gaituztenean besteei iseka egiteko joera dugu.
3. Min ematen digutenean besteei erasotzeko aukera ederra dugu.
4. Minez trufatzen dakiena besteen saminez ere trufatuko da.
Ez dizut onartuko oparia, non eta ez didazun zin egiten ez duzula lapurtu. Bestela esanda: Ez dizut onartuko oparia...
1. non lapurtu duzun esaten ez badidazu.
2. ez duzula lapurtu zin egin ezean.
3. ez duzula lapurtu zin egin arren.
4. ez duzula lapurtu zin eginda ere.
Asteburuetan ez omen da mendira beste inora joaten. Hau da:
1. Asteburuetan ez da joaten ez mendira, ez bestetara.
2. Diotenez, asteburuetan mendira baino ez da joaten.
3. Asteburuetan edonora joaten omen da.
4. Asteburuetan mendira, behintzat, ez da joaten.
Zein da zuzena?
1. Txokolatezko gozokiei pattarra gehituz gero, anisa gehituta baino hobetoago daude.
2. Tolosako abesbatza da ondoen abestu duena.
3. Coppiren garaiari alderatuta, egungo txirrindulariek baldintza hobeagoak dituzte.
4. Enpresa horretako lan baldintzak inoiz baino onagoak dira.
Liburua irakurri eta etxetik irten nintzen. Beste era batera:
1. Liburua irakurtzerakoan etxetik irten nintzen.
2. Liburua irakurritakoan etxetik irten nintzen.
3. Liburua irakurri ahala etxetik irten nintzen.
4. Liburua irakurriz gero etxetik irten nintzen.
Berriro harrapatu zaituzte autoak lapurtzen? Bada,...
1. hori duk eta!
2. zureak egin du!
3. zorinekoa zu!
4. hori txantxa!
Bada, zaharrak berri. Zein galderaren erantzuna da?
1. Zelan bizi zara?
2. Ezer berririk erosi al duzu aspaldion?
3. Zer berri?
4. Zenbat urte dituzu?
Zein da hasiera egokia? ..., ibiltzeko ere gai ez dela dago.
1. Zutz eginda
2. Lodiz lodi
3. Ekin eta ekin
4. Argalaren argalaz
Zein da zuzena euskara batuan?
1. Orohar, esan daiteke denek hitzegin dutela gaizki.
2. Oro har, esan daiteke denek hitz egin dutela gaizki.
3. Orohar, esan daiteke denek hitz egin dutela gaizki.
4. Oro har, esan daiteke denek hitzegin dutela gaizki.
Ikusten zaila denari .....esaten zaio. Hau da:
1. ikusgarria
2. ikusgaitza
3. ikuskizuna
4. ikustezina
Maisutza bere gain hartu dutenez gero, gidaritza dagokie, ez artaldearen atzetik ibiltzea. Bestela esanda:
1. Maisutza eurek hartu dutenez, eurek izan behar dute gidari.
2. Gidaritzak gain hartu dienez gero, ez dute artaldearen aurretik ibili behar.
3. Maisuak direnez, artaldearen atzetik ibili behar dute.
4. Artaldeari ez dagokio gidaritza, buruzagitza baizik.
Goizaldeko ordu bata izan arren, argi asko daude piztuta ..... etxeetan.
1. oraindik
2. honezkero
3. dagoeneko
4. oraingoz
Jainkoarren! Zertarako erabiliko zenuke esamolde hori?
1. Aurkezpena egiteko.
2. Harridura adierazteko.
3. Egindakoagatik zoriontzeko.
4. Agurtzeko.
Ez pentsa ikasle guztiak berdinak direnik, ..... alde handia dago!
1. ikaslearengandik ikaslearengana
2. ikasleengandik ikasleengana
3. ikasleetatik ikasleetara
4. batetik bestera
Euskara batuan zein da zuzena? Garaipena geuk lortu dugu, asko saiatu...
1. baigara.
2. baikara.
3. baitgara.
4. bait gara.
Etxea kiskalita geratu da, baina barrukoak onik atera dituzte.
1. Esker onekoak!
2. Jaunak lagun ditzala!
3. Horra hor!
4. Gaitz erdi!
Goraintziak amari!
1. Bai, primeran dago!
2. Ez horregatik!
3. Bai, zure partetik!
4. Baita zuri ere!
Ondoko multzoetako batean bada izen bat tokiz kanpo. Zein multzotan?
1. Indaba, dilista, ilarra.
2. Idikia, txerrikia, adabakia.
3. Mihi-arraina, zapoa, aingira.
4. Lukainka, odolostea, buzkantza.
Autobusez gindoazela, zorabiatu eta .... sentitu nuen, baina ez zegoen poltsarik.
1. urdailerrea
2. goitikoa
3. urdail-jauzia
4. goragalea
Zein dago gaizki?
1. Elkarrenganako izugarrizko gorrotoa dute.
