Gaurkoan txikien erreboltari buruzko artikulua dakarkizuet. Jakina da auto txikiek gero eta leku gehiago dutela kontzesionarioetan. Txikiak dira eta maletategi handia ez izan arren, hiri eta herri barruetan ibiltzeko erraztasuna dute. Horrez gain, merkeak dira erosteko garaian (handiagoekin alderatuz) eta kontsumo mugatua dute. Azkenaldian gainera, beste auto guztiak bezala beren tamaina handitua dute eta arrazoi hori dela eta garrantzi handia hartzen ari dira.

Adibide gisa, hiru auto hautatu ditut, klase honetan kalitate eta balio aldetik eskaintza hoberenak dituztenak, hain zuzen ere: Fiat Grande Punto, Mitsubishi Colt eta Renault Clio. Gainera hirurak gasoliozko propultsatzailearekin hautatu ditut, eta 80 eta 100 zaldi bitartekoak.

FIAT GRANDE PUNTO 1.3 MULTIJET 16V 90CV
Fiat berri honetan, bere itxurari begiratzen diogu lehenik, pixka bat handitu baina gehien bat itxura guztiz aldatu duelako. Itxura berri honekin Maserati etxe italiarraren autoen antza du. Izaera deportiboa duela esaten dute bere gain eginiko kritikek. Muturreko aire-sarreretan berrikuntza handiak jasan ditu eta argi-fokuekin batera asko edertzen dute beribila. Baina alde dituen gauzez gain, baditu kontrakoak ere. Eserlekuak ez dira kalitatezkoak eta motorra zilindrada txikikoa denez, ez du indar handirik bere 90 zaldiak edukiagatik. Autopistetan arazoak eduki ditzake beste auto eta kamioiak aurreratzerako orduan, eta gehiago ibili ohi diren abiaduretan. Gainera, 6ko abiadura-kaxa gehitzen badiogu moteldu egingo genuke. Barrualdetik begiratuz, kalitatezko materialak ditu eta jada ohikoa gertatzen den legez, bolantean kokaturiko mandoek erraztu egiten dute auto barruko kontrola. Horrez gain, informazio koadroa oso ongi kokatua du eta informazioa oso garbi ageri da. Bere salneurria 15050 €tik aurrera hasten da.

MITSUBISHI COLT CZ3 1.5DI-D 95CV
Itxuraz ez da oso erakargarria baina ez da itsusia, bestela ez bailitzateke salduko. Bere 95 zalditako indarrak deportibotasun apur bat ematen dio monobolumen itxurako auto honi. Argi-fokuek eta zilar itxurako eskapeak ere laguntzen dute horretan. Barrualdetik oso ongi amaitua dago eta eserlekuak ere erosoak dira. Lehen hitz eginiko autoak ez bezala, honek ez du auto barnekoa kontrolatzeko aukerarik bolantetik. Gainera informazio kontrola ezin da esan onena denik gauza bakoitza lekuz kanpo dagoela ematen baitu. Ez da oso ezaguna baina bere balioa ezagunenen artean kokatzen da. 15490 €tik aurrera hasten da bere balioa eta ez du ESPrik prezio barruan. Gainera, beste auto denek baino maletategi txikiagoa du, 155 litro soilekin.

RENAULT CLIO 1.5DCI 85CV
Kalitate eta balio aldetik aukerarik hoberenetarikoa da momentu honetan Espainiako merkatuan. Fiat Grande Puntoak baino 50 euro gehiago balio du eta 5 zaldi gutxiago edukiagatik, maletategi handixeagoa du eta barrualdeko kalitate eta lekua hobekiago daude berebil italiarrean baino. Gainera, serietik gauza berdintsuak dakartzan arren, aukera gehiago du Clio berriak. Itxura, guztiz berritzailea da eta kritika ezberdinek diotenez,(eta nire iritziz), lehenagokoa baino politagoa da edo, behintzat, hobekiago amaituriko detaileak ditu. Motore aldetik oso ongi dago eta zaldi asko ez eduki arren, indarra duen autoa da, bere 1500 zilindradei esker. Barrualdetik oso ongi amaitua dago, kalitatezko materialak ikusten dira eta Renault etxe frantsesean ohikoa den bezala, eserleku bikainak ditu. Informazio koadroa ez nuke esango Grande Puntorena baino hobea denik baina ongi kokatuak ditu jakin beharrezko guztiak. Maletategi polita du, 288 litrorekin eta bere balioa 15100 €tan hasten da.

Arrazoi hauek direla eta, auto txiki hauek nagusitzen ari dira eta egunetik egunera gehiago ikusiko ditugu.

Aurreko balio hauek gasoilezko autoenak dira, gasolinazko merkeagoak ere badira.
Artikulu hau bereziki Magic jaunarentzat da, auto garestiez soilik idazten dudalako kexatzen baita.

Hummer etxeak kaleraturiko azken hau, lehenagoko hiru autoak (H1, H2 eta H2 SUT) baino txikiagoa da, eta Europa alderako egokiagoa. Hala ere, ez da batere txikia: ia bost metro luze (4’7m), bi metro zabal (1’89m) eta beste hainbeste altu (1.89m). Beste era batera esanda, Nissan Pathfinder eta Toyota Land Cruiser autoen antzeko tamainak ditu, eta honekin adierazi nahi da, ez dela aparkatu ahal izateko arazorik izango, baldin badago non aparkatu behintzat.

Bere hiru aurreko modeloen antz handia du, angelu zuzen askoz osaturiko diseinua, izugarrizko gurpilak, azken hauen arteko tarte handia eta kristal belztu eta txikiak.

