kardantxilo
Ik. karnaba. iz. ZOOL. Fringilidoen familiako hegazti paseriformea. 12 cm inguruko luzerakoa da eta marra hori eta beltzez jantzitako hegoak eta marra zuri batez inguratutako aurpegi gorria du. Oso arrunta da eta kantu atsegina duenez kaiola–txori modura hazten da. Graniboroa da (Carduelis carduelis). (Harluxet Hiztegi Entziklopedikoa)
Sinonimoak: iz. Bizk.
[karnaba] karnaba, kardantxori Bizk., kardamiru Ipar. g.e. (UZEIren Sinonimoen Hiztegia)
Beste hizkuntza batzuetan (Elhuyar Hiztegia):
es jilguero (Carduelis carduelis)
fr chardonneret
en goldfinch
port pintassilgo-europeu
Bere alaba gazteena, zazpigarrena, oldartu zitzaion, kardantxilo saldo harrigarri bat mundua txit-txit-txit ondo egina dagoela kantatzen ari zen goiz eder batez. [Konpainia noblean, Anjel Lertxundi (Alberdania, 2004)] (Ereduzko Prosa Gaur)
Luistxo Fernandez 7:41 pm on 2012/10/11 Permalink
Hara, gaur egin dut topo kardantxilo batekin… aragoieraz!
Meme bat zabaldu da Interneten esan duelako Wert ministroak ume katalanak espainolizatu nahi dituztela. Aragoieraz eta katalanez #espanyolisado traola zabaldu da hizkuntza jokoak eginez batik bat, eta aragoierazko teknofilo interesgarri bati, Juan Pablo Martinez @JPMartinez_ -i bat polita aurkitu diot:
“Irse a ordeñar jilgueros”. Noski, jatorrizkoa aragoieraz da “mandar a muyir cardelinas!”, kardantxiloak jeztera bidaltzea, edo, guk esango genukeen bezala, antzarrak perratzera bidaltzea.
Hizkuntzari errespeturik gabe egin zuten iragarki batekin ere gogoratu naiz: http://azpitituluak.com/es/1338540263
Eta bide batez, bai, kardantxiloa, Euskal Herriko txoririk politenetakoa
Maite 8:22 am on 2012/10/12 Permalink
Ze kasualitatea, ezta? @jozulin -ek juxtu bezperan proposatutako hitza da. Ederra txoria eta ederra kantua… 🙂
meme | Gaurko hitza 9:31 am on 2015/03/14 Permalink
[…] jeztera bidaltzea, edo, guk esango genukeen bezala, antzarrak perratzera bidaltzea. [Gaurko hitza 'kardantxilo', Luistxo Fernandez, (Gaurko hitza, 2012-10-10)] meme (Gaurko hitza, […]