Diru-laguntzak uda ikastaroetara doazen unibertsitarientzat

By on 2007(e)ko maiatzak 22 in hitzaro

UEUUrtero bezala, Ordiziako Udalak diru-laguntzak emango dizkie Euskal Herrian kokatuta dauden unibertsitateetako uda ikastaroetara doazen ikasle eta langabetuei; beti ere hartzen dituzten ikastaroak euskaraz badira. Diru-laguntza eskatzaileak honako baldintzak bete beharko ditu: Ordizian erroldatuta egotea eta ikastaroan asistentzia ona izan duela bermatzea ziurtagiri bidez. Aipatu baldintzak betez gero, matrikula kostuaren %50 itzuliko dio Udalak.

Udako ikastaroetarako diru-laguntzak emateko diru-partida berezia dauka Ordiziako Udalak. Beraz, diru-laguntzak partida agortu artekoak izango dira. Partida horretan jasotako diru kopurua baino handiagoa balitz eskaera, laguntzak eskatzaile guztien artean proportzionalki banatuko lirateke.

Eskaerak aurkezteko epea irailaren 15ean amaituko da. Eskaera orriarekin batera honako hauek aurkeztu beharko dira: nortasun agiriaren kopia, asistentzia ziurtagiria, matrikula ordaindu izanaren agiria eta ikasle edo langabetu txartelaren kopia.

EHU Ekainaren 21a arte dago irekita Udako Euskal Unibertsitatean (UEU) matrikula egiteko epea. Maiatzaren 31ra arte eta plazak gelditzen diren bitartean, berriz, Euskal Herriko Unibertsitateko (EHU-UPV) Uda Ikastaroetan izena ematekoa.

Ikastaroen eskaintza

UEUren 35. Ikastaldia Eibarren, Baionan eta Iruñean gauzatuko da. Guztira, 30 ikastaro antolatu dituzte: hamaika Eibarren (uztailaren 2tik 13ra), zortzi Baionan (uztailaren 9tik 13ra) eta 10 Iruñean (uztailaren 16tik 20ra). Ikastaro hauen gaineko informazioa nahi duenak, UEUren webgunean topatuko du.

Ekainetik irailera bitartean izango dira EHUren Uda Ikastaroak, Donostiako Miramar Jauregian, eta 72 ikastaro eskainiko dira guztira; horietatik sei bakarrik izango dira euskaraz. Honakoak: Heriotza eta nahigabearen trataera irakaskuntzan (D zikloa: Bizitzaren Bidaia); Ebaluazioaren oraina eta geroa hezkuntzan (G zikloa: Hezkuntza); Oinarrizko hezkuntza konpetentziak (G zikloa: Hezkuntza); Hizkuntzen ebaluazioa eskolan ikuspegi komunikatiboaren baitan (J zikloa: Hizkuntzalaraitza eta Literatura); Leturiaren egunkari ezkutua eleberriaren ekarpena. XX. mendeko euskal narratibaren testuinguruan (J zikloa: Hizkuntzalaritza eta Literatura); eta, Emozioak (R zikloa: Pentsamendua eta sorkuntza Euskal Herrian). Informazio gehiago nahi izanez gero, jo EHUko webgunera.

Comments { 2 }

Aldaketak nahi ditugu edo hauen beldur gara?

By on 2007(e)ko maiatzak 20 in orokorra

gogoeta“Egin nahi dut!! Egingo dut…�

Zenbat aldiz esan izan dizkiogu gure buruari horrelakoak? Alferraren legea, guztia gerorako uztea…

Ortega y Gassetek zioen: “Yo soy yo y mi circunstancia�. Hau da, “Ni ni eta nire inguruabarra naiz.�. Beti dena planifikatzen saiatzen gara, dena antolatzen dugu, baina gero inoiz ez dira gauzak guk pentsatu bezala ateratzen. Nolabait, gure bizia baldintzatzen duten gauza txiki eta ustez deus ez diren gauza horiek ahaztu egiten baititugu (nerbioak, beldurra- gure inkontzientean ezkutaturik dagonean-, ezertarako gogorik ez izatea, alferkeria…). Detaile ñimiño horiek kontrola ezinak dira eta gure zirkunstantzia nagusienak direla esango nuke.

Oraintxe amaitu berri ditugu azterketak eta niretzat ebaluazio okerrena izan da. Kontzentrazio arazo handiak izan ditut eta nerbio izugarriak, tentsio batean egon naiz, eta horrek guztiak desanimatu eta ezertarako gogo gabe uzten zaitu azkenean. Nahiz eta oso pertsona urduria izan, ez nintzen gai ulertzeko zer zen barnean nuen ezinegona eta, azkenean, ohartu naiz badakidala zer den beldurtzen nauena, zer den kontzentratzen uzten ez didana, denok etengabe buruan biraka dugun hori: ALDAKETA!! Asmatuko al dut aukeratzen dudanarekin?

