Archive | 2006

Elebitasunaren zalantzak argitzeko hitzaldia, Julio Ibarraren eskutik

Julio Ibarra HUHEZIn eman zuen hitzaldianNo sabemos euskara… ¿Cómo podemos ayudar a nuestras hijas e hijos? izeneko hitzaldia antolatu du Ordiziako Udaleko Euskara Zerbitzuak, euskara ez dakiten eta Haur nahiz Lehen Hezkuntzan seme-alabak dituzten gurasoei begira. Julio Ibarra kazetariak eta Iñaki Eizmendi soziolinguistak emango dute hitzaldia, gazteleraz, gaur. Udaletxeko Pleno aretoan izango da saioa, 18:30ean.

Ume elebidunen gurasoentzako eskuliburu oinarri hartuz, gurasoek izan ditzaketen zalantzak argitzen saiatuko dira Ibarra eta Eizmendi, haien esperientziatik abiatuta. ETB2ko Teleberri saioko editore eta aurkezlea izan zen Julio Ibarra. Iñaki Eizmendi, berriz, Lasarte-Oriako Ttakun euskara elkarteko teknikaria da. Euskara Zerbitzuko langileek esan digutenez.

Orain arte beste hainbat herritan egin dituzten saiotan, Julio Ibarrak bere esperientzia azaldu izan du. Euskaldun berria eta gurasoa da Ibarra, eta bere emazteak ez daki euskaraz. Jendeak oso gertuko dituen gaiak aipatzen ditu oso modu atseginean.

Gurasoek gehien dituzten galderak erantzungo dituzte bi hizlariek gaurko hitzaldian. Esate baterako:

Ez dakit euskaraz. Nola lagundu ahal diet seme-alabei eskolako lanak egiten? Nire seme-alabek euskaraz ikasten dute, izango al du gazteleraz arazorik etorkizunean? Nire seme-alabek euskara eta gaztelera nahasten dituzte, zer egin behar dut? Ez dakigu euskaraz, nola lagundu elebidun izaten? Ez dut euskaraz ondo hitz egiten, erabili behar al dut nire seme-alabekin?…

Antolatzaileen arabera, hitzaldia, gurasoek parte hartzeko oso tarte aproposa izango da. Ordubete eta hamabost minutu inguru iraungo du, beti ere jendearen parte hartzearen arabera.

Comments { 4 }

Aldaketa Klimatikoak

Gure planeta, azken urteetan, aldaketa klimatiko izugarria jasaten ari da. Gero eta aldatze gehiago daude eta zientzilarien ustean eraldaketa guztiak bat datoz negutegi efektuarekin eta horrek eragiten dituen aldakuntzekin.

Aldaketa hauek guztiak ozono geruza desagertzen ari delako gertatzen ari dira. Lurrak babesten duen geruza galtzen ari denez, eguzki izpiak gehiago sartzen dira lurrera eta ondorioz, lurra, denbora pasa ahala, pixkanaka-pixkanaka berotzen ari da.

Berotze honen eraginez, lurra azken urte hauetan nahiko ero dabil eta hondamendi natural ugari gertatzen ari da: lurrikarak, uholdeak, urakanak, suteak (beroaren eraginez)… Hau guztia gutxi bada, itsasoaren ur-maila igotzen ari da, poloetako izeberrak urtzen ari direlako, tenperaturen igoeren eraginez. Izeberren urtzeen ondorioz, animalia espezie asko desagertzen ari dira beraien bizilekua, hau da, izeberrak, likidotzen ari direlako.

ibilgailu elektrikoa Gaur egun, Munduko Meteorologia Erakundeak adierazi duenez, ozono geruzak Antartida gainean duen zuloa inoiz baino handiagoa da.

Gure aldetik jarriz gero, egoera zertxobait hobetu dezakegu. Esaterako, materiala ondo birziklatuz has gaitezke (material ugari oraindik ez baitugu ongi birziklatzen) edo energia alternatiboen bideetan sakonduz (oraindik ez dira aski eta batzuk oso garestiak dira). Ozono geruza suntsitzeko beste arrazoi bat ibilgailuen kea da. Kotxe elektronikoak erabiliko bagenitu, ingurugiroarekiko kaltea askoz txikiagoa izango litzateke. Eta neurriak hartzen hasiko bagina?

Comments { 3 }

EGA prestatu nahi duzue?

Datorren larunbatean EGA azterketaren idatzizkoa egiteko beste aukera bat izango duzue. Liburuko ariketak ia-ia buruz dakizkizuela eta askotan eskatzen dizkidazue ariketa gehigarriak. Hortxe ibiltzen naiz ni fotokopiak gora, fotokopiak behera (atariko proba gehiago, idatzikoaren edo irakurriaren ulermen bat edo beste, sinonimoak…Bada, gaurtik aurrera, berez DBHO 1ekoentzat prestatutako material guztia denon eskura hementxe jarriko dugu. Helburua ez da bakarrik EGA gainditu ez duzuenok egitea, EGA izanda, zuen euskara eguneratuta mantendu nahi duzuenoi ere ederki etorriko baitzaizue noizbehinka errepaso jarduera batzuk egitea!

Zer aurkituko duzue?

  • Aurkezpena: Zer da EGA, atal bakoitzaren azalpena, jakingarriak (datak, noten kontsulta), ohiko akatsak…
  • Arauak lantzen: Euskaltzaindiaren arau garrantzitsuenak (DBHO 2ko ikasleekin prestatzen ari garen jarduerekin osatuko dugu atal hau hemendik gutxira). Helburua: arau bakoitzari bere jarduera ipintzea.
  • Atarikoak: atariko proba lantzeko topatu dudan materialaren bilduma (zuzenketekin).
  • Berridazketak: atal hau osatzear dago.
  • Sinonimoak: orain arte ateratako sinonimoen hiztegitxoa eta iaz euskaljakintzan prestatutako jarduerak. Hiztegi ezberdinak.
  • Ahozkoaren ulermena: entzun eta galdeketak egin (zuzenketekin)
  • Idatzizkoaren ulermena: irakurri eta galdeketak egin (erantzunekin)
  • Idazlana lantzeko atala: argudio testu bat nola idatzi, testu antolatzaileak, gomendioak, argi idazteko bideak, idatzi ereduak…
  • Ahozkotasuna: azalpen bat emateko jarraitu beharreko pausoak, azalpenerako prestaketa taula, ahozko ekintza antolatua…
  • Ortografia, puntuazioa eta hiztegi batua: puntuazioa (teoria), ortografia ariketak, hiztegi batua lantzeko ariketak, diktaketak…
  • Gramatika arazoak (txosten eta gune interesgarriak): deklinabidea (taula), aditz guztiak, egunero sortzen zaizkigun zalantzak, letrakera lodia, siglak, laburdurak…
  • Esamoldeak lantzen: hiztegitxoa (gaztelaniaz-euskaraz) eta iaz ikasleekin sortutako jarduerak

Gelan egun hauetan sortzen ari garen materiala ere hementxe ipiniko dugu. Beraz, saia zaitezte jarduera interesgarriak sortzen, ondo pasatzeaz gain, arauak barneratzen lagunduko dizkiguten horietakoak… 🙂

Sartzeko, klikatu eskuineko zutabean, EGA atalean, EGA ikastaroan.Hemendik ere sar zaitezkete. Edozelan ere, zuen pasahitza idatzi (beti bezala) eta aurrera!

Comments { 2 }
-->