About neream

Author Archive | neream

Amonaren botika

Lehengo batean, aspertuta nengoela, osagarrien liburu bat ikusi nuen apalean eta hura irakurtzen hasi nintzen. Liburu hau La botica de la abuela zen eta, bertan, osagarri oso interesgarriak ikusi nituen, bereziki gazteontzat.

Nork ez du parranda on bat eta gero buruko mina, zorabioa eta abar sentitu? Hementxe daukazue osagarri bat hurrengo egunean ondorio latz hauek gainetik kentzeko:

50 gr perexil irakiten jarri litro erdi uretan zazpi minutuz. Edari honen erdia parranda aurretik hartu eta beste erdia ondoren. Edan eta gero, urdaila gogortu egiten da, horregatik komenigarria da hurrengo egunean, luzoker ugari dituen entsalada bat jatea.

Bestalde, ondo lo egitea ezinbestekoa da osasuntsu egoteko, bai mentalki eta baita fisikoki ere . Hoberena sei-zortzi ordu lo egitea da. Lo egiteko zailtasunak ditugunean, ohea da zaindu beharreko faktore garrantzitsuenetako bat. Lastaira eta burkoa egokiak al dira atsedenerako? Lastaira gogorrak eta burko altuak baztertzen saiatu behar dugu; kontuan izan, lo egiteko hoberenak plumazko kuxinak direla. Ohearen norabidea ere garrantzitsua da, ezbairik gabe. Gizakiaren atsedenak lurraren isuri energetikoaren arabera egon behar du norabidetuta. Energia hau iparretik hegora doa; horregatik, oheak norabide horretan egon behar du. Atsotitz batek dioen legez: “Burua hotza, hankak bero eta sabela erdi hutsik dira onenak lo egiteko.” Garrantzitsua da, halaber, lehio bat erdi irekita uztea eta gauero hotzetik babestea.

Lo kuluxka bat egitea ere ondo etortzen da noizbehinka. Hala ere, gauetan lo egiteko arazoak dituen edonork hobe luke arratsaldeko lo kuluxka ez egitea edo egiten bada, berau 20 minutuz baino ez luzatzea. Biao hau mesedegarria izan daiteke ezkerreko albotik etzanez eta burua pixka bat jasota mantenduz gero.

Ondoezaz aldatuz, jakina da neska askok gaizki pasatzen dugula hilekoarekin gaudenean, ezta? Egon zaitezte lasai hemen duzue eta hori saihesteko osagarri bat:

Baso bat garagardo eta kanela adar bat behar dira. Lehenengo eta behin, bi osagai hauek bost minutuz irakin. Ondoren, aparra kendu eta hozten utzi. Azkenik, iragazi eta egindakoa gorde.

Nola hartu behar da? Egunean zehar zurrutada txikiak edan edo nahi bada, egunean hiru aldiz bazkari bakoitza baino lehen, zurrutada handiagoetan. Trataera hau hilekoa jaitsi baino egun bat lehenago hasi beharra dago, honen iraupenean jarraitu eta egun bat beranduago amaitu.”

Orain osagarri hauek probatzea baino ez zaizue falta. Nire uste apalean, noiz edo noiz baliagarriak gerta dakizkizueke. Proba egiten baduzue, ez ahaztu hementxe emaitzari buruz idaztea!

Comments { 3 }

DENOK SUKALDERA!!

Euskaljakintzarako atal berri batekin natorkizue: postreak. Badakit DBHOko ikasleak eta irakasleak oso gozozaleak zaretela eta ikaragarri gustatzen zaizkizuela pastelak eta horrelakoak jatea. Horregatik norberak errezeta hauek jarraituz bere etxean jaki hauek prestatzea idea polita izan zitekeela pentsatu dut. Beraz, animatzen zaituztet oso dibertigarria baita.

Gaur bi errezeta emango dizkizuet. Bata, txokolate eta intxaur pastela helatuarekin eta bestea, txokolatezko galletak.

Has gaitezen, bada!!!

