Berri onak: Diariovasco.com sariketako finalistak gara!

euskaljakintzaZorioneko gaude berriz ere! Duela gutxi lortutako Espiral sariaren oihartzuna itzali gabe dagoenean, beste berri on batekin natorkizue: Diariovasco.com sariketan finalistak gara! Diariovasco.com Sariak DIGITAL VASCA S.L.ren lehiaketa bat da (ikus oinarriak). Bere helburua Internet sustatzea eta baliabide honen bidez jarduerak garatzen dituztenen lanaren kalitatea eta esfortzua aitortzea da. Antolatzaileek bost kategoria ezberdinetan egingo dute errekonozimendua eta kategoria bakoitzerako sari bakarra emango dute epaimahaikideek. Hauxek dira/gara finalistak kategoria ezberdinetan:

• Enpresa web orri onena: AFM, Gurutzeta sagardotegia eta Inasmet.

• Instituzio web onena: Ataungo Udala, Donostiako Udala eta Irungo Udala.

• 2.0 web orri onena: Astindu, Euskaltube eta Nireblog.

• Pertsona/Elkarte web orri onena: Broute Mag, Vasco de Camping elkartea eta euskaljakintza.

• Web publizitate kanpaina onena: Ikea, Renault eta Toyota.

Publikoaren Sarian parte hartzen dutenen artean Punta Canara bidaia bat zozketatuko da

Diariovasco.com-ek, era berean, web onenari ‘Publikoaren saria’ izeneko saria ezarri du. Sari honen irabazlea zein den erabakitzeko erabiltzaile bakoitzak bere botoa eman ahal izango dio 12 web orri finalistetako bati. Erabiltzaile bakoitzak behin bakarrik parte hartu ahal izango du bozketa-prozesu honetan eta ezinbesteko baldintza izango da Diariovasco.com-en izen emanda egotea. ‘Publikoaren sari’ berezi hau erabiltzaileen boto kopuru gehien jaso dituen webak jasoko du, berdin delarik zein kategorietakoa den. Erabiltzaileen parte hartzea sustatzeko, Publikoaren sarian parte hartzen duten erabiltzaileen artean bi lagunentzako Punta Canara bidaia bat zozketatuko da.

Amaitzeko, aitortu beharrean nago, irabazi edo ez irabazi, guretzat ohore handia izan dela finalera iristea eta hainbat orri bikainen artean gurea ipintzea. Mila esker, hori ahalbidetu duzuen guztioi eta zorte on gu guztiontzat!

Subscribe

Subscribe to our e-mail newsletter to receive updates.

6 Responses to Berri onak: Diariovasco.com sariketako finalistak gara!

  1. haritz 2007(e)ko azaroak 11 at 2:03 pm #

    Zorionak! Lehiakide garen arren, gora fair playa! 😉

  2. Maite 2007(e)ko azaroak 12 at 9:28 am #

    Mila esker, Haritz, eta zorionak zuei ere! 😉

  3. Goio Telletxea 2007(e)ko azaroak 13 at 11:19 pm #

    Blog txukun eta eguneratua topatzeko aukera izan dut zuen berri jakin izan dudanean. Zorionak eta zorte on!

  4. Maite 2007(e)ko azaroak 13 at 11:26 pm #

    Mila esker, Goio! Zorionak eta zorte on zuei ere. 😉

  5. David 2007(e)ko azaroak 14 at 11:47 am #

    Zorionak !!!

    Merezi Duzue.

  6. Maite 2007(e)ko azaroak 15 at 1:55 pm #

    David, mila esker bene-benetan. Saria lortzen ez badugu ere, gutxienez 29an finalista guztiak topo egiteko aukera izango dugu (eta luncha dastatzeko! 😉

Utzi erantzuna Goio Telletxea(r)i Click here to cancel reply.

-->