Zorionak maiteminduoi!

bihotza1Bere begiak ikustean, zulotxoa nabaritzen duzu sabelean? Batera egon zineten azken uneaz oroitzean, irribarre lotsatiak egiten dizu ihes? Edozer emango zenuke oraintxe bertan hau irakurtzeari utzi eta bera besarkatzearren? Zorionekoa zu! Ez zaizu loteria egokitu, baina munduko saririk onenaz hornitu zaitu bizitzak eta, hori gutxi balitz, zure eguna duzu gaurkoa!

Ez da erraza osotara beteko zaituen eta benetan maite duzun horrekin topo egitea. Are latzagoa, zure bihotz erdiak eta bereak bat egitea. Oraindik lortu ez baduzu, ez ezazu etsi! Laranja erdietatik ez ezik, kalabaza erdietatik ere ikasten baita. Gainera, egun honetaz balia zaitezke begiko duzun horrengana arrimatzeko, baina kontuz, Bilbo ingurukoa bazara batik bat, ez ezazu abiadura handiegia hartu uretara jausterakoan!

sanvalentin1Bestalde, garrantzitsua da egun hau ikurtzat eta aitzakiatzat baino ez izatea; atzean istorio polita badu ere, maitasuna ez baita 24 orduko kontua. Zinez maiteminduta bazaude, argi izango duzu hori, ziur nago. Hala ere, inoiz ez dator gaizki aukera berezietatik probetxu onak ateratzea. Gehienok dugu sentimenduen azaleratzea galarazten duen harresi bat eta gaurkoaren moduko paradek horma bota eta errutinarekiko haustura dakarte. Edonoren bizitzan une kritikoak izan ohi dira geroaren norantza erabakitzen dutenak eta, une horiek errutinaren zati ere badiren arren, modu askotara gaindi daitezke. Horietako bat aurrez aipaturikoa da.

Maitasunaren alaitasunaren indarraz amaitu nahi nuke. Horretarako, atera dezagun denok barruan dugun “kutrea” eta gora San Valentin! Zorionak maiteminduta zaudetenoi eta gainontzekoei zorte on! Zalantza, kezka edo galderarik izanez gero, izeba Lolitaren kontsultategian utz ditzakezue hemen behean.

, ,

4 Responses to Zorionak maiteminduoi!

  1. ian 2009(e)ko otsailak 14 at 3:49 pm #

    Eskerrik asko zorte onarengatik mi amol! xD Izugarri nabari da maitemindurik zaudela Azu, bestela, ziur nago San Valentin egunaren aurka egongo zinela :))

  2. kabeledo 2009(e)ko otsailak 14 at 7:56 pm #

    oohhh!!! ze polita!

    Baian egun hau polita da maiteminduta dagoen pertsonetzat, baina hala eta guztiz ere, denontzat da egun hau, aitzitik denok dugu norbait maite diguna edo alderantziz maite duguna. Egun hau ez da bakarrik, BIKOTE-entzat, baizik eta guretzat ere.

    ZORIONAK DENOI!!!! 😡 😡 😡
    Eta maitasun asko izan, bizitzan honetan askko behar da eta. :-* :-* :-* :-* 😀 😀 😀

  3. amujika 2009(e)ko otsailak 15 at 6:42 pm #

    Kaixo izeba Lolita!
    Ni Ainhoa naiz eta Beasaindik idazten dizut. Oso….osoo…..”sakona”?¿ idatzia. Oso ona kalabaza erdietatik ere ikasten denarena, baina bai. Nik zalantza edo kezka bat daukat: Noiztik zea zu hain kursie neska?

    Beno, agian bizi ez dugulako diogu eta bai Iñaki, zuk diozun bezela: ze nazka ematen duen maitasunak ez dagoenean! ala ba, eskerrik asko animoengatik eta zorteon ezti!

  4. obidegain 2009(e)ko otsailak 16 at 10:55 pm #

    nahi eta egunak bere xarma duela onartu enaiz san valentinen aldekoa, ongi dakizu zuk eztizen, baina artikulu bikaina, gustatu zait!
    Egun sinbolikotzat hartzea da garrantzitsua, maitasuna egunerokotasunean adierazten eta azaltzen baita.
    Zorionak Eztizen!!

Utzi erantzuna

-->