Maite Goñi (euskaljakintza)

ENTZUTEZKO ULERMENA: LEHEN ATALA.
Zertara joan nahi zuen Antonio Composek seminariora?
1. Apaiz izan nahi zuen.
2. Apezpiku izan nahi zuen.
3. Ez du gogoan, gurasoek behartuta joan baitzen.
Zer dio garai hartako giroaz?
1. Elizak ez zuela gaur egun duen indarrik.
2. Gaurkoa baino giro hobea zela ordukoa.
3. Seminariora edo komentura joatea nahiko normala zela.
Zenbat urterekin sartu zen eta zenbat urte igaro zituen seminarioan?
1. Hamarrekin sartu zen eta bederatzi urte pasatu zituen.
2. Bederatzirekin sartu zen eta hamar urte pasatu zituen.
3. Guztira hamaika urte egin zituen.
Zer ikasi zuen?
1. Latina, Filosofia eta Teologia.
2. Latina eta Filosofia.
3. Batxilergoa eta Oratoria.
Nola gogoratzen du seminarioko giroa?
1. Giro lasaia zuten bertan.
2. Ikasketak egiteko giro gogorregia zuten, gerora onurarik ekarri ez diona.
3. Gogorra, baina bere bizitzarako ona.
ENTZUTEZKO ULERMENA: BIGARREN ATALA.
Bazekien Antonio Camposek zer izan nahi zuen seminariotik irtetean?
1. Ez, ez zuen helburu argirik.
2. Bai, oso garbi zuen zer izan nahi zuen.
3. Bitan pentsatu gabe hartu zuen seminarioa uzteko erabakia.
Atera ondoren, zein ikasketa egin zituen?
1. Batxilergoa eta unibertsitateko ikasketak.
2. Unibertsitatera joan zen.
3. Seminariokoak homologatzeko azterketa batzuk egin zituen.
Kutxan sartu aurretik ikastarorik egin al zuen?
1. Ez, diru kontuetan oso trebea baitzen.
2. Bai, bere formazioan zuen hutsunea betetzeko.
3. Sartu aurretik ez; gerora, ordea, bai.
Zein herritan egin zuen lan Kutxan?
1. Donostian soilik.
2. Zarautzen eta Donostian.
3. Zarautzen, bere jaioterrian eta Donostian.
Kutxazainak eta euskara. Zer dio horretaz?
1. Kutxak lehen momentutik bultzatu zuela euskararen erabilera.
2. Kutxak, hasiera batean, nahiago izan zuela ahalegin berezirik ez egin esparru horretan.
3. Ezin izan zutela lortu kutxazainak elebidun izatea.
ENTZUTEZKO ULERMENA: HIRUGARREN ATALA
Non hasi zen gregorianoa kantatzen?
1. Salamancan.
2. Bere herriko elizan.
3. Seminarioan.
Nolatan hasi ziren Easo koruan?
1. Easo abesbatzako kantariak ez zirelako ondo moldatzen gregorianoa kantatzeko.
2. Diskoa ateratzeko grina aspalditik zutelako.
3. Elizetan kantatzen zena berreskuratu nahi zutelako.
Non egiten dituzte entsaioak?
1. Donostian bertan.
2. Lazkaon.
3. Hainbat lekutan ibiltzen dira.
Kontzerturik ematen dute?
1. Bai, hemen eta kanpoan.
2. Bai, urtean 15 kontzertu inguru ematen dituzte Euskal Herrian.
3. Europan zehar hemen baino kontzertu gehiago ematen dituzte.
Taldearen mailari dagokionez, .....
1. munduko onenetakoak direla dio.
2. Europako onenetakoak direla dio.
3. Estatu mailan onenetakoak direla dio.
ENTZUTEZKO ULERMENAREN AMAIERA.
Bigarren eskuko autoa erosi eta makina bat arazo izan dut harrezkero auto kaskar horrekin. Aukeratu erantzun egokiena.
1. Baina zelan otu zaizu bigarren eskukoa erostea?
2. Hara bigarren eskukoa erostearen ondorioz!
3. Bigarren eskuko autoa erosi eta baita zera ere!
4. Hori da hori bigarren eskukoa erosteagatik!
Lanean ordu asko, diru gutxi kobratu eta lankideekin ere haserre. Hori da hori ..... Aukeratu jarraipen egokia.
