Oraindik ere homosexualitatearekin bueltaka

gay2.jpgEz, ez da egia homosexualitatea XIX. mendeko kontua denik, ezta gutxiagorik ere. Esan genezake homosexualitateak berak ere, gauza guztiak bezala, baduela historia bat. Historia horrek ez du ibilbide erraza izan; izan ere, auzi honek hamaika gorabehera izan baititu.

Sinestekoa ez bada ere, termino honen jaiotza Erroma eta Greziako inperio garaietan koka daiteke. Garai haietako poeta eta literaturazaleek garbi utzi dute euren idazki eta lanetan homosexualitatea existitu existitzen zela Julio Cesarren tenorean eta, are gehiago, guztiz normaltzat hartuta zegoela gizon batek beste gizon batekin harreman sexualak izatea. Askok aipatu zuten bezala, emakume zein gizon batekin harremanak izatea ez zen beste munduko gauza, desio sexuala asetzeko bide bat besterik ez. Egia esan, oso kultura gutxik zigortu izan zuten homosexualitatea garai haietan, lehentasuna ematen baitzioten familia kontzeptuari eta ez sexu kontzeptuari (lehen zegoen homosexualitatea sexuari, eta ez maitasunari, zuzendua zegoela suposatuz).

Gauzak erabat aldatu ziren Berpizkunde garaian. Kontuan hartu behar dugu Florentzia eta Venezian sortutako ideologia berriak gizarte eta kultura desberdinetan harrera ona izan zuela. Pentsamolde berri honek gauzen ikuspuntu itxiagoa eta tradizionalistagoa ekarri zuen eta homosexualitatea gaixotasuntzat hartzen hasi zen. Gaixotasun hari amaiera emateko xedez, homosexualtzat zituzten guztiak sutan erretzen hasi ziren.

gay.gif

Hori gutxi ez eta, azkar zabaldu zen pentsamolde tradizionalista mundu guztian zehar eta ikuspuntu itxi honek luze iraun du jendearen pentsaeran. Ez hori bakarrik, erlijio katolikoak eta diktadurek gehiago itxi zuten mentalitatea eta gizon perfektu baten eredua eraiki zuten: seme-alabak zituen eta ezkonduta zegoen gizon langile batena. Hala ere, ezkutuan izan bada ere, gizonek beti maitatu izan dute gizona eta euren arteko harremana gauzatu egin da.

gay3.jpgGaur egun, normalizazioa lortu dela esan genezake. Hala ere, gaurko artikuluan, zehazki “normalizazio horretaz” hitz egitea gustatuko litzaidake. Jakina da gaur egungo homosexual-bikoteek bai ezkontzeko, eta baita seme-alaba bat adoptatzeko ere eskubidea dutela. Beste modu batean esanda, legearen aurrean, beste edozein pertsonak izango lituzkeen eskumenak dituzte. Baina egungo arazoa ez da legean oinarritzen, gizartean baizik. Gizarteak ez du gizon homosexuala baztertzen, baina etiketatu egiten du. Homosexualez hitz egitean, gauza normaletatik ateratzen den zerbaitez arituko balitz bezala jokatzen du gehiengoak; izan ere, nahiz eta kontzientzia liberala dugula pentsatu, jendeak ez du hain libreki jarduten. Arazoa gehienbat gazteekin gauzatzen da eta diskriminazioa nahiz bullynga agertzen dira euren egoera adieraztean, eta hori da hain zuzen gizarte totalitarista baten zeinua. Gazteen artean normalizazio kontzientzia hau zabaltzen hasten ez bada, ezinezkoa izango da gizabanakoen berdintasuna lortzea; horregatik, ideia zaharrak baztertuz eta gure adimena irekiz baino ez dugu lortuko besteekiko errespetua.

Homosexuala izatea ez da gaixotasun bat, ezta norbaiten bizitzako lapsus bat ere; sentitzeko, jarduteko eta bizitzeko modu bat da. Horiek horrela, euskaljakintza gunetik errespetua eskatzen dizuet. Gainerako gizabanakoekiko errespetua aldarrikatzen dut; izan ere, bai moralki, eta baita kontzientzia aldetik ere euren aurrean berdintasun horrekin jokatzeak sekulako aurrerapena suposatuko bailuke…

,

6 Responses to Oraindik ere homosexualitatearekin bueltaka

  1. LEIRE 2008(e)ko maiatzak 5 at 3:14 pm #

    Homosexualitateari buruz jendea geroz eta irekiagoa bada ere, oraindik aurreiritzi asko daude eta jendeak onartzen lanak ditu! baina bestalde, gordeta ibiltzea ere ez da ona!homosexualek bizitza osoa eman behar baitute “armairutik” ateratzeko.Askok esaten dute onartzen dutela, ezagutzen dutela homosexualen bat baina… atzean ezkutatzen dira beraiek direla esan barik.

    Erakutsi nolakoa zaren eta besteak nolakoak diren jakingo duzu!!! =D>

  2. Jorge 2008(e)ko maiatzak 5 at 3:18 pm #

    Homosexualitatea petsonaren bat gustuko izateko beste modu bat da. Mundu guztiko herrialdeetan beste bikote mota nornal bat bezala ikusi behar da. Ezkontzak ere legelizatu egin behar dira eta horrela norberaren gustuak errespetatu egingo dira. 😡

  3. maider 2008(e)ko maiatzak 5 at 3:22 pm #

    Nire ustez bakoitza nahi duen mutil edo neskarekin egon daiteke. Gustoko badu libre da nahi duenarekin egoteko. Ez dio inork ezer esan behar. Bakoitza aske da nahi duenarekin egoteko eta mutil batek beste mutil bat gogoko badu, ez dio inork ezer esan behar. Ni horren alde nago.

  4. arianeh 2008(e)ko maiatzak 7 at 12:52 pm #

    eskerrikasko artikulua irakurtzeagatik eta zuen iritzia ere emateagatik!

  5. alain 2008(e)ko maiatzak 7 at 1:04 pm #

    Artikulu interesgarria iruditu zait Ari. Ados nago nago zurekin, arazoa gizartean dagoela esaten duzunean. Egia da homosexualak ezkontzeko legea atera dela baina horrek ez du normaltasuna ekartzen, gizarteak onartzen ez badu. XXI. mendean bizi gara eta gauzak asko aldatu dira baina badirudi jendeak pentsamendu tradizional askorekin jarraitzen duela, nahiz eta askoz ezezkoa esan. Ea aldatzen dugun zertxobait gure pentsatzeko era!

  6. Maite 2008(e)ko maiatzak 21 at 7:17 am #

    Gaur goizean irakurri dut Tolosako kultura etxean gai honi buruzko erakusketa bat egongo dela ostiralera arte. Argazkien bidez, homosexualitatea nola kontsideratua izan den azaltzen saiatuko dira. Interesgarria zalantzarik gabe! Iformazio gehiago hemen.

Utzi erantzuna

-->