“Zabalik” astekariaren bukaera

6 urtetan zehar publikatu den El Correo eta El Diarioren euskarazko astekariak, gaur, abenduak 29, aterako du azken zenbakia.

1999ko azaroaren 27an argitaratu zen aisialdiko eta kultura edukiko astekari honen lehen zenbakia. Sortu zenetik, aldaketa ugari izan ditu: hasieran, ostiraletan ateratzen zen El Correo eta El Diario egunkariekin batera, baina urte honetako urtarrilean, ostegunetan jarri zuten salgai.

Astekari honek euskara esparru guztietara eta era guztietako irakurleengana iristeko xedea zuen; aldizkari arin, erabilgarri eta erakargarri moduan sortu zuten.

Sortu zenetik, ezagun askori egin dizkiete erreportajeak, Alex Ubago, eta Iñaki Perurena beste askoren artean.

Astekari honek urtean 52 ale atera izan ditu eta hasieran aipatutako egunkariekin batera 35 zentimotan saltzen zen. Harpidetza eginez gero, bestalde, 1,15 eurotan saltzen zen, opari eta promozio guztiak barne.

Zabalik astekaria formatu digitalean ikusi nahi baduzue, hemen sakatu.

One Response to “Zabalik” astekariaren bukaera

  1. xarana 2005(e)ko abenduak 30 at 6:08 pm #

    Aupa Xabi! Zabalik astekaria hil dela jakinarazi nahi al diguzu artikulu honen bidez? Nik, bederen, horixe ulertu dut, salgai jarri dutela aipatzen duzulako batez ere. Zuzendu iezadazu oker banago, mesedez. Hala izan dadila! 🙁

    Era berean, formatu digitalean plazaratzen jarraitu behar al duten galdetuko nizuke. Hor egongo litzateke, nire ustez, astekaria bizirik mantentzearen funtsa: formatu idatzitik digitalerako aldaketan.

    Berri onak izango direlakoan (azken ondorio hau egia bihurtuko dutenak) zure erantzunaren zain geratzen naiz!

Utzi erantzuna

-->