iz. Lastozko koltxoia. (Harluxet Hiztegi Entziklopedikoa)
Sinonimoak: lastamarraga, lumatxa, lastaki. (Adorez Sinonimoen Hiztegia)
Biharamun beranduan esnatu nintzen, hazkuraz zimitzengatik eta gihar guztietako minez zoru gainean botatako lastaira meharraren eraginez.[Ihes betea, Anjel Lertxundi (Alberdania, 2006)] (Ereduzko Prosa Gaur)
izond. 1. Labaina, irristakorra. Bide limurietan irristatzeko. 2. Lizunkerietara emana. Jolas gaiztoak, adiskidetasun limuriak.(Harluxet Hiztegi Entziklopedikoa)
Sinonimoak: (1) labain, irristakor, labainkor, irristagarri, limurkor (2) haragikoi, likits, lizun(koi) (Adorez Sinonimoen Hiztegia)
Marcelek bai zeukala arrazoia, nolanahi ere: sua zerbait garbia da, lurra, berriz, berehalaxe lokatz bihurtzen da edozein ekaitzen ostean (handik itzultzean jasan genuenaren, esate baterako); lokatz ez ezik, ernaminez beteriko ustelkeria ere bai, baselina bezain limuri, eta putzuek egunsentiko argipean odol zikinezkoak dirudite, hileko-odoldunak, arrabioz beteriko istilak, buztan dardartizko burubeltzez irakiten, espermatozoozko borbortegiak balira bezala, hots, gauza izugarria.. .nazkagarria benetan. [Homo Faber, Max Frisch / Joxe Austin Arrieta (Elkar, 2001)] (Ereduzko Prosa Gaur)
iz. Lizunkeria. (Harluxet Hiztegi Entziklopedikoa)
Sinonimoak: (1) sedukzio, limurtze (2) lizunkeria, fornikazio. (Adorez Sinonimoen Hiztegia)
Limurkeria hitzak apaiz usaina du eta lizunkeriarik gabekoak ere izan daitezke piropoak, izan beharko lukete, aurretik irudimena dutela joan behar baitute, eta ez larruaren grina isuriz. [101 gau, J.M. Olaizola “Txiliku”] (Ereduzko Prosa Gaur)
da/du ad. Garbi zegoena zikindu, lohitu. (Harluxet Hiztegi Entziklopedikoa)
Sinonimoak: (1) zikindu, lohitu, kakaztu, satsutu, basitu (2) kutsatu, kontaminatu (Adorez Sinonimoen Hiztegia)
Izerditan nengoen; kolpearen lehendabiziko momentua pasatu ondoren, biziagotzen ari zitzaidan mina sudurrean eta ahoan, eta, odol asko galdu ez nuen arren, alkandora bustita eta likistuta sentitzeak zorabio moduko bat eragiten zidan. [Gorde nazazu lurpean, Ramon Saizarbitoria] (Ereduzko Prosa Gaur)
iz. (batez ere B) Joera bizia, grina. Haren alabaganako gogo bizia, lera zintzoa, grina sutsua.
Sinonimoak: grina, aiherkunde, gogobizi, jaidura, joera.
Ala gizonezko guztiak dira beti eta etengabe emakume baten lera daukatenak euren zurezko bihotzean, euren betiereko minean? [Gauza txikien liburua, Pako Aristi]
izond. (Ipar.) Atsegina. Irakasle ona zen, laketa, ernea.
Sinonimoak: (1) atsegin, gogoko, arrai, plazent, zalegarri. (2) poz, plazer.
Muga gabetasuna laket zitzaidan. [%100 basque, Itxaro Borda]
iz. (Ipar.) Iraina, desohorea. Laidozko hitzak entzuten.
Sinonimoak: irain, desohore, afruntu, umiliazio, ahalke, iseka, ofentsa, bidegabekeria, mesprezu, lotsaizun…
Zuk beti izan omen diozun bekaizkeriak ekarri omen du hona, eta ez zeruaren kontra egin dituen laido beltz basatiek. [Konpainia noblean, Anjel Lertxundi]
Reply