Realaren egoera negargarriaz…

By on 2007(e)ko martxoak 4 in kirola

RealaGaur ere galdu eta ez dakit zenbat doazen… Aurten Realeko jarraitzaile guztiok sufritu egin beharko dugu mailari eutsi nahi badiogu. Gauzak ez doaz ondo orain arte, horrela jarraitzen badute 2. mailara jaitsiko dira, sailkapenean azkeneko postuetan baitaude. Egoera aldatzeko nahian, fitxaketa berriak egin zituzten eta entrenatzaileak beraiengan
konfiantza jarri du. Fitxaketa berrietatik Saviok utzi dizkigu sentsazio onenak, taldea beste dinamika batean barneratzen baitu. Sartu diren jokalari berriak 3 dira, aipatu dudan Savio Bortolini, German Herrera eta Victor Ruben Lopez.

Savio Flamengo (Rio de Janeiro) taldeak errealari utzitako jokalari
brasildarra da, Zaragozan eta Real Madrilen jokatutako kirolari trebatua. German Herrera, ordea, 19 urte besterik ez ditu eta Argentinatik datorkigu (San Lorenzo de Almagrotik, hain zuzen ere, baina azkeneko denboraldian Gremion jokatu du). 6 hilabetez jantziko du Realaren kamiseta Germanek. Azkenik, Victor lopez argentinarra dugu. Arsenal de Saranditik dator eta 2010. urtera arte egongo da taldean murgildurik. Lehenego biek, hau da, Savio eta German, erasoan jokatu ohi dute eta, Victor, aldiz, defentsa da.

Ea lortzen duten bai fitxaketa berriekin eta baita Realaren jarraitzaile garen guztion laguntzarekin ere egoera larri honetatik irtetea. Dena den, gaurko emaitza, Realaren egoera eta jarduna bukatzeko geratzen den gutxia kontuan hartuta, fitxaketa eta jarraitzaileen laguntza baino zerbait gehiago beharko du gure bihotzeko klubak 1go mailan jarraituko badu; hala ere, oraindik badago aukera azken hiru postuetatik irteteko. Hori bai, garrantzitsua da maite ditugun koloreei, egoera txarrean egon arren, uko ez egitea eta sutsuki animatzen jarraitzea. Hori baino ez dago gure esku, beste guztia…

Comments { 2 }

Zorionak Alaitz eta Aloñari!

By on 2007(e)ko martxoak 3 in zorionak

Gelan proposatutakoari jarraituz, gaur atal berri bati emango diogu hasiera: ZORIONAK! Atal honetaz baliatuko gara euskaljakintzako kideak zoriontzeko eta, batik bat, urtebetetzeen berri emateko. Dena den, gure kideen artean errekonozitzeko moduko edozein ekintza (Gonzalok “ligatu” egin duela, Jon Anderrek “First Certificate” atera duela…) gertatzen dela jakiten baduzue, lehenbailehen adierazi eta hementxe ipiniko dugu. 🙂

Lehenengo saio honetan, zorion bikoitza eman behar dugu; izan ere, hilaren lehenengo egunean Alaitz ataundarraren urtebetetzea izan baitzen eta, atzo, Aramako Aloñak ospatu baitzuen bere eguna (azken hau ez zoriontzekotan egon naiz bizkotxorik gabe gelditu nintzelako, baina, tira, azkenean, damutu eta berari ere bere gustuko abesti bat eskaintzea erabaki dut). 😉 😛 Ez dakizue zer itxura zuen bizkotxoak!!!!! Berak prestatutakoa izango zen? Amak egindakoa? Baina gatozen harira.

Hauexek dira aukeratutako bideoak. Lehenengoa, abestia eta izena bezain alaia den Alaitzentzat (txori txiki batek Betagarri gustuko duzula esan dit…). Hala da?

Bigarrena, erromantikoagoa, Aloñarentzat (hau ere iturri onetik ateratako informazioa, e!). Ederki ospatuko zenutelakoan, agurtzen naiz hurrengo saiora arte. Muxu handi bat biontzat!

Comments { 5 }

Euskarazko filmak eskola orduetan

By on 2007(e)ko martxoak 3 in hitzaro

pailasokeriakMartxoan zehar, eskolatik irten eta Herri Antzokira gerturatuko dira Urdaneta nahiz Jakintza ikastetxeetako ikasleak, euskarazko hiru filma ikustera: “Pailasokeriak�, “Mozart txakurra� eta “Sorgin bat etxean�. Tinko Euskara Elkarteak euskaratu ditu hiru filma horiek, eta Ordiziako Udaleko Euskara Zerbitzuak eskainiko dizkie Ordiziako eskolaumeei, EBPNaren (Euskara Biziberritzeko Plan Nagusia) barruan. Filmak Herri Antzokian ikusiko dituzte, eskola orduetan.

Datorren asteazkenean, emango dute lehenengo filma, 09:30ean: “Pailasokeriak�, 4 eta 5 urteko umeek ikusiko dute. Datorren ostiralean, hilak 9, “Mozart txakurra� ikusiko dute Lehen Hezkuntzako lehen, bigarren eta hirugarren mailetako ikasleek. Eta, azkenik, Lehen Hezkuntzako 4, 5 eta 6. mailetako ikasleen txanda etorriko da: martxoaren 12an, astelehenez, “Sorgin bat etxean� eskainiko zaie.

Helburu argia dauka Udaleko Euskara Zerbitzuak Euskara Biziberritzeko Planaren (EBPN) baitan Zinema Ikastetxeetara egitasmoa sartzearekin: herriko haurrek filmak euskaraz ikusteko aukera izatea, eta, ondorioz, haurrengan zinea euskaraz ikusteko ohitura sortaraztea. “Horregatik, ahalik eta haur gehienengana iristeko asmotan, ikastetxeei egiten diegu euskarazko filmak ikustera zinemara joateko eskaintza�, aipatu dute.

Comments { 0 }
-->