“Euskararekin zer egin” Hizketaldiko hausnarketa gaia

Joxerra Garzia idazlea Zaldi EronJoxerra Garzia Garmendia idazle eta EHUko irakasleak “Zer —kristo, arraio, demontre— egin behar dugu euskararekin?” hitzaldia emango du datorren asteazkenean, 19:00etan, Ordiziako Barrena Kultur Etxeko Batzar Aretoan, Udaleko Euskara Zerbitzuak eta Hitzaro Euskara Elkarteak antolatu ohi duten Hizketaldiak hitzaldi zikloaren barruan. Sarrera irekia izango da.

Azken aspaldian, batetik bestera dabil Garzia, ahozkotasunaz eta jendaurreko hizketari buruzko hitzaldi eta ikastaroak ematen. Otsailean argitaratuko du Alberdaniak Garziak jendaurreko hizketari buruz idatzi duen eskuliburua.

 

Joxerra Garzia (Legazpi, 1953), Filosofian eta Kazetaritzan lizentziatua da, eta Ikus-entzunezko Komunikazioa eta Publizitatean doktore. Euskal Herriko Unibertsitatean dihardu azken hamalau urteetan, Ikus-entzunezko Komunikazioa eta Publizitate Sailean irakasle. Aurrez, Euskal Telebistan egin zituen sei urte, Hitzetik Hortzera programa zuzendu eta aurkezten. Lehenago, Euskadi Irratian aritu zen bost urtez, esatari. 

Honako lanak argitaratu ditu: Kurrin-kurrun vitae, Itsasoan euri eta Egonean doazen geziak saiakerak; Tunelaz bestaldean, Gau bat gauekoen artean eta Malen Laberinto Madarikatuan haurrentzako nobelatxoak; Zotal Egunak eta Dena Dela poesia. Hainbat literatur sari eman dizkiote: Irun Hiria eta Espainiako kritikarena poesian, Donostia Hiria narrazioan eta Baporea haur literaturan.

 

2 Responses to “Euskararekin zer egin” Hizketaldiko hausnarketa gaia

  1. WordPress › Errorea

    Zure webgunean errore kritiko bat gertatu da.

    WordPresseko arazo-konponketen inguruan gehiago jakin.