Hautatu emandako atsotitzaren baliokidea.

1. Ondo dantzatzen dakienak, musika gutxi behar.

   1.   ?    Pertsona azkarrak ez du gehiegi behar norbaitek esaten diona ulertzeko.
   2.   ?    Dantzari onak ez du gehiegi behar dantzatzen ikasteko.
   3.   ?    Dantzari onak ez du musikarik behar dantzatzen hasteko.
   4.   ?    Azalpen asko emanda ere, nekez ulertuko du ulermen gutxiko pertsonak.

2. Idi zaharrari arran berri.

   1.   ?    Gaitz handiaren aurrean, erremedio are handiagoa behar izaten da.
   2.   ?    Idia zahartzen denean, saltzea da onena.
   3.   ?    Gaitz handiak gertatzen direnean, onena errezatzea da.
   4.   ?    Gazteago emateko, onena arropa berriak jaztea da.

3. Nahiago dut "to" bat hamabi "emango diat" baino.

   1.   ?    Askotan agindu eta sekula ematen ez duena baino hobea da batere agindu gabe behin ematen duena.
   2.   ?    Askotan ematen duena hobea da beti agintzen eta inoiz ematen ez duena baino.
   3.   ?    Agintzea ez da txarra baina ematea hobea da.
   4.   ?    Ez agindu gero ez baduzu bete behar.

4. Urte askoan txapela kaskoan.

   1.   ?    Norbaiti luzaro bizi dadila opa nahi diogunean.
   2.   ?    Urteak joan eta urteak etorri, pentsamolde berberarekin jarraitzen dutenei.
   3.   ?    Txapela eramaten dutenei (adarra jo nahian).
   4.   ?    Norbaiti burusoil geldi ez dadin opa nahi diogunean.

5. Bi ezkero, hiru seguru.

   1.   ?    Behin eta berriz saiatzen denak lortzen du bere helburua azkenean.
   2.   ?    Diru pixka bat egin duenak errazago du diru gehiago egitea.
   3.   ?    Jai giroan dagoenari goizeko ordu biak iristen bazaizkio, nekez erretiratuko da hirurak baino lehen.
   4.   ?    Bi aldiz haserretu dena erraz haserretuko da berriz ere.

6. Ardi galdua atzeman daiteke; aldi galdua, berriz, ez.

   1.   ?    Alferrik galtzen den denbora ezin da berriz eskuratu.
   2.   ?    Denbora errekuperatzea ez da zaila; lagun galduak, berriz, bai.
   3.   ?    Errazagoa da ardi galduak aurkitzea, iragana eskuratzea baino.
   4.   ?    Noizbehinka denbora galtzea ez da gaizki etortzen, gustuko gauzak egiten egon bagara.

7. Ez da horixe atzo goizekoa.

   1.   ?    Norbait edo zerbait zaharra dela adierazteko erabiltzen da.
   2.   ?    Atzo goizean gertatutakoari erreferentzia egiteko erabiltzen da.
   3.   ?    Norbait edo zerbait gaztea dela adierazteko erabiltzen da.
   4.   ?    Norbait edo zerbait zaharra izan arren, gazte dirudiela adierazteko erabiltzen da.

8. Osasuna munduko ondasuna.

   1.   ?    Mundu honetako aberastasunik handiena osasuna edukitzea da.
   2.   ?    Osasuna taldearen jarraitzaileek erabiltzen duten leloa.
   3.   ?    Osasunarekin urratu!
   4.   ?    Ondasunak izateko osasuna behar da.

9. Etxeko sua etxeko hautsez estali behar da.

   1.   ?    Etxeko arazoak etxean konpondu behar dira.
   2.   ?    Etxeko hautsek etxekoek garbitu behar dituzte.
   3.   ?    Etxean sua dagoenean, etxeko baliabideez itzali behar da.
   4.   ?    Etxekoei ez zaie utzi behar arazoak etxetik kanpo konpontzen.

10. Goizeko laino gorri gaueko iturri.

    1.   ?    Goizean zeruan hodei gorriak agertzen badira, gauean euria egingo du.
    2.   ?    Goizean lainoa badago, gauean euririk ez dau egingo.
    3.   ?    Goiz hodeitsua, gau euritsua.
    4.   ?    Euria eskatzeko erabiltzen den esaera zaharra.