1. esker apaleko lana.
2. esker txarreko lana.
3. esker okerreko lana.
4. esker hutseko lana.
Beste ..... ikasleak nahi ditugu gure ikastetxean.
1. motako
2. motatako
3. mota bateko
4. mota batzutako
Hurrengoak lanbide izenak dira, bat izan ezik. Zein?
1. Iturgina.
2. Harakina.
3. Okina.
4. Mozkina.
Ekin ..... lanari, adiskideok, irabaziko dugu eta!
1. diezaiogun
2. dakigun
3. dakiogun
4. gatzaizkion
Haserre egin zait, bere laguna beste batekin ikusi dudala esan diodalako, baina nik ..... esan diot, hain zuzen.
1. hobe izanez
2. hobe beharrez
3. lagundu beharrez
4. lagundu eginez
Irrikitan nago zuen bidaiaren berri izateko. Has zaitezte ..... kontatzen.
1. non eta nolakoak
2. nondik norakoak
3. nola eta norekikoak
4. noiz norainokoak
Badakizue .....
1. nola elefanteek gogoratzen dituzte ibilitako bide guztiak.
2. zelan elefanteek gogoratzen dituztela ibilitako bide guztiak.
3. elefanteek nola gogoratzen dituztela ibilitako bide guztiak.
4. elefanteek ibilitako bide guztiak gogoratzen dituztela.
Hurrengo bikoteetan, zein hitz dira esanahi berekoak?
1. Traketsa / makala
2. Artez / zuzen
3. Baldarra / zitala
4. Goibel / garden
Bi hilabete falta Gabonetarako eta ..... erosiak dituzu haurrentzako opariak?
1. honezkero
2. artean
3. dagoeneko
4. oraindik
Erronkariko hartza ..... egiten ari da.
1. bereak eta bi
2. bere-bereak
3. bereak eta gehiago
4. berarenak
Euskara batuan, zein dago zuzen idatzia?
1. Mila zazpirehun eta laurogeita bi.
2. Bi mila bostehun.
3. Hiru mila eta hamalau.
4. Hirurogei eta bi.
Oilaskoa prestatu duzu bazkaltzeko? Niri ez zait, ordea, oilaskoa gustatzen! Aukeratu erantzun egokiena.
1. Aurretik esatea hori!
2. Aurretik esan behar omen da hori!
3. Esango bazenu lehenago!
4. Lehenago esatea zenuen!
Aurten ..... eskariak jaso ditugu laguntza-zerbitzuan.
1. zenbait familiren
2. zenbait familiaren
3. zenbait familien
4. zenbait familiakoen
Horrek ez du kiniela bat sekula asmatuko. Aukeratu jarraipen egokiena.
1. Ezta pentsatu!
2. Sinetsi ere ez!
3. Ezta hurrik eman ere!
4. Baita zera ere ez!
Letra larrien idazkera. Hurrengoetatik bakarra dago zuzen idatzita.
1. Uztailetik Irailera oporrak hartuko ditut.
2. Amerikarrek eta errusiarrek elkar hartu zuten.
3. Herenegun Ministroak hitz egin zuen.
4. Emakume Elkarteek batzarra zuten atzo.
Txoriburu horri ez diogu azalpenik emango, apur bat .....
1. zentzatu arte.
2. zendu arte.
3. zertu arte.
4. zimeldu arte.
Larri egon da ospitalean baina, azkenean, antibiotikoei esker badirudi .....
1. ondo baino hobeto egin duela.
2. hobetu egin duela.
3. hoberik egin duela.
4. hobera egin duela.
Ni ez naiz iristen; ..... ogia, mezedez?
1. hurbilduko didazu
2. hurbiltzen didazu
3. hurbil ahal didazu
4. hurbil iezadazu
Bat okerra da euskara batuan.
1. Bere haserreak erraiak kiskaltzen zizkion.
2. Isilik egoteko esan digu irakasleak.
3. Bizkaitik Gipuzkoarantz abiatu ginen.
4. Beti bezala egin du, baino alferrik.
Zer moduz portatu dira umeak? Aukeratu erantzun egokia.
