Gaur egun hain ezaguna den arropa eta, batez ere, zapatila marka honek historia luzea du. 1966. urtean fabrikatu ziren Californian etxe honetako lehen zapatilak, Paul Van Dorenek diseinatu ondoren.

Xelebrea ematen duen arren, atera ziren lehen goizean 12 zapatila pare saldu zituzten.
70. hamarkadaren hasieran, skater batzuk dira zapatila hauek erabiltzen eta modan jartzen lehenak eta hamarkada honen bukaerarako, Californian mundu guztiak erabiliko ditu eta bertan 70 denda baino gehiago irekiko dira. Sean Penn aktorea izango da marka honen izena zabaltzen gehien lagunduko duena, bere film batean zapatila hauek jantzita eraman ondoren.

1983an negozioa ez da hain ondo joango eta porrot egingo dute. Zenbait zapatila mota ondo saltzen jarraituko dira, baina beste batzuk ez eta horregatik ezingo dute zor duten diru hori guztia ordaindu. Paul Van Dorenek bere langileei laguntza eskatuko die eta hauek enpresa aurrera aterako dute. Hiru urte beranduago, Vansek bere zor guztiak ordainduta izango ditu.

1994an mundu guztira iritsiko diren diseinu berriak egingo dituzte. Gero eta ospe handiagoa hartzen joango da eta kirol desberdinetako txapelketak babestuko ditu, skate, BMX, surf eta beste hainbat.

1998. urtean, antzko etxeetakolehenengoa izango da ¨skatepark¨ bat irekitzen . Urte berean, Vans marka txikietatik hoberenetako bat bezala hartuko da.

2000tik aurrera, oso urte onak izango dira Vans markarako. Gero eta sari handiagoak, Dogtowneko pelikula bat babestuko dute eta ospez beteriko urteak izango dira. Amaitzeko, 2004. urtean diseinu koloretsuak eta konbinazio ugari sartuko dituzte euren modeloetan. Marka honen esentzia beti zapatila berdinak da. Modeloak ugarituz doaz baina hasiera batean egiten zirenak eta gaur egun egiten direnak itxura berdintsua mantentzen dute, hori bai, diseinu gehiagorekin oraingoak.

Gabonak ospatzen ari gara, kalera irten eta giro berezi hori nonahi argi ikusten da. Euskal Herrian gabonak Olentzerorekin ospatzen ditugu eta, besteak beste, opariak jasotzen ditugu, bazkari itzelak egiten… Baina noizbait pentsatu al duzue Indian, adibidez, nolakoak izango diren?

Bertako egoera ez da oso ona eta ziur asko ez dituzte gabonak hemen bezala ospatuko. Euskal Herriko ume gehienentzat gabonak opariz jositako egun zoriontsuak izaten ari diren bitartean , beraiek ez dute horrelako ezer izango.

Horregatik, GKE batzuk egun hauek aprobetxatzen dituzte jendeari laguntza txiki bat eskatzeko. Laguntza hau, esaterako, erakunde bakoitzak diseinatzen dituen posta-txartelak erabiliz eman dezakezu. Gabon hauetan zure familiako kideren bat, lagunen bat … zoriontzeko txartel hauetako bat erosten baduzu, hortik diru-kopuru bat India eta beste hainbat herrialdetako biztanleei laguntzeko erabiliko da.

Erakunde askok antolatzen dituzte mota honetako laguntzak. Hasteko, Solidaridad Internacional dugu. GKE honek hiru motatako posta txartelak jarri ditu salgai eta hauekin lortzen den dirua Afrika eta Amerikako hainbat lekutara bideratuko da. Jarraitzeko, Survival erakundea dugu. Erakundeko jendeak diseinaturiko txartelekin ateratzen dena Indiako haurren heziketarako eta bertako familiak laguntzeko erabiliko da. Bukatzeko eta azken adibide gisa, Manos Unidas aipatuko dugu. Bertako txartelekin lortzen den etekina Hegoaldeko herrialdeei laguntzeko erabiltzen da.

Orain dela urte asko hasi ziren GKE hauek lanean eta ordunik etengabe ari dira horretan. Pozgarria da ikustea, gainera, gero eta jende gehiagok hartzen duela parte hauek antolatzen dituzten ekintzetan. Txartel hauen prezioak baxuak dira, ez dira 2 eurotik pasatzen; beraz, ekimen polita izan liteke Gabon hauetan maite dugun jendea honelakoak erabiliz zoriontzea!

Informazio gehiago nahi izanez gero, hemen klikatu.

Negu hotz eta gordina dagoeneko iristen ari da. Dakigun bezala, jende askok negua kirol desberdinak egiteko erabiltzen du, hauen artean eskia edo snow bihurtu dira izar; izan ere, gero eta jende gehiagok, gazte jendeak batik bat, praktikatzen baititu kirol hauek.Orain dela gutxi arte, eskiatzera joatea aberatsen kontua zen, baina garai hauetan gero eta jende gehiagok ibiltzen da kirolean elurretan.

Espainiako estatuan eski pista asko daude (Candanchu eta Formigal, Baqueira-Beret…) eta gero eta gehiago sortzen ari dira. Hemendik gertu ere Aret eta beste hainbat ditugu, esaterako.

Orain dela ez asko, snow egitea modan jarri da. Kirol gazte hau taula antzeko batekin praktikatzen da. Ez da oso arriskutsua non zabiltzan kontrolatuz gero, baina kontuz ibili behar da. Ikusgarria da, benetan, jendeak taula batekin egin dezakeena! Kirol hau praktikatzen duten gehienak gazteak dira. Esaten dutenez, hastapenak errazak dira baina puntu batetik aurrera, hobetzea zaila da. Bestalde, kirol hau praktikatzeko ez da beldurrik izan behar. Egiten dutenek diotenez, behin probatzen baduzu, gehiagotan ere praktikatuko duzu. Izan ere, nahiko adiktiboa omen da!

Azkenaldi honetan, hainbat pistatan snow-park delakoak irekitzen ari dira. Ez dira oso toki handiak,oraindik eskiak garrantzi handiagoa baitu, baina denborarekin nik uste dut toki hauek hedatzen joango direla.
Datozen neguko egun hotzetarako alternatiba polita izan daiteke snow-en aritzea. Horregatik, guztioi kirol hau praktikatzera animatzen zaituztet. Milaka beroki jantzi eta denok elurretara!