Bakoitzarentzako ariketak

• Ainara

• Alaitz

• Aloña

• Ander

• Asier

• Edurne

• Eli

• Eneritz I.

• Eneritz Z.

• Garazi

• Gonzalo

• Izaia

• Izaskun

• Jon Ander

• Josune

• Lander

• Leire

• Nagore

• Nerea A.

• Nerea C.

• Nerea D.

• Olatz

• Silvia

• Unai

• Xabi

Pentsa ezazue euro bakarrean. Zer datorkizue burura? Txikitxoak ginenean jasotako pagaren balioa? Goxoki gutxi batzuk erosteko nahikoa? Ur botila txiki baten prezioa? Makinetan sartu ondoren jasotzen dugun fruitu lehorren potetxoa? Egia esan, ez dago ezer asko egiterik euro batekin…Zinera joateko kopuru honi 6 bider egin beharko genioke, eta lagunekin gauetan irtetean ere kopuru honek aldaketa nabarmena jaso ohi du.

Bistakoa da, gaur egun, edozertarako dirua behar-beharrezkoa dugula. Eta zer diozue urari buruz? Premiazko lehengaia da gure eguneroko bizitzarako. Esnatu eta berehala komunera jo eta kanila irekitzen dugu eskuak eta aurpegia garbitzeko. Oheratzean, azken ekintzetako bat hortzak eta eskuak garbitzea izaten da, eta, beraz, gure eguneko lehen eta azken ekintzei erabat lotua dagoen baliabidea da. Gaztetxotan askotan pentsatu ohi da ura dohainik jasotzen dugula, baina munduko beste nonbaiten biziko bagina, ziur jakingo genuke guretzat hain arrunta dena izugarri estimatzen; izan ere, herrialde azpigaratuetan kilometroko ibilaldiak egin behar izaten baitituzte urez betetako balde batekin etxera itzultzeko. Gainera, erraztasuna alde batera utzita, ur garbiaren gabezia munduko 5 urtetik beherako umeen hilkortasunaren bigarren arrazoia da eta, kopuruari erreparatuz, munduko biztanleriaren %40 inguruk du ur garbia eskuratzeko zailtasunen bat.

Ura bezala, milaka gauza gehiago ditugu oso eskura eta, guk ez bezala, aurretik aipatutako pobreagoek lan ugari egin behar izaten dute iraupenerako. Buruhauste honetan laguntzeko, GKE ugari ari da lanean buru-belarri. Azkena entzun dudan kanpaina, TAP WATER PROJECT, NYeko zenbait jatetxeren ideia izan da eta burutapena egokia dela onarturik, 200 jatetxe inguruk hartuko dute parte munduagatiko laguntza honetan. Hauek, euren janariez aparte, normalean dohainik izaten den edalontzi ur bati dolar bateko prezioa jarri diote. Ekimen honekin eskuratutako irabaziak UNICEFi emango zaizkio laguntza lanetan jarraitu ahal dezan. Kanpaina honen xedea, beraz, 3. munduko familien eta, batez ere, haurren bizitza apur bat erraztea da.

Prezioaren adostasuna, aipatu bezala, dolar batekoa da eta, guretzat hain balio gutxikoa bada ere, pobre hauen bizitzan 40 eguneko balioa du. Ekimen honetako buruzagiak dioenez, GKE hauen laguntzaz, ume bat 40 egunez elika daiteke dolar batekin. Ez ahal zaizue lagungarria iruditzen? Ni harrituta gelditu nintzen jakitean poltsikoan ezustekoan aurki dezakegun txanpon batek ume baten 40 eguneko bizitza bermatzen duela.

Laguntza proposamen honen arrazoia, aurreko batean ospatu zen uraren egunaz aparte, UNICEFek 2015. urterako duen helburuan laguntzea da. Hauek mundu osoan ur garbiaren gabezia duten herrien ehunekoa erdira murriztu nahi dute urte horretarako. Dudarik gabe, izugarrizkoa da helburutzat honelako lana ezartzea baina jendearen laguntza uste baino handiagoa izaten ari denez, gero eta gertuago ikusten dute helburu horren betetzea.

Gaur egun guztiz galdua dagoen arren, abanikoaren eginkizuna historian zehar ez da haize emailearena bakarrik izan, komunikatzeko edota ligatzeko ere balio izan duen tresna izan da. Abanikoak eginkizun garrantzitsua izan zuen bere garaian gizon eta emakumeen arteko harremanak erraztu ahal izateko. Emakumeek, abanikoaren bitartez, euren desioak adierazten zituzten. Jarraian abanikoaren bidez egin daitezken zenbait mugimendu adieraziko dizkizuet:

1. Oso azkar abanikatzea: biziki maite zaitut

2. Oso geldirik abanikoaz haize ematea edota geldirik abanikoa itxi eta irekitzea: ezkonduta nago eta ez zaitut atsegin.

3. Geldirik ixtea: “bai �

4. Azkar ireki eta ixtea: kontuz, konprometituta nago.

5. Azkar ixtea: “ez�

6. Abanikoa erortzen uztea: zuretzat izango naiz.

7. Abanikoaren bidez ilea mugiaraztea: zugan pentsatzen dut eta ez naiz zutaz ahazten.

8. Abanikoaren hagaxkak kontatzea edota horiek ukitzea: zurekin hitz egin nahi dut.

9. Eguzkiaz estaltzea: itsusia zara eta ez zaitut gogoko.

10. Masailean finkatzea; a. Eskuinekoan bada: “bai�;b. Ezkerrekoan bada: “ez�

11. Abanikoa uztea: agurtu egiten naiz.

12. Kolpe bat ematea zerbaiten kontra: ezinegona.

13. Abaniko irekia bi eskuekin eustea: hobe duzu nitaz ahaztea.

14. Begiak estaltzea abaniko irekiaz: maite zaitut.

15. Aurpegia estaltzea abaniko irekiaz: kontuz, zelatan ari zaizkigu.

16. Abanikoa begietatik pasatzea: barkatu.

17. Abanikoa ixtea begiak ukituz: noiz ikusiko dugu elkar??

18. Abanikoa ireki eta erakustea: itxaron diezadakezu.

19. Aurpegia abaniko irekiaz estaltzea: jarraitu iezadazu joaten naizenean.

20. Abaniko erdi irekia ezpainetan finkatzea: musuka nazakezu. 21. Ezpainak abanikoan finkatzea: ez naiz fidatzen.

22. Masailetik pasatzea: ezkondua naiz.

Hauek dira abanikoen hizkuntzako zenbait keinu edo esanahi.

Nahiz eta gaur egun keinu hauek erabat galdurik egon, eta abanikoak haizea emateko soilik erabili, bere garaian izugarrizko garrantzia izan zuten hainbat lurraldetan.

Orain zuen txanda da, ea ausartzen zareten froga egitera eta ea zortea duzuen ligatzeko orduan.