1. Hala nola.
2. Hobe beharrez.
3. Ezin hobeto.
4. Txitean-pitean.
Guri ere, okerrenean, jakintsuenei gertatu ohi zaiena gertatuko zaigu: erdiz erdi huts egitea. Bestela esanda:
1. Gauzak okertuz gero, zail litzateke guk erdiz erdi huts egitea.
2. Okerrenean guk ere, jakintsuek bezala, hutsegite txikiren bat edo beste izan dezakegu.
3. Guri ere, beharbada, jakintsuenei gertatu ohi zaiena gertatuko zaigu: bete-betean huts egitea.
4. Jakintsuenei gertatzen zaie eta guri ere gerta dakiguke hutsean geratzea.
Arrapaladan ateratzen dira, txirrinak .....
1. jotzen duela bezain laster.
2. jo bezain laster.
3. joko duela bezain laster.
4. jotzen bezain laster.
Zaude isilik, ez ezazu astakeria gehiagorik esan! Hau lotsa ..... Aukeratu jarraipen egokia.
1. Edonork entzuteagatik!
2. Inork entzunda ere!
3. Baten batek entzutea ere!
4. Norbaitek entzunagatik!
Ez da erraz asmatzen egunkariko irudi horren .....
1. esanahia.
2. esan-gura.
3. esan-nahia.
4. esannahia.
Hurrengoetatik zein da oskolduna?
1. Barraskiloa.
2. Barea.
3. Zirauna.
4. Azkonarra.
Aspaldi daukat gazte hori begiz jota. Ez dit batere kasurik egiten, .....
1. ordea.
2. alegia.
3. hain zuzen.
4. baizik.
Bere dirua beti gorde eta adiskideei ordainarazi? Aukeratu jarraipen egokiena.
1. Hori bai kankailua, hori!
2. Horrek bai azala!
3. Horrelako muturra!
4. Bada masaila, gero!
Landare edo lore batek hezetasuna galdu:
1. Lehertu.
2. Ihartu.
3. Igarri.
4. Usnatu.
Eguneroko ohituretan alde handia dago Afrikako beltzen eta Europan bizi ..... artean.
1. daitezkeen
2. diren
3. direnaren
4. direnen
Lanik gabe geratu naiz, istripua izan dut, gaixotu egin naiz. Zein ez da jarraipen egokia?
1. A zer bolada!
2. Dena neuri gertatu behar!
3. Bai zorte txarra nirea!
4. Hau da mauka nirea!
Zein dago zuzen idatzia?
1. 1996an 1540 liburu erosi zituen herriko liburutegiak.
2. 1996.an 1540 liburu erosi zituen herriko liburutegiak.
3. 1996an 1.540 liburu erosi zituen herriko liburutegiak.
4. 1.996ean 1.540 liburu erosi zituen herriko liburutegiak.
Zein da zuzena, adiskideek alde egin behar dutela eta haiek agurtzean?
1. On dagizuela, adiskideak!
2. Ondo ibili, adiskideok!
3. Ongi ibiliak, adiskideak!
4. Ezta adiorik ere, adiskideak!
Zein da zuzena?
1. Berriro ere huts egin eta zelaitik alde egin du aurrelariak.
2. Haragi puska hori ez dago ongi: gaizki usaintzen du.
3. Haserretu egin gara eta jo egin dit.
4. Arratsaldeko bostak arte itxarongo zaitut etxean.
Erabaki horrek bazterrak ondo..... ditu.
1. arakatu
2. salatu
3. erkatu
4. astindu
Aurten ere, gogotik saiatu beharko dute euskal futbol taldeek, den-denek mailari.....
1. eusten badiote.
2. eutsiko baliote.
3. eutsiko badiote.
4. eusteko badiote.
Euskara batuan, zein hitz zerrenda dago zuzen idatzita?
1. Ibai, iheslari, nonahi.
2. Bait dugu, ikustarazi, honez gero.
3. Auspoa, haundia, hildo.
4. Artzai, aurrekalde, bapatean.
Azterketan kopiatu eta, hala ere, 4 jarri dizutela? Tira, hobe duzu isil-isilik egon, .....
