Warning: Creating default object from empty value in /home/berria/berria.euskaljakintza.com/wp-content/themes/canvas/functions/admin-hooks.php on line 160

Zer dakigu gure kulturaz?

Kurtso hasierako euskarako klase batean, Maitek lehenengo hiruhilekoan, taldeetan banatuta, proiektu bat egin behar genuela adierazi zigun. Gure taldea bildu bezain laster heldu zen lehenengo buruhaustea: zeri buruz egin lana? Maitek baldintza gutxi batzuk betetzeko besterik ez zigun eskatu, gaia librea zen. Baldintza horiek ziren, labur esanda: proiektuak sarean euskara zabaltzen lagundu behar zuen, eta guri euskararen inguruko zerbait berria erakutsi behar zigun. Bueltak ematen hasi eta, proiektua euskara bultzatzeko zenez, euskara eta euskal kulturari buruzko lan bat egitea bururatu zitzaigun .

Gure lanketa hiru zatitan banatu genuen. Lehenengo zatian, Ordiziako kaleetara atera ginen, bertako herritarrek gure kulturari buruz zenbat dakiten jakiteko asmoz. Horretarako, Badaki, ez daki programaren formatua erabili genuen, lana joko baten antzera hartuz. Arratsalde luze eta dibertigarri bat igarotzeaz gain, zenbait ordiziarrek gure kulturaren atal batzuk ez dituztela oso ongi menperatzen antzeman genuen. Hala ere, ohikoa den bezala, hiritar askok euskal kultura ongi ezagutzen dutela ohartu ginen.

Ezpairik gabe, euskara da euskal kulturaren ondasunik garrantzitsuena. Hortaz, gure laneko bigarren zatia euskarari eskainiko geniola erabaki genuen. Zati honetan euskaren zabalkundean lan ikaragarria egiten duten erakundeetako bat bisitatu genuen: Lazkaoko Maizpide euskaltegi-barnetegia.

Bertako zuzendaria den Jon Urdangarin elkarrizketatu genuen, euskaltegien eta euskararen egoerari buruzko zenbait berri eskuratzeko. Azkenik, bertan ikasten ari diren hainbat ikasleri ere galdera batzuk egin genizkien euskara eta euskaltegiaren inguruan.

Gure lana, berriz, ez da hor amaitu. Hirugarren zati bat ere badu, euskal kultura orokorrari lotua. Galdera sorta bat prestatu dugu zenbat dakizuen neur ezazuen. Galdera  batzuk besteak baino zailagoak izango dira, baina ziur gaude gehienak asmatuko dituzuela. Ea ba zenbat asmatzeko gai zareten!

Burututako proiektu honekin, gauza ugari egiten ikasi eta beste batzuk hobetu ditugu. Hasteko, talde lanak modu eraginkorrean egiten ikasi dugu, hau da, egin beharrekoa banatuz, denen artean erabakiak hartuz… Baina ez hori bakarrik, prestatukako elkarrizketak eta bat-batekoak nola egin ditzakegun  ikasi dugu eta  bideo muntaiak egiten hobetzeko ere balio izan digu.

Amaitzeko, ahaztu barik, eskerrak eman nahi genizkioke proiektu hau burutzea posible egin duten guztie: kalean lagundu zigutenei, Maizpideko zuzendari, irakasle eta ikasleei eta Jakintza ikastolari. Eskerrik asko denei! Proiektua zuen gustukoa izatea espero dugu. Ikus ezazue denbora galdu barik!

Josu Agirre, Aritz Insausti, Iker Nieto, Jokin Auzmendi, Ander Rivera eta Mikel Lekuona.

Subscribe

Subscribe to our e-mail newsletter to receive updates.

, ,

4 Responses to Zer dakigu gure kulturaz?

  1. Jone Auzmendi 2012(e)ko abenduak 6 at 2:01 pm #

    Kaixo!

    Asko gustatu zait zuen erreportaia, gehienbat “badaki, ez daki” lehiaketa. Espero dut horrelako erreportai gehiago ikusi ahal izatea!

    Lan bikaina!

Utzi erantzuna

-->