Barrualdetik begiratuz:

Errespetua sortzen duen kanpoko itxura militarra ahantziz, luxuzko autoa dirudi barnealdetik. Bere anaiek baino akabaera hobeak ditu, eta, horrez gain, ekipamendu osatuagoa du. Modan jartzen ari diren eserleku berogailudunak ditu, sabaian kristalezko leiho irristatzailea eta luxuzko gehigarri gehiago, larruzko eserlekuak esaterako. Denetan bitxiena, ordea, oso gutxi ikus daitekeen satelite bidezko XM irratia da. Posible da gainera sei hazbete eta erdiko pantaila duen GPS nabigatzailea ezartzea; noski, azken honek garestitu egingo du autoa erostera joateko garaian.

Motorearen xehetasunak:

H3 berriak Vortec 3500 motorea darama, 220 zalditako indarra duena. Gasolinazkoa da eta oraingoz izango duen motore bakarra. Hau da, agian, Europako merkatutik pixka bat aldentzen duen arrazoia, jakina baita diesela dela nagusi gure kontinentean. Motorearen kontsumoa, hala ere, ez da neurriz gainekoa, alderantziz, oso ongi mugatua dago: batez beste 11’8 litro ehun kilometroko.
Gasolinazko 220 zaldik indar asko diruditen arren, 2 tona pasako auto batean (2132 kg), nahiko justu geratzen dira, batik bat autopistetan auto eta kamioiak aurreratzerakoan. Gainera, bere abiadura 158 km/h-ra mugatua dago.

Garbi geratzen da, beraz, ez dela errepiderako eginiko autoa. Beraz, mendia dugu Hummer handi honi probetxua ateratzeko leku bakarra. Mendian gabiltzala, oztopo gutxik gera dezakete eta zabalera handia duen arren, merkatuko autorik onenetarikoa da mendian ibiltzeko, oso ongi prestatua baitu azpialdea. Hori dela eta edozein lekutan sar gaitezke beldur handirik gabe.

Prezio aldetik, berriz, oso ondo dago, 48800 eurotik aurrera hasten baita bere balioa. Europako merkatuan aurrera egiten laguntzen dion arrazoia da, beste autoekin alderaturik antzeko balioa baitu. Esan behar da, H3-ak, bere anaien erdia balio duela. Honakoak dira luxuzko 4×4 autoetan ezagunenak:

X5 50600€*
TOUAREG 49420€*
XC90 45400€*
Q7 54860€*
*balio hauek gasolinazko autorik merkeenei dagozkie.

Aurreko balio horiekin alderaturik, H3-ak erraz egin dezake aurrera. Azkenik, esan behar asko ikusiko ez den arren, irailaren erdirako 20 eskaera eginik zeudela, prezioa jakin aurretik. Horrek esan nahi du, geroztik gehiago saldu direla eta, egunen batean, gure herrian bertan ikusteko aukera izango dugula.

Auto gehienak berritzeko garaia da, eta oraingoan Mercedes etxeko Clase Sari egokitu zaio. Oso maila handiko autoa da oraingo hau, eta itzal egiteko zaila. BMWren serie7a eta Audi A8a jartzen dituzte parean, baina teknologia aldetik, askoz ere hobea dela irizten diot Mercedes izugarri honi.

Kanpotik, itxura hobetu du, batez ere, atzerako ispilu eta aurreko zein atzeko fokuetakoa. Deportibo tankera gehiago du aurretik izan zenak baino, baina hala ere, ez du barneko erosotasunik galtzen.
Lehen esan bezala, teknologia aldetik izugarria da. Hona hemen serietik dakartzanak:

. Jadanik ohituak gauden masaje ematen duten eserlekuak ditu, elektronikoki berotzen direnak.

. BAS Plus. Arazo eta istripu posibleak aurreikusi eta bat-batean balaztatzen du.

. NVA (Night View Assist). Gauez, argi infragorri bidez ikus liteke 150 metroraino.

. Pre-safe. BAS Plus-ekin loturik doa. Autoaren dezelerazioa handia denean eta istripua datorrela jabetzean, gerrikoak tenkatzen ditu, aurreko eserlekuak estutzen dira eta aldamenetako leihoak ixten dira.

. Autoaren atzean, kamera txiki bat dago, aparkatzen laguntzeko.

. Atzekoeta aurreko eserlekuen burukoen atzean, bi TFT pantaila DVD irakurlearekin.

Dudarik ez izan, ordea, teknologia ordaindu egin behar izaten dela.

Argazkietan ikus daiteke lehen aipaturikoa.

Teknologia berriez ahantzi gabe, azkeneko prototipo garrantzitsuetara pasa behar dugu. Hona hemen zerrendatxo bat:

. Alfa Romeo Brera Spyder

. Audi A9 (Le Mans)

. Audi A2 berria

. Audi Shooting Brake Concept

. Ford Iosis

. Jaguar Coupé

. Mitsibishi Concept-X

. Peugeot 207 GTI

. Renault Egeus (SUV)

. Renault Zoe

. VW Scirocco

. Smart Brabous Forfour…

Ikus dezakezuenez, auto ilara luzea dago merkatuan sartzeko zain. Gehien gustatu zaidan autoa, ordea, Audiren Shooting Brake Concept-a izan da, hona hemen bere bi argazki.

BMWaren serie 1aren tankera izugarria du eta merkatuan bere parean jarriko da ziurrenik.

Prototipo hauetaz zerbait gehiago jakin nahi izanez gero, klikatu hemen eta azalduko zaizuen orriaren azpian aurrera pasaz, aipaturiko prototipoak eta gehiago ikus ahal izango dituzue.