Zergatik ez daude bakarrizketak euskaraz telebistan?

FlickrCC, by Toni VillaróAzkenaldian, telebistako programazioan gero eta ugariagoak dira txiste eta umore bakarrizketak uztartzen dituzten saioak; eta ez hori bakarrik, arrakasta aparta edukitzen ari dira. Famatuenak laSextako “El club de la comedia” eta gehiago ematen ez duten Antena 3ko “El club del chiste”. Orduan, nire galdera da: hauen harrera ona ikusita eta hau egiteko espezialistak baditugula jakinda, zergatik ez da euskarazko kanal batean horrelakorik egiten?

Ez naiz bakarra proposamen hau egiten duena. Berriako elkarrizketa honetan ikus daitekeen bezala, Barry Manley umoregile irlandarrak zera esaten dio elkarrizketatzaileari, txunditurik: “Niretzat harrigarria da hemen bertsolaritza egotea, baina bakarrizketarik ez”. Eta une batez pentsatzen jarrita, konturatzen zara bertsolaritzak lotura handia duela bakarrizketekin; izan ere, azken bertso txapelketetan jorratzen ari diren gai ohikoenak umorearekin lotura handia baitute; eta ez hori bakarrik, milaka ikusle joaten dira espektakulu honetaz gozatzera.

Ekitaldi desberdinak ere antolatu izan dira azken urteotan; esate baterako, Donostian izandako Kilometroak-ek bakarrizketak euskaraz ikusteko aukera eman zuten Noticias de Gipuzkoa aldizkariko artikulu honetan adierazten den bezala eta, urte honetan bertan, Villabonako II. Euskarazko bakarrizketa lehiaketa ospatu zen (informazio gehiago hemen). Baina ez da nahikoa jendearen gogoa kontuan hartzen bada; izan ere, borondate hori aintzat hartuko balitz, udalerri gehienetan egon behar bailitzateke ekitaldiren bat.

3 Responses to Zergatik ez daude bakarrizketak euskaraz telebistan?

  1. Iñigo J. 2011(e)ko azaroak 14 at 4:05 pm #

    Arrazoaia duzu Mikel! Nire ustez hemen ere arrakasta handia izango lukete bakarrizketek. Ni behintzat joango nintzateke horiek entzutera.

  2. Irati 2011(e)ko azaroak 14 at 4:48 pm #

    Oso artikulu ona. Iñigok aipatzen duena errepikatzeaz gain, bertsolaritzaren inguruan diozuna ere azpimarratuko nuke, izan ere, horixe da gaur egun euskaran bakarrizketara gehien hurbiltzen den arloa.

  3. Beñat 2011(e)ko azaroak 15 at 8:34 pm #

    Zurekin bat nator Mikel. Hala ere, Wazemank bezalako programa umoretsuen arrakasta ikusita, berehala telebistan euskaraz bakarrizketak ikusi ahal izango ditugula uste dut.

Utzi erantzuna

-->