Espero zen bezala, Samuel Eto´o jokalari kamerundarrak eraman zuen Afrikako urrezko baloia, Nigeriako African Conference Hall-ean ospatu zen galan. Bertan, bere taldeko presidente eta zenbait ordezkari alboan zituela, Afrikako futbol jokalari onena dela adierazten duen saria jaso zuen hirugarren urtez jarraian.

Aurreko urteetan ez bezala, aurtengoan izan ditu sari hau bere eskuetan erortzea arriskuan jarri duten lehiakideak. Chelsea taldeko Didier Drogba jokalari marfildarrak, Eto´ok baino bi puntu gutxiago bakarrik lortu zituen. Talde ingelesarekin egindako denboraldi bikainak, futboleko onenen artean tarte bat egitea balio izan dio.

Bartzelona taldeko presidentea eta taldekideak eskertu ondoren, Afrikako umeei eskaini zien saria. Ez dugu ahaztu behar, Eto´ok beste edonork baino gehiago bultzatu duela hirugarren munduko umeenganako laguntza, eta kirolean lortutako arrakastengatik ez ezik, bere herrialdeko umeen alde egindako lanagatik ere ezagutzen dugula jokalari hau.

Beraz, Samuel Eto´o futbolaria zoriontzea besterik ez zait gelditzen, eta futbola gustuko duzuenok, hemendik aurrera, sari honen banaketa arreta handiagoz jarraitzea espero dut, herrialde hauetatik ateratako jokalarietan egon baitaiteke, futbolaren etorkizuna, azkeneko urte hauetan ikusi ahal izan dugun bezala.

Gaia interesgarrria iruditzen bazaizue, jarraian topa dezakezue informazio gehiago:

Bartzelona taldeko webgunea

Chelsea taldekoa

Samuel Eto´o

Amaituak dira jadanik, aurreko urteko irailean hasi ziren lanak, eta urte askoren ondoren, Ordiziak itxurazko futbol zelai bat du, maila desberdinetako futbol talde ororentzat. Izan ere, orain arte belar naturalezko zelaia bazuen, baina bertan jubenil mailatik gorako taldeek joka zezaketen soilik, eta gainerakoek, ondoan zegoen “anexo� zelaian jokatu behar zituzten euren partiduak.

Guztiok dakigun bezala, futbol zelai honen egoera, eta futbol zelai esaten dut aparkaleku edo zezen plaza ez esateagatik, benetan tamalgarria zen, bertan jokatzen zutenentzat arriskutsua izateraino. Ez zen arraroa kristalak, botila txapak, burdin zatiak eta dena delakoak aurkitzea bertan jokatzen ari zinenean; izan ere, lehen aipatu bezala, beste zenbait gauzatarako ere erabiltzen baitzen anexoa. Ez zen oso gogokoa jokalarientzat, Ordiziako festetan zezen eta abarrek ibilitako leku berean futbolean aritzea.

Kexa askoren ondoren, azkenean lortu da Ordizian futbol zelai onargarri bat eraikitzea. Gainera, futbol zelai berri hau eraikitzeaz gain, atletismoko pista berria ere eraikiko da, futbol eta errugbiko taldeen zelaia izango denaren inguruan. Beraz, Ordiziako kirol guneek berreraketa izugarria jasango dute urte honetan zehar, honen emaitza Ordizia bezalako herri batek merezi dituen kirol-instalazioak izango direlarik.

Lehen zelaia dagoeneko amaiturik dago eta bertan hasiak dira jada futbol partiduak jokatzen. Baita orain arte Majori kiroldegian jokatzen ziren sofbol partiduak ere. Beraz, nahi duzuen guztioi gonbidatzen zaituztet bertara gerturatzea futbol edo sofbol partiduak ikustera. Ni jubenil taldeko jokalaria naizenez, bereziki gure partiduren bat ikusteko gonbitea luzatu nahi dizuet, larunbat arratsaldeetan jolastu ohi dugu etxean. Espero dut bat baino gehiago bertara azaltzea!

Gure argazkiak ikusteko, klikatu hementxe.

Nike marka estatubatuarrak bere azken iragarkia ezagutzera eman du duela gutxi. Orain arteko bere iragarki guztietan bezala, oraingoan ere, momentuko kirolaririk onenak bildu ditu. Hauen artean, dudarik gabe gure arreta gehien piztu duena Rafa Nadal gaztea izan da. Izan ere, 19 urteko tenislari gazte hau, dagoeneko publizitate munduan etxe bat baino gehiagoko irudi bihurtu da. Denboraldi bikain bat burutu ondoren, munduko bigarren tenislari onena izatera iritsi da, eta honek “spot” honetan parte hartzeko aukera eman dio, eta noski, bere poltsikoak betetzeko ere! Nadalekin batera, Arsenalekko Thierry Henry futbolari frantziarra, Dirk Nowitzky NBAko jokalaria eta Jonny Wilkinson errugbilari ingelesa azaltzen dira.

Ohituta gaude Nike-en iragarki bikainak ikustera, eta beti lortzen dute ikuslearen atentzioa bereganatzea. Nire uste apalean, etxe honek publizitate munduan ez du areriorik, izan ere iragarki hauek egiteko inbertitutako dirua, nabaritu egiten baita gure etxeetako pantailetan. Etxe honen inguruko informazio gehiago aurkitu nahi baduzue, kilikatu hemen.

Azkenik, iragarki berriaren bideoa eskaintzen dizuegu jarraian (ikusten ari zaretenean gelditu egiten bada, utzi osorik kargatzen eta ondoren playri eman!). Ea zuen gustukoa den…

Beste iragarki batzuk ikusteko, sartu hementxe.