Archive | lehiaketak

RSS feed for this section

Jakintzako ikasleak Ordiziako ‘Hutsuneak bete’ II. komiki lehiaketan sarituak

Batxilergoko ikasle sarituakJakintzako DBH eta Batxilergoko ikasleek Ordiziako Udaleko Euskara zerbitzuak gazteei zuzendutako ‘Hutsuneak bete’ II. komiki lehiaketan parte hartu zuten duela aste pare bat. Sariak aste honetan banatu dira; horien arabera, ezin ukatu gure ikasleak komikilari finak direnik.

Aurkeztutako komiki-istorioak epaitu dituen Dani Fano komikilariak lanak izan ditu komikien artean batzuk aukeratzen. Ezustekoa hartu du, komiki-istorioak oso-oso onak iruditu zaizkiolako!

Dani Fano bera izan zen sari-banaketan, epaiaren gainekoak komentatzen eta sariak banatzen. Lehiaketa hau bi mailatan banatu da: A Maila (DBH 2. zikloa) eta B Maila (Batxilergoa).

Hauek dira gazte saridunak eta saritutako lanak:

A mailan

  • DBHko Jakintzako saritua Dani Fano komikilariarekinDBH4. 1. saria: Ama kontratatu!, Jon Hernandez Lekuona (Oianguren)
  • DBH4. 2. saria: Ai ama!, Irati Otamendi Urbiztondo (Jakintza)
  • DBH4. Aipamen berezia: Ratatata!, Mikel Alejo Barcina (Oianguren)

B mailan

Zorionak guztiei!!!

B mailako komiki irabazlea (egin klik irudiaren gainean neurri handian ikuseko):

Comments { 1 }

Ainhoa dotore Eskolarteko Bertsolari Txapelketan

Ainhoa
Atzo, maiatzak 29, Donostiako Manteo Kiroldegian 29. Gipuzkoako Eskolarteko Bertsolari Txapelketa ospatu zen. Jainkotxiki modura genuen atzo Ainhoa Mujika gelakidea bertan, gazteen mailako finalean. Nahiz eta garaipenak oraingoan ezin izan duen etxera etorri, izugarrizko lana burutu zuen bertsolariak atzoko ekitaldian.

Arratsaldeko laurak aldera hasi zen gaztetxoen mailako txapelketa. Andoni Egaña bertsolari ospetsuak aurkeztuta, Goierri, Asteasu-Alegia, Zumarraga-Urretxu eta Hernaniko taldea aritu ziren norgehiagoka. Talde bakoitzak bere agurra aurkeztu ondoren, benetako lehiaketari ekion zioten, bakoitzak ahal zuen onena eman nahian. Azkenean, Asteasu-Alegiako taldeak eraman zuen gaztetxoen arteko txapelketa. Horretaz gain, Haritz Mujika eta Mikel Iturriotz Euskal Herriko Eskolarteko finalerako sailkatu ziren.

Ainhoa

Gaztetxoen ordua amaitu ondoren, gazteen txanda iritsi eta gure urduritasuna areagotzen joan zen. Zortzi gipuzkoar gaztek hartu zuten parte finalean: Manex Mantxola, Ane Labaka, Oihana Iguaran, Imanol Irazustabarrena, Asier Azpiroz, Amaia Iturriotz, euskaljakintzako Ainhoa Mujika eta Mikel Olaizola. Lehian aritu ostean eta idatzizko txapelketako sariak eman ondoren, irabazlearen izena eman zuten. Amaia Iturriotz izan zen garailea atzoko egunean; eta Ane Labaka, aldiz, iazko irabazlea, bigarren postuan gelditu zen. Azken honek, gainera, idatzizko txapelketan lehenengo saria eskuratu zuen.

Nahiz eta gure Ainhoak txapela irabazi ez izan, itxura benetan dotorea eman zuen; denok harro uzteko adinako itxura benetan. Hau izan da bere azkeneko urtea lehiaketa honetan, eta hemendik aurrera munduko zorterik onena opa diogu, etorkizunean oraindik gaur baino hobea izango den bertsolariari. Zorte on eta zorionak, Ainhoa!

Comments { 3 }

ZORIONAK GAZTETXEA! Marrazki lehiaketa!

Ordiziako gaztetxearen 20. urtemugarako marrazki polit eta proposamenen bila gabiltza

Ordiziako gaztetxeak 20 urte beteko ditu aurten eta, honen haritik, Ordiziako Gazte Asanbladak urtemuga berezi honetako marrazkia izango dena aukeratzeko lehiaketa jarri du abian.

Iazko urteurrena ospatzenLehiaketan parte hartzeko, marrazkiak 20.urteurrenarekin zerikusi zuzena izatea beharrezkotzat jo dute antolatzaileek eta baita gaztetxearen logotipoa bertan azaltzea ere.

Bi arau nagusi hauez gain, irudimena ere baloratu eta eskertuko da marrazki txapelketa honetan. Lanak gaztetxean bertan jasoko dira, honetarako azken eguna otsailaren 28a izango delarik.

Gainera irabazleak jasoko duen saria ere ez da nolanahikoa izango, bi lagunentzako afari aparta jasoko baitu Ordiziako gaztetxearen eskutik, 120€ balio duen otordua, alegia.

Gazte Asanbladatik jende guztia gonbidatu dute animatu ete lehiaketan parte hartzera eta noski baita urtemugari begira antolatuko diren ekintzetan parte hartzera ere.

Comments { 2 }
-->