About agarmendia

Author Archive | agarmendia

Espainiakoa al da munduko ligarik onena?

By on 2007(e)ko otsailak 13 in kirola

lfp Azkenaldi honetan, gero eta gehiago entzun dut Espainiako futbol liga munduko ligarik hoberena dela. Baina egia al da? La Sexta katekoek behin eta berriz diote horrela dela baina, nire ustez, ez dago ligarik Ingalaterrakoa berdinduko duenik. Eta hori horrela dela uste dut hainbat arrazoirengatik.

Hasteko, Ingalaterran nola jokatzen duten ikustean eta Espainiarekin alderatzen denean, argi ikusten da hemen askoz ere pausatuagoa jolasten dutela, hau da, Premier League-ean askoz azkarrago mugitzen dute baloia eta, ondorioz, jokoaren dinamika ere izugarri handitzen da. Hori ez da guztia, Ingelesek jardunaldi bakoitzean Espainian gol gehiago sartzen dituzte jokoa gehiago animatuz.
Gainera, Ingalaterran eta hemen futbola bizitzeko era oso desberdina da. Hemen, partidu osoa jokalari edo arbitroaren amaz akordatzen pasatzen dugu, gure taldea animatu gabe eta han, berriz, 90 minutuak bere taldeari animatzen ematen dituzte. Hori gutxi balitz, hemen animatzean Erreala, Erreala… oihukatu besterik ez dugu egiten baina Britainia Handian ez da horrela. Esaterako, Liverpooleko zaleek beste abesti batzuen artean “You’ll Never Walk Aloneâ€? famatua abesten dute eta kanta honek jokalariei ematen dien bizia ez dago alderatzerik gure “Txuri Urdinâ€? kanta penagarriarekin.

Are gehiago, Erresuma Batuan dauden txapelketak Espainiako ligan daudenak baino askoz ere gehiago dira. Espainian, ligaz aparte, errege kopa eta Superkopa baino ez ditugu. Ingalaterran, aldiz, Community Shield, ligako kopa, FA kopa (munduko futbol txapelketarik zaharrena) eta Carling kopa jokatzen dituzte.

Arrazoi horiengatik guztiengatik, nire iritziz, Premier League-a da munduko ligarik onena. Nirekin ados al zaudete?

Hementxe duzue You’ll Never Walk Alone kanta Liverpooleko zaleek abestua Juventusen aurka Anfield Road-en jokatu zutenean, Champions Leagueko partida batean. Hori bai afizioa!!!!:

Eta hemen Premierrean sarturiko gol onenetariko batzuk:

Comments { 2 }

Sex Pistols

By on 2007(e)ko urtarrilak 20 in musika

sex pistolsSex Pistols 1975 inguruan sortu zen. Steve Jones (gitarra), Glen Matlock (baxua) eta Paul Cook (bateria) ziren talde honen kideak. Hasiera batean, izen ezberdinekin aktuatzen zuten baina Malcom Mclaren managerrak talde hau aurkitu zuenean, Sex Pistols izena jarri zion taldeari. Manager honi esker ere sartu zen taldeko abeslari bikaina, John Lydon, Johnny Rotten (Johnny ustel) bezala ezagutzen duguna.

Sex Pistols-en ospea asko handitu zen 1976. urtean, EMI argitaletxeak kontratatu eta beraien lehen diskoa, Anarchy in the UK, argitaratu zuenean. Ez zuten asko iraun argitaletxe honetan; izan ere, telebista programa batean aurkezlea iraintzeagatik bota egin baitzituzten. Esan beharra dago, gertaera honek taldearen izena gehiago zabaltzea baino ez zuela lortu. Honen ondoren, A&M Records argitaletxeak kontratatu zituen. Argitaldari honekin , beraien bigarren diskoa kaleratu zuten God Save the Queen. Diskoari izena ematen dion abestiak Ingalaterrako monarkia iraintzen zuela eta argitaletxetik bidali zituzten.

