Archive | musika

Ziur ezaguna egiten zaizuela hitz hau, baina ba al dakizue zehazki zer den eta zertan oinarritzen den?

Musikoterapia, melodia ezberdinek gure gorputzean sortzen dituzten sentsatzioez baliatuz, musikaren bidez osasun arazoak saihesteko erabiltzen den teknika terapeutikoa da.

Ideia nagusia gaixotasun ezberdinen sorrera gure garunean ematen dela onartzea da. Garunetik kinada jakin bat bidaltzen da, ondoren, hau gaixotasunaren sortzailea izanik. Horrela, musikoterapiak, melodia ezberdinen bitartez, gaixotasunak sortzen dituzten kinadak erlaxatzen dituzten beste batzuk sortu eta bidaltzea du helburu.

Terapia honen erabilera aintzinetik ezaguna den arren, aurreko mendeko 40. hamarkadan izan zen medikuntza suspertzailea bezala erabiltzen hasi zenean, efektu fisiologiko, afektibo eta mentalekin pertsonen oreka psikofisikoa lortzen laguntzen zuela. Gaur egun terapia hau nerbio sisteman gorabeherak dituzten pertsonei, alkoholikoei, drogekin arazoak dituztenei eta buruaz beste ez egiteko terapia behar dutenei aplikatzen zaie. Esan ohi da musikoterapia bihotzarentzako eta birikentzako mesedegarria dela gainera.

Funtsezko lan eskemak, diziplina honetan, 3 ezaugarrik osatzen dute: gaixoaren elkarrekintza positiboa beste izakiekiko, autoestima eta erritmoaren erabilera energiaren sortzaile bezala. Musikoterapiak autoestimaren garapenaren motibazio gisa jokatzen du autoerrealizazio sentsazioa sortzen duten teknikekin, autokonfiantza, autoasetasuna eta bakoitzak berekiko segurtasun handia lortzeko. Erritmoa, funtsezko ezaugarri dinamiko eta ahaltsua musikan, mugimendu kontrolatuak sustatzen dituzten prozesu psikomotoreen kinaden orientatzailea da.

Terapeuta askoren ustez erreminta soinudun indartsuena harmonikoen kantua da. Gure ahotsaren bidez, gaixotasunari erresonantziaren frekuentzia egokia bota eta bere ohizko frekuentzia berreskuratzea lortu dezakegu. John Beaulieu terapeutak dioenez, harmonikoen intonazioak, gainera, tradizio mistikoen kundalinian eragina du. Hau hertsiki lotuta dago Tibeteko mantramarekin, chakrak garbitu eta energia esnarazten dituena argitasunera heltzeko.

Hemen duzue gaixotasun ezberdinak ezereztatzen laguntzen duten abestien adibide sorta bat:

Insomnioa:
Chopinen Nokturnoak (op. 9 n.º 3; op. 15 n.º 22; op. 32 n.º 1; op. 62 n.º 1)
Debussyren Preludio para la siesta de un Fauno
Pachelbelen Canon en Re

Hipertentsioa:
Vivaldi ren Lau urtaroak
Mozarten Serenata nº13 en Sol Mayor

Depresioa:
Rachmaninoven Concierto para piano nº5
Haendelen Música acuática
Beethoven Concierto para violín
Dvoraken Sinfonía nº8

Antsietatea:
Rodrigoren Concierto de Aranjuez
Vivaldiren Lau urtaroak
Mozarten La sinfonía Linz, k425

Buruko mina:
Listz en Sueño de Amor
Schubert Serenata
Rimsky-Korsakoven Himno al Sol

Tripako mina:
Telemannen Música para la Mesa
Haendelen Concierto de Arpa
Vivaldiren Concierto de oboe

Energia irabazteko:
Sibelius La suite Karalia
Tschaikowskyren Serenata de Cuerdas (op. 48)
Rossiniren Obertura de Guillermo Tell

Rockzone musika aldizkariaren lehenengo urtemuga izan dela eta, talde gutxi batzuen kontzertuak antolatu dira. Horietako talde bat Ill Niño da, eta Espainian eskainiko dituzten hiru kontzertuen artean, datorren otsailaren 11n Bergaran emango dutena dago.