1. gertatzen denarekin.
2. zer gerta ere.
3. zer gerta daitekeelakoan.
4. zerbati gertatzekotan.
Bakearen edertasuna musika tresna anitzen berezko izaera errespetatuz baino ez da lortzen.
1. Bakearen edertasuna erdiesteko nahitaezko da hainbat musika tresnaren berezko izaera errespetatzea.
2. Beharrezko da tresna anitzen berezko izaerari begirunerik ez izatea bakearen edertasuna lortzeko.
3. Musika tresnen izaera errespetatzea beharrezko da edertasuna lortzeko.
4. Bakea nekez lortuko duzu, baldin eta ez badiozu muzin egiten berezko izaerari.
Ez dugu aurrerantzean denborarik galdu behar. ....., lehen galdu duguna berreskuratu behar dugu.
1. Baita
2. Hala nola
3. Nahiz
4. Aitzitik
Oso apain jantzi eta prestatu zarete. Aukeratu jarraipen egokia.
1. Nora joaterakoan?
2. Norako asmotan?
3. Nongo bidean?
4. Nolako asmoa?
Hurrengo hitz multzoetatik, euskara batuan zein dago zuzen idatzita?
1. Pixkat, eskeini.
2. Zergaitik, gehien bat.
3. Hasiera, batik bat.
4. Institutoa, sekretoa.
Zortzi eta erdietako ..... zutik etorri naiz.
1. trenan
2. trenez
3. trenaz
4. trenean
Ikasturtea alferkerian pasatu dut, baina dena gainditu dut. Aukeratu erantzun egokiena.
1. Ez dagoena zara zu!
2. Zeu bai zarela!
3. Zu zeu bezalakoa zara!
4. Zu zara zu izatekoa!
Zein ordutatik zein ordutara egingo duzu lan? Aukeratu zuzena.
1. Hiru eta laurdenetik zazpietara.
2. Hamaikak eta laurdenetatik ordu batera.
3. Zazpitatik zortzietara.
4. Zortziak eta hogeitatik bederatzietara.
Krisiak ekarri zuen industri lanpostuen ..... erantzunez, enpresen ..... ekimenak bultzatu zituen Administrazioak.
1. suntsipenari / sustapenerako
2. sustapenari / sendotzeko
3. urritzeari / asmatzeko
4. finkatzeko / abiarazteko
Egingo ote du gaur euririk? Aukeratu erantzun egokia.
1. Egingo duelakoan!
2. Ba, larri ibili!
3. Baietzean omen dago!
4. Litekeena liteke!
Astelehenean adierazi zigun Mikelek asteazkeneko bilerara ......
1. ez litzatekeela etorriko.
2. ezin litzakeela etorri.
3. ez zela etorriko.
4. ez zitekeela etorriko.
Aspaldi elkar ikusi gabe eta datorren igande arratsalderako jarri dugu .....
1. hitzordua
2. mintzamena.
3. elkarketa.
4. mintzaera.
Bat okerra da euskara batuan.
1. Zuek zindoazten.
2. Zuk zenekarren.
3. Guk generaman.
4. Zu zebiltzan.
Sehaskatik erori eta zauria egin du gure Leiretxok.
1. Bejondeiola!
2. Gaixoa, ezta!
3. Koittadua!
4. Zorigaiztokoa!
Pilota finala gaur zen ....., baina atzeratu egin behar izan da.
1. jokatzear
2. jokatzerakoan
3. jokatua
4. jokatzekoa
Lagundu egin nion, eta hark ..... musu bat eman zidan. Aukeratu egokiena.
1. ordain bezala
2. ordainduz
3. ordainetan
4. ordaintzeko asmoz
Nire lanbideak Afrika iparraldera eraman nau, bereber hizkuntza ikastera eta aritzera: badakizue alderdi horietan arabiera ez dela nagusien kultur hizkuntza berria besterik. Hau da:
1. Afrika iparreko jatorrizko hizkuntza arabiera da.
2. Afrika iparrean ez da bereberea erabiltzen.
3. Afrika iparrean ez da arabieraz hitz egiten.
4. Afrika iparrean bereberez hitz egiten da.
Hegazkinak kontrola galdu du. Ai, ene, ..... Aukeratu jarraipen egokia.
