Maita nazazu gutxiago ta goza nazazu gehiago

Euskararen Nazioarteko eguna dela eta, euskaljakintzakook hitzetatik ekintzetara igarotzea pentsatu dugu, asmoetatik egitasmoetara eta dekalogo hau sortu dugu:

  1. ENEHizkuntza bat ez da galtzen ez dakitenek ikasten ez dutelako, dakitenek hitz egiten ez dutelako baizik zioen Artzek; beraz, euskaraz dakienarekin euskaraz hitz egingo dut.
  2. Beste lurraldeetatik etorritakoak euskaraz mintza daitezen lagundu eta animatuko ditut.
  3. Euskaraz ikasteko eta mintzatzeko borondatea azaldu eta lehen urratsak ematen duen orori nire laguntza eskainiko diot.
  4. Euskaraz jakinda euskaraz mintzatzen ez denari bere jarrerak ekar ditzakeen ondorio lazgarriak ikusarazten ahaleginduko naiz.
  5. Sarean euskarazko presentzia eta oihartzuna hedatzen lagunduko dut.
  6. Euskarazko edukiak sortzen eta besteen eskura jartzen saiatuko naiz.
  7. Euskal kultura ezagutu eta ezagutzera emango dut lau haizeetara zabalduz.
  8. Euskal hedabideak sustatuko ditut. 
  9. Euskal literatura ezagutu eta irakurriko dut.
  10. Euskararen Eguna urteko 365 egunak izango dira niretzat.

Guk gurea osatu dugu eta betetzen saiatuko gara. Baina zer erantsiko zenuke zuk? Zer gehiago egiteko prest zeundeke? Bada, zuen ideien zain gelditzen gara euskarak bultzadatxo bat eta denon ekarpenak behar ditu eta…

Informazio gehiago: Euskararen Nazioarteko Eguna Euskosaren.

One Response to Maita nazazu gutxiago ta goza nazazu gehiago

  1. WordPress › Errorea

    Zure webgunean errore kritiko bat gertatu da.

    WordPresseko arazo-konponketen inguruan gehiago jakin.