Kausazko lokailuak

KAUSAZKO LOKAILUAK:

 

Ø IZAN ERE

 

Ez du konponbide errazik; IZAN ERE, interes asko daude jokoan.

Bota egin dut; IZAN ERE, oso zahartua zegoen.

Hau ez da lehenengoa; IZAN ERE,  orain gauzak hobeto daude.

Pozik egotekoa da; IZAN ERE, egunero ez da halakorik gertatzen.

Oso gogorra izan da; IZAN ERE, hiru urte kosta zaigu amaitzea.

Leku guztietatik deitzen diote; IZAN ERE, onenetarikoa BAITa.

 

Ø ZEREN (ZE, ZERGATIK)

 

Kontuz ibili, ZEREN (ETA) oso labainkor dago.

Ez noa, ZEREN (ETA) bart oso gutxi lo egin dut.

Egia da, ZE(ZERGATIK) nik neuk ikusi dut.

Ni ez noa, ZE (ZERGATIK) oso nekatuta nago.

 

Ø ALABAINA

 

Ez da erraza izango; ez dugu, ALABAINA, beharrezko materiala.

Egoerak lehertu egingo du; langileak, ALABAINA, oso egoera txarrean daude.

 

Ø BA(DA)

 

Joan egin da, BADA (ZEREN), denbora luzea itxaron behar izan du.

Gaur gauean izoztu egingo du, BADA, zerua garbi-garbi dago.

 

Ohiko akatsak:

 

* Ez du merezi; ESKE garestiegia da.

Ez du merezi; IZAN ERE, garestiegia da.

 

* Nolatan ez da etorri? ESKE lan handia zeukan..

Nolatan ez da etorri? Lan handia zeukan ETA.

 

* Zergatik ez zatoz? ESKE ezin dut.

Zergatik ez zatoz? Ezin dut, BAINA!

* Zergatik ez duzu egin? ZERGATIK ez neukan gogorik.

Zergatik ez duzu egin? Gogorik ez neukaLAKO.

 

* Zergatik ez zara zu ateratzen? ZERGATIK lotsa ematen dit.

Zergatik ez zara zu ateratzen? Lotsa ematen didaLAKO.

 

LABURPENA:

 

1.      IZAN ERE

2.      ZEREN (ZE, ZERGATIK)

3.      ALABAINA

4.      BA(DA)