1. gureak egin du!
2. egin dugu gurea!
3. egin da gurea!
4. gurea egin digu!
Zein dago oker?
1. Hamarna sagar jan ditugu.
2. Ehuna ardi erosi dituzte.
3. Bostehuna orrialde irakurri dituzte.
4. Milioina pezeta banatu dute.
Ortografiari dagokionez, zein dago zuzen idatzita?
1. Leunago jokatu dugu hegal guztietako arazoak saihestearren.
2. Lehenbaitlehen jeikitzeko agindu nien nere zai zeudenei.
3. Lehiotik ikusi dugu leiha bizian ihardun dutela kirolariek.
4. Aurten ihaz baino erahilketa gehiago gertatu dira gure hauzoan.
Hauek izan dira gaurko albisteak. ..... hurrengo albistegia bihar arratsaldeko ordu bietan eskainiko dizuegula.
1. Ez ahaztu
2. Gogoratzea
3. Gogoko izan
4. Dakizuen bezala
Zotz egin dugu eta ..... egokitu zaie ordezkari izatea.
1. Aitorri eta Unaieri
2. Aitorri eta Unairi
3. Aitorreri eta Unairi
4. Aitorreri eta Unaieri
Eskoletako udako oporrak ..... hasten dira.
1. ekainak 24an
2. ekainaren 24ean
3. ekainaren 24an
4. ekainak 24etik
Pozik noa etxera. Izugarrizko pilota partida ikusi dugu gaur! Aukeratu jarraipen egokiena.
1. Bai, apartekoa izan da!
2. Bai, nolabaitekoa izan da!
3. Bai, nola-halakoa izan da!
4. Bai, egundainokoa izan da!
Oporrak iritsi eta berehala joan ..... buruko min eta neke guztiak.
1. zitzaidan
2. zitzaizkidan
3. zekizkidan
4. zekizkidakeen
Euskara batuan, zein dago zuzen idatzita?
1. Zer egin guztiak bere eskuetan usteko esan zion Martak.
2. Sartagina sutan jarri orduko, olioa irakiten hazi zen.
3. Botika hari esker berehala suspertu zen gaixoa.
4. Sama guztia bizkarrean hartuta abiatu zen mendira.
Jonek 100 kilo ei ditu. Jarraipen egokiena:
1. Bai, ez dago alferrik galdua!
2. Bai, esne-mamitan bizi da!
3. Izan ere, egon hadi lo, eta jango duk mehe!
4. Hark ere burua arinago!
Joserekin geratu naiz, bera bakarrik ez ......
1. uztera.
2. utzi arren.
3. uztearren.
4. utziagatik.
Berezko gaitasuna, gauza batzuk erraz eta egoki egiteko:
1. Garuna.
2. Zioa.
3. Konortea.
4. Sena.
Aho-zabalka eta besoak atzeraka luze: ..... ari zen.
1. nagiak ateratzen
2. nekeak kentzen
3. nagikeria uxatzen
4. asperkeria kentzen
Euroa erabiltzen hasi eta bi urte geroago, oraindik ere makinatxo bat arazo ..... du jendeak.
1. ote
2. al
3. ohi
4. omen
Zer esan nahi du gailendu hitzak?
1. Eguzkia laino artean ezkutatu.
2. Haserrez betetako kopeta beltza agertu.
3. Zerbaitetarako gai bihurtu.
4. Gainerakoei nagusitu.
Otzaurte aldeko mendietan ibili da eta abail-abail eginda etorri zaigu. Hots:
1. Arropak erabat urratuta etorri da.
2. Oso nekatuta etorri da.
3. Zauri eta urraduraz beterik etorri da.
4. Poz-pozik etorri da menditik.
Harrigarria da neska horrena: berrogei urte ditu eta oraindino .....
1. gurasoen lepotik bizi da!
2. gurasoen baitan bizi da!
3. gurasoekin lepo bizi da!
4. gurasoengandik bizi da!
Zein ez da zuzena?
1. Zein herrira joaten zara oporretan?
2. Pellok bestek ez zuen ikusi hiltzailea.
3. Zuganako maitasuna ez du inoiz ezkutatu.
4. Bere kabuz moldatu izan da beti.
Itoko ahal haiz! esatean, zer adierazi nahi dugu?
