Lazkao Txiki hil zela 17 urte igaro direla eta, Goierriko Euskal Eskola Kultur Elkarteak eta Lazkao-txiki taldeak bertso-afaria antolatu dute hura omendu eta, bide batez, tarte atsegina igaro nahi duen ororentzat. Hementxe dituzue ekimenaren inguruko gorabehera guztiak:
BERTSOLARIAK: Xebastian Lizaso eta Amets Arzallus.
MENUA: txorixoa, saiheskia, bakailaoa eta mamia.
NOIZ: martxoaren 26an, ostirala, gaueko 08:30ean.
NON: Lazkaomendiko Lartxai Elkartean.
IZENA EMATEKO EPEA: martxoaren 23a baino lehen. Gerriko Liburudendan (943-88 65 00)
PREZIOA: 22,00 €
ANTOLATZAILEA: GOIERRIKO EUSKAL ESKOLA KULTUR ELKARTEA, LAZKAO-TXIKI TALDEA
Euskarazko 100 liburu gomendagarri biltzen dituen Irakurri eta Oparitu gida [pdf] osatu dugu Ordiziako Udaleko Euskara Zerbitzukoek, Eguberrien atarian, seigarren urtez, Olentzerotan eta Errege Egunean liburuak oparitzea erabakitzen duten herritarrei laguntzeko.
Irakurri eta Oparitu gida osatzeko, Mondragon Unibertsitateko Humanitate eta Hezkuntza Zientzien Fakultateko (HUHEZI) Haur Liburu Mintegiaren eta Euskal Herriko editoreen laguntza izan dugu.
Liburu gomendagarrien gida argitaratu eta herritarren artean banatzearekin batera, IRAKURRI ETA OPARITU ekimena bultzatuko du Ordiziako Udalak 2010eko urtarrilaren 4ra bitartean.
• Irakurri eta Oparitu Euskaraz 2009 gidan zerrendatuta azaltzen diren euskarazko liburuak Barrena kultur etxeko sarreran aurkituko ditu herritarrak, paneletan zintzilikatuta.
• Gidan gomendatzen den libururen bat oparitarako erosi nahi duenari, %25eko deskontu-txartela emango diogu Udaleko Euskara Zerbitzuan. %50ekoa deskontu-txartela eskuratuko dute mintzalagunek edota euskara ikasleek.
Irakurri eta Oparitu ekimenarekin, ordiziarren artean irakurzaletasuna sustatu eta euskarazko liburu produkzioari bultzada eman nahi diogu.
Aurreko edizioetan, bataz beste, 100 bat liburu eskatu dituzte ordiziarrek Irakurri eta Oparitu ekimenaren baitan.
Euskarazko produktuen 900 katalogoa
Merkatuan euskaraz dauden produktuen eskaintza ezagutzera eman nahi dugu; baliabideak eskaini nahi dizkiegu 16 urte bitarteko herriko haur eta gazteei eta horien gurasoei. Hala, aurten, 900 katalogo banatu ditugu Ordizian, ikastetxeen bitartez. Euskarazko Produktuen Katalogoa eskuratu nahi duen herritarrak Euskara Zerbitzura hurbil daiteke, edota www.katalogoa.org gunera jo, katalogoaren pdf dokumentua jaisteko.
Zortzi ataletan sailkatuta, nagusiki aurten kaleratu diren produktu berriak jaso dira katalogoaren 12. edizio honetan: musika, liburuak, aldizkariak, filmak, jostailu eta jokoak, DVD eta informatika produktuak, komikiak eta gurasoentzako produktuak.
Kauta musika taldea Ordiziako Herri Antzokian izango da otsailaren 20an, ostiralez, Isladak bere hirugarren diskoa aurkezten. Iragan Durangoko Liburu eta Disko Azokan, Kautaren azken lana izan zen cd-rik salduena, eta arrazoi horrek bultzatu ditu antolatzaileak Kauta Ordiziara ekartzera, “herriko eta eskualdeko gazteei punta- puntan dabilen taldearen lanaz gozatzeko aukera eman nahi diegulako, euskarazko musikaren emaitzak ezagutzera ematearekin batera.”
Ordiziako Udaleko Euskara eta Kultura Sailek antolatu dute Kautaren kontzertua. 2009ko lehen lauhilabetekoan lau kontzertu programatu dituzte guztira. Benito Lertxundik jarri zion hasiera kontzertu-sortari, eta Kautaren ondoren, Rafa Rueda (martxoak 18) eta Beasaingo Sugan taldea (apirilak 8) antolatu dituzte. Benito Lertxundiren kontzertuan 600dik gora entzule bildu ziren eta Kautaren kontzertuan eta ondorengoetan ere jendearen erantzuna ona izatea espero dute.
Andoaingo hiru gaztek osatzen dute Kauta taldea: Mikel Moreno (ahotsa, gitarra), Adrian Elustondo (baxua) eta Gorka mendizabalek (bateria). Musikan aditu direnen esanetan, rock alternatiboaren, punkaren edota Emoaren jarraitzaile dira.
Dagoeneko salgai dira Kautaren kontzerturako sarrerak. Otsailaren 20an Herri Antzokiko leihatilan 12€ balioko du sarrerak, eta aurrez, berriz, 10€. Honako lekuetan daude jada salgai: Ordiziako D’Elikatuz gunean; Zaldibiako Kultur Etxean; Legorretako Olaso tabernan; Goierriko Hitzak Beasainen duen egoitzan; Lazkaoko Gerriko liburu-dendan; Ataungo liburutegian; Segurako liburutegian, Idiazabalgo Izpar dendan eta Ormaiztegiko Itxune tabernan.
Iruzkin berriak