Bai, gure bizitzako etapa garrantzitsu bat ixtear gaude eta erabaki bat hartu beharrean. Batzuek oso argi dute zer ikasi, beste batzuek ez horrenbeste, baina guztiok, pena eman arren, aldaketa hori eta eginiko hautaketarekin asmatu nahi dugu. Halere, ezin alde batera utzi gure mundu monotono honetatik ateratzeak ekartzen dizkigun beldurrak. Gizaki guztiok kexatu ohi gara bizi monotonoa izateaz edo nazkatuta egoten gara errutina deritzon horretaz. Aldaketak gustatzen zaizkigu, ekintza desberdinak egitea; betiere, kanbio horiek kontrolatzeko aukera dugun artean. Baina benetan gustuko ditugu edo aldaketa handien aurrean beti kikiltzen gara? Ez al da gure barnean tentsio handi bat sortzen? Nola lor daiteke beldur hori gainditzea?

Ez dakit. Batzuek diote nerbioak kontrola daitezkeela (erlaxazio metodoak erabiliz, ezki-urak hartuz…), beste batzuentzat tontakeria hutsa dira. Beldurrarekin berdin gertatzen da. Baina nola kontrola daiteke zure inkontzientean dagoen zerbait? Zure esku ez dagoena? Baliteke, Ortegak zioen bezala, gure bizitzako proiektua garatzeko egunero saiatu behar dela eta zirkunstantziek proiektu hori mugatuko dutela. Beraz, nerbioena kontrola ezin daiteken zirkunstantzia bat dela pentsa al dezaket? Eta horrenbeste desio ditugun aldaketak zergatik eragiten digute ezinegon hau? Agian, betidanik dena kontrolatzen saiatu garelako izango da eta hori gustuko izan ez arren, gure esku ez dagoen zerbaiti aurre egiteak beldurtu egiten gaitu.

Comments { 0 }

Postposizioak

By on 2007(e)ko maiatzak 20 in sailkatu gabe

Postposizioak

 

NOR edo partitiboa eskatzen
dutenak

 

Gabe, barik

Baimenik gabe ezin gara sartu.

Betaurreko barik ez dut ezer
ikusten.

Ezean, faltan

Urik ezean, esnea edango dut.

Ur faltan, esnea edango dut.

 

NOREN eskatzen dutenak

 

Gainean/azpian*

Umea aitaren gainean dago.

Liburua mahai(aren) azpian dago.

Aurrean (Aitzinean)*

Liburutegiaren aurrean dago
gizona.

Atzean (Ostean, Gibelean)*

Mikelen atzean nago.

Ondoan (Alboan, Aldamenean)*

Peru anaiaren ondoan dago.

Barruan (Barnean, Barrenean)*

Nire lagunak etxe horren barruan
daude.

Inguruan (Aldamenean)*

Umeak mahaiaren inguruan daude.

Parea(an)*

Banoa tximistaren pare, oso berandu da
eta.

Artean*

Jendearen artean dago.

Alde/Kontra (Aurka)*

Ni ez nago zure
alde/kontra.

Aldean, Aldera, Aldetik*

Zurearen aldean, hau politagoa
da.

Kontura (Aldetik, Kasa, Kabuz)

Neure kontura ikasten dut.

Partez (Aldetik)

Goraintziak nire partez.

Bidez, Bitartez

Lagun baten bidez jakin dut.

Zain

Zure zain nago.

Bila*

Betaurrekoen bila nabil.

Arabera

Legearen arabera, zuk ez duzu
arrazoia.

Esku

Zure esku utzi dugu erabakia.

Menpe(An)

Zuzendariaren menpe(an) dago
erabakia.

Truke*

Honen truke zer emango didazu?

Gisa*

Azeriaren gisa jokatu beha duzu.

Lekuan

Ni ibiliko naiz bere lekuan.

Ordez (Beharrean, Barik)

Noren ordez hitz egin duzu?

Eske*

Urkiolara joan gara emaztegai on baten
eske.

Bizkar (Lepotik, Kontura)

Gurasoen bizkar(retik) bizi da.

Mailan*

Estatu(aren) mailan hartuko da erabakia.

Arloan (alorrean)*

Zientzia arloan aurrerakuntza handiak
egin dira.

NORI eskatzen dutenak

Buruz

Nire anaiari buruz hitz egin
genuen.

Esker

Lagun bati esker etorri naiz.

Begira

Zeri begira zaude?

NON eskatzen dutenak

Zehar

Mendian zehar ibili gara.

Gaindi, barrena

Basamortuan barrena (gaindi) ibili
ginen.

Gora / behera

Aldapan gora hasi garenean, izerditan
hasi gara.

 

NONDIK eskatzen
dutenak

 

Kanpo(ra) (at, landa, lekora)

Etxetik kanpo (at, landa) bazkaldu
genuen.

 

ZEREZ eskatzen dutenak

 

Gain(era)

Zutaz gain(era), Mikel ere etorriko
da.

Bestalde

Betikoez bestalde, gaur jende berria
etorriko da.

  • Asteriskoa duten adibideek hainbat kasutan kasu markarik
    gabe ere erabil daitezke: aulkiaren azpian
    edo aulki azpian.

Jatorria: Euskal Gramatika Osoa, Ilari Zubiri-Entzi Zubiri

Comments { 0 }
-->