Hori gertatu ondoren, Glen Matlock-ek taldea utzi eta honen partez Sid Vicious sartu zen. Virgin Records-ekoek kontratatu zituzten ondoren, God Save the Queen Ingalaterrako bigarren disko salduena bilakatzen zen bitartean, nahiz eta telebistan eta irratian zentsura gogorra jasan.

Hirugarren diskoa, Pretty Vacant, zerrendetan seigarren postura iristea lortu zuen. 1977an egin zuten Holidays in the sun, eta beraien lan garrantzitsuena, Never mind the bollocks, here is Sex Pistols (Bost axola, hemen dago Sex Pistols). Diskoak oso zentsura gogorra jasan zuen. Hala ere, zerrendetan bigarrena egin zuen.

Geroxeago, Estatu Batuetan bira bat egin ondoren, taldea banandu egin zen. Jarraian, No one is innocent/Mi way (1978), Something else/Friggin in the riggin, Silly thing/Who killed Bambi, C’mon everybody, The great rock and roll swindle/Rock around the clock (1979) eta (I’m not your) Stepping stone (1980) diskoak kaleratu zituzten. 1979an Sid Vicious, taldeko liderra, heroinazko gaindosi batengatik hil egin zen.

God save the queen:

My way abestia:

Comments { 7 }

Izarren patu desberdina

By on 2007(e)ko urtarrilak 7 in orokorra

zulo beltza
Izarrak hiltzean, beraien tamainen arabera, zenbait fenomeno desberdin proboka ditzakete, esaterako, zulo beltzak edo neutroi-izarrak.

Gure Eguzkia hiltzen denean, noba izeneko leherketa itzel bat gertatuko da eta gure izarraren masaren zati handiena espazioan zehar sakabanatuko da. Espazioan zehar hedatu ez den masaren zatia nano txuri bat bilakatuko da. Nano txuri berri hori Lurraren tamainakoa izango da gutxi gorabehera baina bere dentsitatea askoz ere handiagoa. Ideiatxo bat izan dezazuen, nano txuri batetik hartutako koilarakada batek 100 kilogramo inguru pisatuko luke.

Baina izarraren masa Eguzkiarena baino3 aldiz handiagoa bada, beste fenomeno ezberdin bat gertatuko da. Izarra hiltzean, supernoba izeneko leherketa bat gertatuko da eta aurrekoan bezala, masaren zati bat ez da espazioan zehar hedatuko. Sakabanatu ez den masa hori hain handia da, non elektroiak ezin duten presioa jasan eta, nukleoko protoiekin fusionatuz, neutroi bilakatzen diren. Honela, neutroi-izar bilakatzen dira. Izar berri honen diametroa lurra baino askoz ere txikiagoa (20 kilometrotik 60ra) izan daiteke, baina bere dentsitatea izugarri handia da. Neutroi-izar baten koilarakada batek ehun milioi bat tona pisatuko lituzke bere dentsitatea 1016 kg/m3 ingurukoa izango baita.

Badago beste bukaera bat izarrentzat: zulo beltz bilakatzea. Izarraren masa Eguzkia baino 8 aldiz handiagoa bada neutroiek ezin dute presioa jasan eta zulo beltz bilakatzen dira. Zulo hau hain konprimituta dago, non bere tamaina nulua den. Horregatik, dagoen dentsitatea pentsaezina da ia infinitua baita. Sortzen duen grabitate indarra ere infinitua da. Bertatik ateratzeko abiadura argiaren abiadura da; hori dela eta, bere barnetik ezin da ezer atera, argia ere ez. Bertan geure munduko lege fisikoak ez dute balio eta ez dakigu bere barnean gerta daitezkeen fenomenoak zeintzuk izan daitezkeen. Jakin-mina pizteko modukoa, ezta?

Comments { 0 }
-->