Nola bizi Alzheimer gaixotasunak jota zaudenean?

Maitek artikulu bat idatzi behar genuela esan zuenean, gaia zein izango zen aukeratzea asko kostatu zitzaidan. Buruari buelta asko eman ondoren, nire inguruan gertatzen ari ziren gauzei erreparatu eta Alzheimer gaixotasuna artikulu baterako aproposa izan zitekeela bururatu zitzaidan.

Gaur egun asko entzuten den gaixotasuna da Alzheimerra. Neuronen endekapenezko gaixotasun honen sorrera zein den erabat ezezaguna den arren, lehengo diagnostikoa noiz eman zen badakigu, baina horretaz beranduago hitz egingo dugu. Gaixotasun hau sendatuko duen tratamendurik ez dago oraindik. Bestalde, nahiko arraroa dela esan da betidanik; izan ere, 70 urte baino gehiagokoen artean %3 dira gaitzak jota bizi direnak eta 80 urte baino gehiago duten pertsonen artean %20ra igotzen da kaltetuen kopurua. Gero eta pertsona gehiago jasaten ari dira zoritxarreko gaixotasun hau. Espainian, adibidez, 300.000 pertsona inguru daude gaixotasun honek jota eta adituen iritziz, urteak pasa ahala, kopuru hori igotzen joango da.

alzheimerBaina gatozen Alzheimerraren hastapenetara. Lehenengo diagnostikoa 1906an burutu zen. Garai hartan, Alois Alzheimer mediku alemaniarrak gaixotasun berria azaldu zuen. Haren esanetan, gaixotasunaren ondorioak oroimena galtzea, desorientazioa, haluzinazioak eta, bukatzeko, heriotza ziren. Lehen esan dudan bezala, endekapenezko gaixotasun bat da, hau da, atzera bueltarik ez duena.

Zoritxarrez, 40 urtetik aurrera gero eta kasu gehiago diagnostikatzen dira. Kopuruei begiratuz, esan daiteke XXI. mendeko gaixotasuna dela. Tamalez, gaixotasun honek bi heriotza dauzkala esan ohi da: alde batetik, psikologikoki, mentalki, eta pertsonalki galtzen dena; bestetik, heriotza fisikoa. Gaixotasun honen eragileak zeintzuk diren aipatzeko orduan datu zehatzik ez dago. Hala ere, batzuek diote genetikarekin lotura handia duela; beste batzuek, ordea, proteinengatik edota infekzio baten ondorioa izan daitekeela. Oraingoz, tratamendu farmakologikoek ez dute gaixotasuna galarazten, baina ondoeza mantsoago joan dadin eragiten dute.

Arestian azaletik aipatu baditugu ere, hauexek dira zehaztasun handiagoz sintoma nagusiak:

  • Oroimena galtzea: pertsonen izenak eta hitzorduak ahaztea.
  • Orientazioa galtzea: denbora eta leku pertzepzioa desagertzea.
  • Hizkuntza nahastea: hitz egiteko orduan, hitz zehatzak aukeratzeko erraztasuna eskastea.
  • Mugimendua galtzea: gero eta mantsoago ibiltzea; azkenik, oreka ez mantentzea.
  • Umore aldaketak: depresioak jotzea.

Denok dakigu gaixotasun hau jasaten dutenek laguntza berezia behar dutela. Horretarako, familia edota gaixotasunean eta adineko jendearekin espezializatuta daudenen laguntza lortu behar da. Hasiera batean, Alzheimerra oso garatuta ez dagoenean, familiaz kanpoko laguntzarik ez da beharrezkoa izaten; hala ere, gaixotasuna oso aurreratuta dagoen momentuan, laguntza berezia lortzea aholkatzen dute adituek. Dena den, hori gaixoaren ingurukoek aukeratu beharreko bidea da.

,

5 Responses to Nola bizi Alzheimer gaixotasunak jota zaudenean?

  1. obidegain 2008(e)ko azaroak 11 at 8:39 am #

    Miren oso gai interesgarria aukeratu duzu, eta era batera edo bestera denok ezagutzen duguna!
    Muxu haundi bat!

  2. aotegi 2008(e)ko azaroak 11 at 10:51 am #

    Ez nuke jende horien azalean aurkitu nahi inoiz!!

    Segi horrela! =D>

  3. Maddi 2008(e)ko azaroak 12 at 12:06 pm #

    Benetan gogorra izan behar du gertuko bat nola ihartzen den ikustea, baina gaixotasun honek erabat okertzen du egoera.

    Gizalegea bizitza heriotzan amaitzea bada ere, gogorra izan behar du otsoari modu honetan belarriak ikustea.

    Zorionak Miren! Gaiarekin asmatu duzu!

  4. Iñaki 2008(e)ko azaroak 13 at 6:41 am #

    Gero eta jende gehiagok zu gaixotasun hau :-S

    Zorionak Mesqui! 😛

  5. eagirresarobe 2008(e)ko azaroak 13 at 7:32 pm #

    Bi heriotza: bata norberarena (psikologikoa) eta bestea ingurukoena (fisikoa). Gaixotasun mingarria zentzu guztietan.
    Latza da gaixotasuna norberaren azalean bizitzea, baina are latzagoa iruditzen zait gertukoen sufrimendua. Garbi dago gaixotasunek ez dutela sentimendu edo krudeltasuna ulertzen.
    Hala ere, bilobak direla okerren bizitzen dutenak iruditzen zait. Umeei betirako geratuko zaie buruan euren aiton-amonak nola ikusi zituzten heriotzarako bidean eta horrek eragina izango du euren barnean (onerako edo txarrerako); dena den, kementsu eta aurrez aurre egin behar zaio aurre, bizitzak aurrera baitarrai.

Utzi erantzuna

-->