Nu Metalaren generazio berriaren barruan kokatzen da Ill Niño taldearen musika, baina beraien energiaz beteriko metala, Latinoamerikako perkusioekin eta gitarra espainiarrarekin nahastea dute bereizgarri nagusi. Beste berezitasun bat letren hizkuntzari dagokiona litzateke, ingelesa eta gaztelania nahasten baitituzte.

Talde gaztea izan arren, ikaragarrizko erreakzioa sortu zuten metal musikaren jarraitzaileon artean beraien lehenengo diskoko “God save us� singlearekin. Ondoren, Kittie, Soulfly eta Snapcase bezalako taldeekin kontzertuak eskaini izatea eta New Jerseyko jaialdi bateko kartelaren buru izateak sekulako bultzada eman zien.

Orain 2005. urtean kaleratutako One Nation Underground hirugarren diskoa eskuartean dutela, hau aurkeztera etorriko dira Jam aretora. Ez da Bergarara etortzen diren lehenengo aldia, aurreko diskoren bat aurkeztera ere etorri izan baitira; beraz, argi dago areto euskalduna gogoko dutela eta harrera ona izan dutela hemen, nahiz eta Euskal Herrian musika mota honen jarraitzaile ugari ez garen.

Taldearen disko berri honetan 13 abesti aurki daitezke eta Ill Niñoren abeslaria den Christian Machadok dioenez:

(itzulia)

Gure ustez, orain arte egin dugun diskorik hoberena da, eta hau da jendeak pentsatzea nahi duguna. Gure kultura eta musikari buruzko elementu asko sartu ditugu, horregatik du hainbeste erritmo eta aurreko diskoak baina askoz biziagoa da. Nik dudan estudio batean grabatu genuen, beraz, erraza izan zen lan egitea beharrezkoa zen denbora guztia izan genuelako. Horrela erlaxatuago ibili ginen eta hori diskoan nabari da

Kritikoak, dirudienez, nahiko ados daude hitz hauekin, baina taldearen jarraitzaileak zaretenok oraindik entzun ez eta egia den edo ez frogatu nahi baduzue, klikatu hemen bi abesti berri entzuteko.

Honekin guztiarekin soilik geratzen zait aipatzea larunbatean ez direla bakarrik egongo. Ill Niñok bi talde gonbidatu izango ditu: NdNo eta Infinner.

Beraz, metalaren jarraitzaileok ikaragarrizko kontzertu on batera joan eta ahotsik gabe gelditzeko aukera paregabea izango dugu 🙂

Aspalditik genuen gaurko eguna gordeta Anarirentzat edo, hobeto esanda, Anariren kontzertuarentzat. Zebra disko berria kaleratu eta handik egun batzuetara 1go kontzertua bere herrian, Azkoitin, izango zela esan zigunean, han izango ginela berehala erantzun genion.

Eta halaxe izan da. Ez daukat hitzik Azkoitiko “Mataderixen” gertatutakoa azaltzeko. Koro eta ni aho zabalik gelditu gara gure lankidea eszenatokian ikusi orduko. Ulertzekoa da, egia esan. Diskoaren ekoizpena pausoz pauso bizi izan dugu, abestien hitzek forma hartzen joan direnean, azalean agertuko zen zebra aukeratzean, lehenengo grabazioak… Beraz, ulertuko duzue esaten badizuet guretzat oso berezia izan dela. Baina benetan berezia Anarirentzat izan dela esango nuke. Hortxe zegoen bere ama, hortxe bere lagun guztiak, herrikoak…

Kontua da izugarri ondo pasa dugula eta Anari ere, berak aitortu digunez, gustura zegoela kontzertua amaitzean.

Beraz, hurrengo kontzertuetako batera joan zaitezten animatu nahi zaituztegu. Hauexek dira egunak eta tokiak:

Otsaila

05 Azkoitia Matadexe
11 Gasteiz Azkena
21 Donostia Gazteszena

Martxoa

10 Elorrio Arriola
18 Tolosa Bonberenea
30 Bilbo Kafe Antzokia