Venezia urik gabe?

venezia 2.jpgAzken egun hauetan egunkari eta albistegietan ikusi dugun bezala, Veneziako ubideek ur-eskasia nabaria azaltzen dute hainbat fenomeno meteorologikoren ondorioz. Normalean, urteko garai honetan, Veneziako ubideak metro bateko itsasgora izaten dute, baina aurtengo egoera erabat alderantzizkoa izan da; izan ere, ubideek ohiko tasatik 80 zentimetroko beherakada izan dute. Fenomeno honek izugarrizko arazoak ekarri dizkio Veneziari eta horregatik horri buruz idaztea otu zait.

Ezer baino lehen, aipatu beharra dago, gondolak kanaletako bazterretan hondartuta geratu direnez, herriaren trafikoa bertan behera geratu dela. Beraz, Veneziako funtzio guztiak pausatu egin dira, hala nola, anbulantziak, posta zerbitzuak, suhiltzaileak…

Era berean, ubideetako ur-eskasiaren ondorioz, kaleetan barrena usain nazkagarria dago, eta Veneziako biztanleak kirats hori jasan behar izanean agertzen dira. Horregatik, bertako biztanleak eta gainontzekoak, aurreko egoerara bueltatzeko irrikitaz daude, gehienbat, Venezia urik gabe ez delako Venezia.

Garbi dago Veneziaren egoera honek etorkizunean ondorio larriak ekar ditzakeela turismoaren arloan eta, hori saihesteko, lehenbailehen euri zaparrada ederra bota beharko du. Ea horrela den!

One Response to Venezia urik gabe?

  1. maro 2008(e)ko martxoak 20 at 2:09 pm #

    artikulo ona leire!!!

    ondo ibili

Utzi erantzuna

-->