2. Miren eta Pello elkar joan dira.
3. Mirenek eta Pellok elkar agurtu dute.
4. Elkarri ez diote ezer barkatzen.
Bungeren ustez, nabari da, gizakiak ez dira bereizi behar ez arrazagatik, ez erlijioagatik, ez beste edozergatik. Hots:
1. Baliteke Bungek ez onartzea gizakien arteko inolako bereizketarik.
2. Bungek aholkatzen du gizakien artean bazterketarik ez egiteko, ez arrazagatik, edo erlijioagatik eta abar.
3. Bungek adierazten du ez arrazak, ez erlijiokak, ez beste ezerk ez dituela gizakiak bereizi behar.
4. Bungeren arabera, zalantzazkoa da gizakiak arrazaren, erlijioaren edo beste zerbaiten arabera baztertu behar ote diren.
Norbaitek espero ez duguna esaten duenean, zein erantzun da egokiena?
1. Sekula ez!
2. Bejondeizula!
3. Hara bestea!
4. Bai, jauna!
Hauetako zein EZ da ipuin baten hasiera?
1. Behin batean...
2. Antzina ez dela...
3. Kontuak kontu...
4. Bazen behin...
Zein ez da besteen baliokidea?
1. Etorri dea?
2. Etorri ote da?
3. Etorri al da?
4. Etorri da?
Zein bikote dago gaizki?
1. Esnea xehatu.
2. Laranja zuritu.
3. Kafea eho.
4. Arrautzak irabiatu.
Hurrengo hitz bikoteetatik, zein dago zuzen?
1. Gazte arreak.
2. Itsaso harroa.
3. Aulki hutsalak.
4. Ur lerdenak.
Jonek guri pilotan irabazi?
1. Ezta txintik ere!
2. Hori bai pagotxa!
3. Bejondeigula!
4. Esatea ere!
Zein ez da zuzena?
1. Hizkuntza-gaitasuna, ekonomia-teoria.
2. Hizkuntza gaitasuna, ekonomia teoria.
3. Hizkuntz gaitasuna, ekonomi teoria.
4. Hizkuntz-gaitasuna, ekonomi-teoria.
Nola irakurtzen da 2 x 3 = 6?
1. Bi hiruturik berdin sei.
2. Bi bider hiru berdin sei.
3. Bi hirura berdin sei.
4. Bi erro hiru berdin sei.
Zein dago zuzen euskara batuan?
1. Artzain batzuek ardi usaina izaten dute.
2. Artzai batzuk ardi usaina izaten dute.
3. Artzain batzuek ardi usaia izaten dute.
4. Artzai batzuk ardi usaia izaten dute.
Lagunak hitz eta pitz ari ziren. Bestela esanda:
1. Berba eta berba.
2. Hitz egin nahi baina ezin.
3. Hitza eskatuz.
4. Ahoa bete hortzekin.
Zein da zuzena?
1. Zerbait egin beharko dugu arazo horiek lehen eta azkarren desager daitezen.
2. Bapo janez gero, bazkaria ondoren siesta egitea da onena.
3. Ez dakigu nola biziko gara hemendik bi urte barru.
4. Haiek etorri zirenerako gu prest ginen.
Zer da gernua?
1. Ikatza.
2. Armiarmen sarea.
3. Kemena.
4. Txiza.
Bereak barik inorenak diren testuak ere ageri dira nobelan, multzo polita gainera. Hau da:
1. Berak eta bestelako idazle batzuek hartu dute parte.
2. Besteren lanen batzuk ere badira nobelan.
3. Nobelan tarteka dauden testu batzuk politak dira.
4. Idazleak asmatutako testuak baino ez dira ageri nobelan.
Zozketako txartela ..... inoiz ez zaizu tokatuko.
1. ez erostean
2. ez erositakoan
3. erosi ezean
4. ez erosiz gero
Tontoa izan behar aukera eder horri... Esaldia bukatu.
1. gogor ekiteko.
2. aurre egiteko.
3. bizkar emateko.
4. baietz esateko.
Horko etorkin horiek dirua ..... lana nahi dute.
1. ezik
2. barik
3. ordez
4. hainbeste
Bihotzeko arazoak omen zituen. Egun batean eztulaldi handi bat izan zuen eta...
1. brast eskatu zuen apaiza.
2. ziplo geratu zen bertan.
3. danba hasi zen bat-batean laguntza eske.
4. tipi-tapa lurrean etzan eta medikua eskatu zuen.
Aukeratu jarraipen egokia. Arrantzaleek izurdea Izaro inguruan ikusi zuten.
1. Marrazoa ere bai han ikusi zuten.
2. Marrazoa ere han ikusi zuten.
3. Ere bai han ikusi zuten marrazoa.
4. Marrazoa baita ere han ikusi zuten.

Maite Goñi (euskaljakintza)

2003ko martxoaren 8ko ATARIKO PROBA (entzutezko ulermenik gabe)EGA: 2003-2004 azterketak liburutik hartua.

2003ko martxoaren 8ko ATARIKO PROBA (entzutezko ulermenik gabe)

EGA: 2003-2004 azterketak liburutik hartua.