Archive | kirola

Futbolari buruz gehien nork dakien jakiteko modu bikaina eskaintzen digu Fantasy Football delako joko honek. Bertan, txapeldunen liga jokatzen ari diren taldeetatik hamabost jokalari hauta ditzakegu gure taldetxoa osatzeko, hamaika zelaian aritzeko eta beste lau aulkian eserita egoteko. Txapeldunen ligako jardunaldi bakoitzean,

zuk aukeratutako jokalariek puntuazio bat edukiko dute partiduan jokatutako partidaren arabera. Adibidez, zure taldean duzun futbolariak gola sartzen badu, horrek puntu kopuru jakin bat emango dizu. Honela, jokalari guztien puntuak batuz, taldeak jardunaldi horretan bildutako puntuazioa lortuko duzu. Ondoren, emaitza hau beste jokalariekin alderatuko da eta honela ranking orokor batean sartuko zara mundu osoko pertsonekin lehiatuz. Bertan lehena izatea lortzen baduzu, sari zoragarriak irabaziko dituzu.

Dena den, jokalarien ekintzengatik puntuak jasotzean, arau batzuk kontuan hartu behar dira, jokalarien posizioa edo sartutako golak, esaterako.

Joko honetan parte hartu nahi baduzu, ondorengo urratsak jarraitu behar dituzu. Lehenik eta behin, Fantasy Football orrialdean sartu eta bertan izena eman. Ondoren, taldearen kamiseta diseinatu eta, azkenik, hamabost jokalariak hautatu eta taldea egiten has zaitezke.

Taldea osatzerakoan, 100 puntu dituzu futbolariak erosteko. Honek izugarrizko buruhausteak ekarriko dizkizu; izan ere, nahiko motz gelditzen baita talde on bat egin nahi bada, behintzat. Jokalari guztiak ez dute balio bera, adibidez, Kaka, Milaneko jokalariak, 10,6 puntu balio ditu eta, Real Madrileko Diarrak, aldiz, 6,5. Gainera, jardunaldi bakoitzean betetako paperaren arabera, prezio hau igo edo jaitsi egin daiteke.

Hori gutxi balitz, liga pribatu bat ere sor daiteke lagunen artean norgehiagokatxo bat egiteko. Euskaljakintzako liga sortu berri dut eta bertan parte hartzeko, behar den lekuan, 184537-30345 zenbakia sartu eta kitto!

Azken jardunaldian, emaitza nahiko ona lortu nuen: 69 puntu. Hala ere, irabazi zuenak 95 puntu lortu zituen, beraz, nahiko urrun nago. Ea zuetako batek nire puntuazioa hobetzen duen!!!

Xakeaz hitz egiten hasiko bagina… Ziur nago badagoela kirola ezagutu arren, probetxurik ateratzen ez dionik! Nik, xakean txikitatik jokatzen duen honek, arratsalde aspergarri batean izan dezakezuen alternatiba erakutsiko dizuet. Izan ere, interneten toki asko baitago maila guztietako xakelariekin on-line jokatzeko.

Internetetik on-line jokatzeko ondorengo hiru web orrialde hauek gomendatzen dizkizuet:

Buho21: Toki egokia da xakean doan jokatzeko. Xake klasikoan ez ezik, beste modalitate batzuetan ere joka daiteke. Xake taula ez da oso handia baina jokatzeko nahikoa. Ez da programarik jaitsi behar, baina Java Script irakurlea behar da. Izena ematea beharrezkoa den arren, datu faltsuak jar daitezke, helbide elektronikoa izan ezik, hau kontua aktibatzeko beharrezkoa baita.

ICC: Oso toki ona da xakean jokatzeko. Dena dela, programa bat jaitsi behar da eta 30 egunerako bakarrik balio du. Hortik aurrera, kontua izaten jarraitzeko, ordaindu egin behar dela uste dut. Ez da oso gomendagarria xakea asko gustatzen ez bazaizu.

Playchess: Xake zerbitzari ezin hobea da hau. Hala ere, aurrekoak bezala, programa bat behar du eta 30 egunerako balio du. Baina, Fritz, Shreder edota beste Chessbaseko edozein programa duenak doan joka dezake.

Xakean jokatzen ez dakizuenok nire blogean arauak irakurtzeko aukera duzue .

Beno, orain, baduzue arratsalde aspergarri horietan zer egin. Nire ELOa (maila adierazten duen puntuazioa) Buho21en 1900 inguru dabil. Ea nor inguratzen zaidan!

Pantani hil zela denbora asko igaro delakoan nengoen, baina ez omen da horrela. Bizirik dago eta ez da gugandik oso urruti bizi. Nire kontaktuek esan didatenez, Euskal Herrian bizi da eta Batxilergoko ikasketak bukatu berriak ditu. Ilea motz-motza darama beti bezala. Bizikleta gainean doanean, sekulako indarra erakusten du. Bizirik dagoelako informazioa Gipuzkoako jubenil mailako biran sortu da. Pantani bizi-berritua hasiera-hasieratik egon zen onenen parean, eta nahiz eta gurpil bat zulatu bigarren egunean (ihesaldi ona hartu zuenean), 3 kilometro besterik geratzen ez zirenean, taldeko lan zoragarri baten ostean, Gipuzkoako bira eskuratu zuen laugarren eta azken etapan.

Pantaniren itzulera jubenil mailako birarik garrantzitsuenean eman da eta asko idatzi da onen inguruan. Noticias de Gipuzkoa eta Diario Vascok artikulu bana eskaini diote gertakizun miragarri eta pozgarri honi.

ZORIONAK PETX!!!

(Erreportariak barkamena eskatzen du gertaera hauek hilabete beranduago argitaratzeagatik)

Hi, petx, neska politt hauek noiz aurkeztu behar dizkidak? 😉