About ncasado

Author Archive | ncasado

Euskal Herria ezagutzen

By on 2007(e)ko apirilak 3 in orokorra

EnkarterriakAste Santuko opor hauetan, jende asko bere herrian geratzen da eta beste asko Euskal Herritik kanpo joaten dira egun batzuk pasatzeko asmoz. Hala ere, etxean gelditzen garenok ez dugu zertan egunero geure herrian egon. Euskal Herriak paraje paregabeak ditu eta hauetako asko ez ditugu ezagutzen. Horregatik, Bizkaia aldeko Enkarterrietara ateraldi bat proposatzen dizuet.

Enkarterriak Bizkaiko eskualde urrun eta ahaztua izan da orain arte. Alabaina, bertako herriak etengabeko hobekuntzak jasaten ari dira eta gero eta jende gehiagok ezagutzen ditu. Inguru honetako leku interesgarrienetako bat Karrantza Haranean kokatzen den Pozalaguako haitzuloa da. Munduko haitzulo bakarrak dira estalaktita eszentriko ugari dituena eta benetan miresgarriak dira.

Hemendik gertu Karpin Abentura izeneko parkea dago. Bertan, animaliak animazioz euren ingurunera itzultzen dituzte. Instalazioak didaktikoak direnez, arlo desberdinetako atariak dituzte; hala nola, Dinosauroen Harana, Basapiztien Lorategia…

Autoak gustuko badituzue, Loizaga dorrean antzinako autoen eta auto klasikoen erakusketa bisitatu ahal izango duzue Galdamesen, munduko Rolls Royce bilduma onenetakoa ikusteko abagune aparta.

Hauez gain, intereseko beste zenbait herri edota toki daude inguruan, batzuk aipatzearren: Balmaseda eta bertan egiten den Aste Santuko antzezpena, Sopuertan Enkarterriko museoa…

Informazio gehiago eskuratu nahi izanez gero, sakatu hemen. Ondo pasa!

Comments { 0 }

Futbol-zelaietako bortizkeria hazten

By on 2007(e)ko martxoak 18 in kirola

Azkeneko aste hauetan zehar, prentsan berri dezente agertu zaizkigu futbola eta indarkeriari buruzkoak. Hala ere, futbolari hertsiki loturik azaldu izan zaigu betidanik gogorkeria eta gutxituz joan beharrean, handituz doa.

Denok ezagutzen ditugu ultra taldeak eta beraien jokabidea, baina ni beste indarkeria batez arituko naiz, “bigarren� mailakoa izan arren, nire ustez, aurrekoa bezain garrantzitsua dena.

Orain dela bi aste, Sevillako derbyan, honek lehenengo gola sartu ondoren, entrenatzaileari botila bat jaurtiki zitzaion. Estadioko harmailetatik erdi beterik botatako objektuak buruan jo zuen Juande Ramos (Juan de la Cruz Ramos) eta tupustean lurrera erori zen. Ondorioz, ospitalera eraman behar izan zuten eta partidua bertan behera geratu zen.

Antzeko beste gertakari bat pasa den astean eman zen, UEFAko Velentzia-Inter partiduan. Jokoaren amaieran, indarkeria nagusitu zen, baina oraingoan jokalarien artean: Navarrok, Valentziako jokalariak, aurkarietako Burdissori muturreko bat eman zion sudurra hautsiz eta aldageletaraino iritsi zen borrokaldia. Zeharo tamalgarria izan zen horrelako ikuskizuna begiztatu beharra izatea.

Dakigunez, horrelako ikuskizunak futbol maila desberdinetan ikusten dira. Kirol honek milaka pertsona mugiarazten ditu astebururo, futbolaz gozatu eta ondo pasatzeko asmotan joaten direnak, jakina. Hori dela eta, jokalariek duten tentsioa eta amorrua kontrolatzeko eskatzen dut eta, aldi berean, futbolzale amorratuenen autokontrola ere. Denon artean, horrela, indarkeriarik gabeko futbolaz gozatzeko abagunea izango dugu.

Comments { 3 }

Dieta osasuntsua

By on 2007(e)ko otsailak 2 in orokorra

gizentasunaZenbat aldiz esan digute zer jan behar dugun osasuntsu egoteko? Zenbat aldiz azaldu zaigu gizentasuna kontzeptua prentsan? Argi dago, garrantzi handia ematen zaiola elikadurari eta gorputza osasuntsu mantentzeari, esaten dutenez, jaten duguna baikara.

Askotan, dieta onuragarri baten bila gabiltzala, bat baino gehiago aurkitzen ditugu. Aditu bakoitzak berea ematen digu, besteengandik ezberdina izango dena. Pertsona bati, bere izaera, ohitura eta bizi-baldintzen arabera, elikagai jakin batzuk komeniko zaizkio eta beste batzuei, ordea, beste batzuk. Horregatik, ezinbestekoa da, dieta bat jarraitzekotan, adituengana jotzea. Hala ere, komunak diren iradokizunak badaude. Hona hemen horietako batzuk:

  • Egunero bapo gosaldu eta gutxi afaldu.
  • Fruta eta barazkiak jan.
  • Jaki freskoak kontsumitu.

Aurrekoak hamaika aldiz entzun ditugun arren, noizean behin alde batera uzten ditugu, gehienetan gure bizitzan daramagun estresa dela eta. Aipatzekoa da, bederen, erosten ditugun elikagaien etiketei erreparatzea ezinbestekoa dela, baina kontuan hartu behar da askotan informazioa manipulatuta egoten dela. Hortaz, elikagai freskoak jatean, honetaz guztiaz libratzen gara.

Amaitzeko, gorputzaren mantenua ondo bideratzeaz gain, funtsezkoa da edozein kirol egitea; horrela baino ez dugu lortuko gure gorputza osasuntsu mantentzea.

Comments { 4 }
-->