TXOKOLATE ETA INTXAUR PASTELA HELATUAREKIN

OSAGAIAK
(7 lagunentzat)

PASTELA

250 g txokolate
180 g gurin
4 arrautza
300 g glas azukre
180 g irin
20 intxaur

KANELAZKO HELATUA

200 ml esnegain
100 ml esne
4 arrautza-gorringo
100 gr azukre
2 kanela-txotx


HELATUA

1. Arrautza- gorringoak azukre erdiarekin nahastu.
2. Esnea kanelarekin berotu. Irakiteko prest dagoenean, gorringoak gehitu eta eragin.
3. Iragazki batetik pasatu eta sutan jarri. Su motelean eduki eta gelditu gabe eragin pixka bat loditu arte. Ez utzi irakiten, moztu egiten baita. Agudo hoztu.
4. Esnegaina muntatu eta geratzen den azukrea ere bai.
5. Esnegaina eta egin dugun natilla nahastu.
6. Makina badugu, bertan egin helatua. Bestela, izozkailuan sartu eta hamar bat ordu utzi. Hori bai, lehenengo hiru orduetan noizbehinka atera eta irabiatu kristalak ez sortzeko.

PASTELA

Ze goxoa! 1. Txokolatea moztu eta gurinarekin urtzen jarri, eraginez su motelean. Sutik atera eta epeltzen utzi.
2. Arrautzak irabiatu eta txokolatearekin nahastu.
3. Azukrea gehitu eta nahastu.
4. Irina bahetu eta nahastu.
5. Aldez aurretik intxaurrak zatikatu. Ondoren, gehitu eta nahastu.
6. Masa guztia koipeztatutako eta irineztatutako molde batera bota. Labean sartu: 180 ºC, 45 minutu. Moldetik atera eta hozten utzi.

TXOKOLATEZKO GAILETAK

OSAGAIAK

60 g gurin
60 g azukre
90 g irin
60 g txokolate beltza
Arrautza bat

1. Labea 180 ºC-ra piztu.
2. Gurina urtu eta azukrearekin nahastu krema bihurtu arte.
3. Ondoren, arrautza irabiatu eta kremarekin nahastu.
4. Irina bota eta honekin batera gatz pixka bat.
5. Azkenik, aldez aurretik zatikatutako txokolatea nahastu.
6. Erretilua irineztatu eta piloak egin ondoren, erretiluan ipini. Bukatzean, labean sartu 10-12 minutuz, atera bertatik eta hozten utzi.

Bi errezeta hauek prestatzeko nahiko errazak dira, baina jateko are errazagoak! Orain zuei dagokizue sukaldari txapela jartzea eta sukaldeko munduan murgiltzea. BON APPETIT!!!!

Comments { 3 }

Durangoko Azokaren 40. urteurrena

2005eko kartelaDurangoko Euskal Liburu eta Disko azokak eta Gerediaga Elkarteak, azokaren antolatzaileak, 40 urte betetzen dituzte aurten.

40. edizio hau abenduaren 7tik 11ra ospatuko da Landakoko eraikinean. Aurten 309 stand muntatuko dira: 163 argitaletxe, beste hainbat diskografika, elkarte eta administrazio, denak euskal kulturarekin erlazionatuta. Urte honetan 361 liburu, 34 disko, 43 dvd eta 49 aldizkari ikusteko aukera izango dugu.

Edizio honetarako hautatutako gaia zentsura izango da. Jon Irazabalek, erakusketaren zuzendariak, aitortu zuenez:

Zentsura, zoritxarrez, gaur egungo gai bat da, nahiz eta orain dela 40 urte bezala eman ez, Euskal Liburu eta Disko azoka lehenengoz egin zenean.

Gerediaga Elkarteak eskaintzen duen saria, Argizaiola, aurten Gotzon Garateri emango zaio euskararen alde egiten duen lanarengatik, adierazi zuen Nerea Mujikak, Gerediga Elkarteko zuzendariak. Saria abenduaren 8an emango zaio San Agustinen.

Aurtengo iragarkia, zirkoko uitu batekin, Txelu Angoitia argazkilariak egin du (argazkian ikus dezakezuena da). Jon Irazabalek esan zuen lehengoz Euskal Liburu eta Disko azokari buruzko aldizkari bat aterako zela. Agerkari honek Gerediaga Elkartea eta azokari buruzko historia bilduko ditu, bertan protagonistekin egindako elkarrizketak azalduz.

Azokarekin batera, Plateruena Kafean hainbat talde euskadun aurkeztuko dute:

Abenduak 7 (asteazkena): Berri Txarrak eta Lor
Abenduak 8 (osteguna): Kuraia eta Sorkun
Abenduak 9 (ostirala): Mikel Urdangarin
Abenduak 10 (larunbata): Lauaxetari omenaldia
Abenduak 11 (igandea): Korrontzi

Azokari buruzko informazio gehiago nahi baduzue, sartu azokaren web orrian, durangokoazoka.com.

Ez galdu aukera paregabe hau euskal literatura eta musikari buruz gehiago jakiteko eta gozatzeko!!!.

Comments { 0 }
-->