Archive | azterketa bezpera

RSS feed for this section

Azken aholkuak (orain bai, benetan)

1. Irakurri testua bizpahiru aldiz. Ez hasi ezer erantzuten testua bi aldiz irakurri arte.

2. Galde-erantzunak:

  • Galdegaia kontuan izan.
  • Ez idatzi zentzurik ez duen ezer.
  • Irakurri erantzuna galdera aurrean izango ez bazenute bezala, eta ziurtatu erantzunak zentzu osoa duela (subjektua, osagarriak eta aditza).
  • Erantzun diozue galderari?
  • Ahal den neurrian, saiatu erantzuna bi zatitan ematen (erantzuna bera eta azalpen txiki bat).

3. Gaia:

  • Gaiaren bidez, egilea zertaz mintzatzen den adierazi behar da, ahalik eta hitz gutxien erabiliz.
  • Ez dadila izan ez orokorregia ezta zehatzegia ere.
  • Ahal dela aditzarik ez erabili (gehienera jota, aditz nominalizatuak: etortzea, sortzea…)
  • Irudiak, sinboloak edo metaforak ez ditugu gaitzat hartuko; izan ere, norbaiti testua horri buruzkoa dela esango bagenio, ez luke testuaren nondik norakoaren arrastorik ere izango.

4. Laburpena:

Laburpena idazten hasi aurretik, paragrafo bakoitzaren aldamenean ideia nagusia jarri. Ideia nagusi horien bildumak emango dizue laburpen egokiena. Lokailuak erabili ideia nagusi horiek euren artean uztartzeko (ez idatzi esaldi solteak bata bestearen atzetik, inongo loturarik gabe).

5. Esaldiak moldatu:

Ondo pentsatu lotu beharreko esaldi horien artean zer-nolako erlazioa dagoen (aurkaritzakoa, ondoriozkoa, kausazkoa…) eta horren baitan erabaki zein lokailu erabili. Kontuz! Ohikoena lokailuak azaltzea bada ere, juntagailuak edo menperagailuak ere atera daitezke (ikus Perpaus elkartu motak). Puntuazioa zaindu (puntu eta koma, koma…)

Ariketak egin nahi badituzu, egin klik hemen.

6. Idazlana:

Egizu gidoi bat idazten hasi aurretik. Egitura erabakitzean, pentsatu gidoian zerrendatutako ideiak zenbat paragrafotan garatuko dituzun. Paragrafo gehiago edo gutxiago erabiliz antolatuko duzu testua, baina, ahalegindu zaitez, paragrafo bakoitzean elkarrekin lotura daukaten ideiak biltzen. Izan ere, ondo antolatzen ez baduzu, ideia bat paragrafo bitan banatuta gera dakizuke, edota paragrafo berean lotura gutxidun ideiak bilduta gera dakizkizuke. Kontuan har ezazu, gidoitik aukeratutako ideiak elkarrekin ondo lotzen badituzu, irakurleari informazioa ordenatu egingo diozula, eta irakurtzean hariari errazago jarraitu ahal izango diola. Horretarako, ideiak antolatzeko, elkarrekin lotzeko eta hariari ondo eusteko, pentsatu zer lotura eta zer antolatzaile (1 eta 2) erabiliko dituzun.

Informazio gehiago nahi baduzue, joan gure wikira.

Hori dena errepasatu eta gero, pilatutako tentsio guztia pixka bat deskargatzeko, bideo hau ikus dezakezua (zuei gustatzen zaizkizuen horietako bat). 🙂

Comments { 0 }

Lengua errepasatzen

Pentsatzen dut asteburu osoa ikasten egongo zinetela eta gaur ikasitako hori errepasatzea tokatzen zaigu. Horretarako, hementxe dituzue Elenak igorritako bi aurkezpen. Lehenengoan, laburpena, gaia, eskema eta iruzkin kritikoa egiteko jarraitu beharreko urratsak adierazten dira; bigarrena, aldiz, hizkuntzaren funtzioei buruzkoa da (Recursos lings. para justificar las funciones del lenguaje). On dagizuela! 🙂

Aurkezpenak neurri handian ikusi nahi badituzue, klikatu hementxe (1, 2) eta full-i eman (aurkezpenaren behealdean, eskuinean). Zuentzat gorde nahi izanez gero, berriz, klikatu download file jartzen duen horretan eta zuen ordenagailura jaitsi ahal izango dituzue .


Comments { 0 }

Azterketa bezpera: LENGUA.

Gaur atal berri bati ongietorria emango diogu: azterketa bezpera. Bertan, hainbat gaitan azterketa aurreko azken berrikusketa egiteko aukera izango dugu. Zalantzarik gabe, zuetako askok zuen kontura eginda izango dituzue gai bat edo bestea errepasatzeko eskemak, baina zer irudituko litzaizueke irakasleak egindakoa hemen jarriko bagenu? Bada, horixe izango da atal berri honen xedea.

Euskal Hizkuntza eta Literatura gaia lantzeko bloga dugu hau, dakizuen bezala, baina gustura hartzen ditugu lankidetza lanak datozela datozen esparrutik. Beraz, gaurkoan elkarlana Lengua Española-ko mintegiarekin egingo dugu, Elena Riaño irakaslearekin, hain zuzen ere. Elenak asteartean izango duzuen azterketa errepasatzeko eskema helarazi dit. Zuentzako baliagarria izateaz gain, beste guztioi ere ondo baino hobeto etorriko zaigu garai batean ikasitakoa freskatzeko. Beste irakasleak ere pixkanaka-pixkanaka animatzen joango direlako esperantzaz, hementxe duzue gure lehenengo eskema-aurkezpena.

Aurkezpena neurri handian ikusi nahi baduzue, klikatu hementxe eta full-i eman (aurkezpenaren behealdean, eskuinean). Zuentzat gorde nahi izanez gero, berriz, klikatu hemen eta gorde zuen ordenagailuan.

Comments { 5 }
-->