1. Harridura.
2. Guraria.
3. Pena.
4. Ahalera.
Letra larriak eta xeheak. Euskara batuan, zein dago zuzen idatzita?
1. Ekainetik Abuztura Baionan izaten naiz.
2. Futbolean italiarrek eta alemaniarrek ondo jokatzen dute.
3. Bihar eskoletako Zuzendariekin izango dugu bilera.
4. Gazte Elkarteek bilera dute etzidamu.
Norbaiten etorrerak harridura sortu dizula adierazteko:
1. Nor etortzen eta zu!
2. Hara nor etorri den!
3. Zu etorrita ere!
4. Begira bestea etorri zaigu!
Ez gara batere iaioak musean eta azkenak izango gara txapelketan: ez dago gu .....
1. salba gaitzanik.
2. salbatuko gaitzakeenik.
3. salbatuko gaituenik.
4. salba dezakegunik.
Goitik behera aztertu ninduen, aspaldi ikusi gabeko lagun zaharra banintz bezala. Hau da:
1. Zahartuta ikusi banindu bezala aztertu ninduen.
2. Aspaldian ikusi gabeko laguna izango banintz bezala aztertu ninduen.
3. Aspaldi galdutako gaztetasuna gogora ekarri banio bezala begiratu zidan.
4. Aspaldi lagun zaharrak ginela ahaztu balu bezala, goitik behera begiratu zidan.
Edukazioz agurtu nuen bikote hura. Alegia:
1. Gorrotoz.
2. Beldurrez.
3. Adeitsu.
4. Pozez.
Uste dut arrisku horiek kontuan hartu behar direla, ..... etorkizunean ager daitezkeenak .....
1. baita / ere
2. eta / baita
3. eta ere / baita
4. eta / bai ere
Mende hasieran estatu europarren artean zegoen lehiak leherrarazi zuen lehen mundu gerra. Hots:
1. Leherketa baten ondorioz etorri zen lehen mundu gerra.
2. Mende hasierak piztu zuen mundu gerraren garra.
3. Estatuen arteko norgehiagokak ekarri zuen gerra.
4. Europa batua lortzeko lehiak leherrarazi zuen gerra.
Araudiak baimentzen duen metal astun kopuruaren halako 700 dute petrolio eta gas enpresen inguruan bizi diren maputxeek gorputzean. Hots:
1. Baimendua baino metal astun gutxiago dago maputxeen gorputzean.
2. Maputxeen gorputzean ia ez dago metal astunik.
3. Metal astun gehiegi dago maputxeen gorputzean.
4. Maputxeen gorputzean metal astun gutxi dago.
Norbaiten lana goraipatzeko, zein da egokia?
1. Ederra egin duk!
2. Azkenean ere egin duk hirea!
3. Hi haiz hi harroa!
4. Ondo baino hobeto egin duk!
Norbaiti gazte dagoela esateko, zein ez da egokia?
1. Erabat gaztetuta zaude!
2. Ederki ematen dizu!
3. Zahartu ere ez haiz egiten!
4. Ez daukazu itxura txarrik!
Zein da zuzena?
1. Gure txirrindulariek izugarrizko arrakasta lortu egin dute.
2. Etxe berriak egundoko dirutza kostatu egiten dira.
3. Ordulari dotore hori aurkitu ez, ostu egin zuen Jonek.
4. Istripu baten erruz, errepidean sei orduz mugitu egin gabe egon ginen.
Ardoa datatu eta zapore garratza duela nabarituta:
1. Nolako bihotzerrea!
2. Nazkatuta dago!
3. Hau da marka!
4. Guztiz minduta dago hau!

Maite Goñi (euskaljakintza)

2003ko irailaren 20ko ATARIKO PROBAEGA: 2003-2004 azterketak liburutik hartua.Entzun eta aukeratu galdera bakoitzaren erantzun zuzena:

2003ko irailaren 20ko ATARIKO PROBA

EGA: 2003-2004 azterketak liburutik hartua.

Entzun eta aukeratu galdera bakoitzaren erantzun zuzena: