Ez nuen espero, baina, azkenean, Olentzeroren izpirituak ni ere kutsatu nau!!! Lankide, senitarteko eta abarren zorion birtual eta ez-birtual ugari jaso ondoren, hementxe natorkizue, Ordizian abesten diren bertso hauekin, denoi ZORIONAK ETA URTE BERRI ON opatzera!!
Bertso Batzuek
Bertso batzuek orain
ditzagun kantatu.
Zuek hasi zarete
eta guk jarraitu.
Tristerik dagoena
dezagun alaitu.
Aspertzen garenean
isilduko gaituk.
Gabonak direlako
gabiltza kantari.
Neska eta mutiko
denok bertsolari.
Eustsi nahi genioke
ohitura zaharrari.
Pake eta Zorion
entzule denori.
Olentzero jaunari
egin denok kanta.
Asto baten gainean
laister dator eta.
Bihar azalduko da
jostailuz beteta.
Euskal Herriko haurrak
ez dauzka ahaztuta.
Kanta dezagun orain
txandaka azkena.
Bertantxe bukatzea
izango da onena.
Igaro ezazue ba
guztiok gau ona.
Datorren urtera arte
besarkada bana.
(Ordizian abesten den bertsoa)
Gabonak.com-etik ateratako bertsoak.
No comments yet.