Archive | zinema

RSS feed for this section

Zinemaldia, krisia, etorkizuna…

Zinemaldia09_saridunakDudarik gabe, urtero irailaren bigarren hamabostaldian Euskal Herriko Donostia hirian antolatzen den Zinemaldia zine-jaialdirik garrantzitsuena da estatu mailan, eta Europan ere sona eta antzinatasun gehien duenetarikoa. Bere lehen ekitaldia 1953ko irailaren 21ean izan zen. Azken urteotan, egoitza nagusia Kursaal elkargunean izan du; halere, pasa berri den Zinemaldia 2009ko zenbait ekitaldi garantzitsu Victoria Eugenia antzokian ere egin da.

Zinemaldiak irauten duen bitartean, hiria zinemazale, kritikari, komunikabideetako langile, aktore, zuzendari, ekoizle eta ikuslez betetzen da, Donostia zinemaren gune bilakatuz egun horietan. Aurtengo Zinemaldiak, ordea, beste urteetan baino egun bat gutxiago iraun du: Zinemaldiaren 57. edizioa irailaren 18an hasi eta 26an amaitu da. Finantza krisia dela eta hartutako neurria da hori. Hartu den beste neurrietako bat izan da amaierako gala, azken egunean sari banaketa egiteko antolatzen den ekitaldia, pitt_zinemaldianmurriztea. Aurreko edizioetan, sariak banatu ondoren, festa bat egiten zen; eta bertan, janari, edari… ugari egon ohi zen. Aurten, gala garesti samar ateratzen zela kontuan hartuta, sari banaketarekin amaiera ematea besterik ez zaie geratu. Zinemaldiaren aurrekontu estuak ekarritako beste ondorioetako bat Donostiara etorri den izar kopurua mugatzea izan da. Halere, ekonomia krisia eta aurrekontu murrizketa jasan arren, zinema-jaialdiak arrakasta izan du; zan ere, aurtego edizioko 9 egunetan, 180.000 biztanleko hirian, 178.000 ikusle zenbatu dira, 200 film baino gehiago ikusteko aukera izan da, eta 500 proiekziotik gora eskaini dira.

Garbi dago ikusleak funtsezko elementu direla nazioarteko zine-erakusketa honetan. Gainera, aurten ere, aurreko edizioetan gertatu izan den bezela, ikusleen eta epaimahaiaren iritzia ez da bat etorri. Hau dela eta, gero eta gehiago dira sari nagusia ikusleengandik etortzea eskatzen hasi direnak. Hauek zine-jaialdiaren zati garrantzitsu bat izanda, beraien iritzia azaltzea gustatuko litzaiekeela adierazi dute.

Orain balantzea egiteko garaia da. Dena bikain joan da, baina elementu nagusia krisia izan da. Egoera hori azpimarratu du Eusko Jaurlaritzak Donostiako Zinemadia zoriontzeko garaian:

Balantzea egiteko garaia da, eta datorren urteko edizioan pentsatzekoa. Hori dela eta, Kultura Sailean egiaztatu nahi dugu krisiaren ondorioz proposatutako diru-doikuntzak bat datozela benetan zinemaldiaren egiazko garrantziarekin. Alde horretatik, ezin dugu ahaztu Donostiako Zinemaldiaren errentagarritasuna ekonomia alor hutsetik harago doala. Hiria ekonomia aldetik suspertzeko akuilua ez ezik, Donostia eta Euskal Herria munduan sustatzeko tresna ezin baliagarriagoa dugu Zinemaldia, zeharka etekin positiboak dakarzkiena gainerako kultura-zereginei. Horregatik, Eusko Jaurlaritzak apustu tinkoa egin nahi du ekitaldi honen alde, bultzatzen jarraitu behar dugun herri-eredu gisa, eta aztertzen ari gara finantzaketan parte hartzen duten erakunde guztiekin bilera bat deitzeko aukera, Donostiako Zinemaldiaren etorkizuna zalantza jar dezakeen egoera ekonomikoa aztertzeko.

Ni Zinemaldiaren aldekoa naiz, baita krisi egoeran egonda ere. Pertsonalki ez naiz zinezale amorratu horietakoa, baina egun horietan Donostian sortzen den giroa oso atsegin dut. Bestalde telebistan, irratian, egunkarietan…hiria azaltzea ere oso garrantzitsua iruditzen zait. Krisiak irauten badu eta Euskal Jaurlaritzak ezinezko badu hainbeste diruz lagundu Zinemaldia, beste erakunde batzuen laguntza bilatu beharko dela uste dut. Ezin dugu Zinemaldia galdu!

Comments { 3 }

El prado de las estrellas

KartelaHemen nenbilen artikulua zeri buruz idatzi ez nekiela, eta, bat-batean, nire laguna den Óscar Abadek aurten film bat egin duela gogoratu naiz. Pelikulak El prado de las estrellas du izena eta, nahiz eta hasiera batean bere estreinaldia Donostiako Zinemaldirako aurreikusita egon, azkenean, Valladolideko Zinemaldian izango da. Zinemaldi hau urriaren 26an hasiko da eta azaroaren 3an amaitu.

Film honen zuzendaria Mario Camus dugu. Mario Santanderren jaio zen, Kantabrian, hain zuzen ere, eta gaur egungo espainar zineko belaunaldian kokatzen dute adituek. Zuzendari honen 27. lana Kantabrian filmatu da. Bertako haranak erabili dituzte prezeski eszena ezberdinak grabatu ahal izateko.

El prado de las estrellas filmean Rodolfo Montero (produktore eta aktore lanetan), Rodolfo Sancho, Álvaro de Luna (Incautos), Mary González, José Manuel Cervino (Sobreviviré), Óscar Abad eta Camusen pelikuletan oso ohikoa den Antonio Velero azaltzen dira. Hiru istorio paralelotan banatzen da Camusen azken lan hau; horietako bat Alfonsorena da. Honi haurtzaroko oroitzapenak gogora ekartzen dizkion zelaiari emango dio Camusek El prado de las estrellas izena. Oroipen horiek baino berrogeita hamar urte geroago kokatzen da istorioa. Alfonso, egun erretiratua, bere betiko etxean bizi da eta, egun batean, garai bateko bizilagun Nandari bisitan joatea erabakitzen du, bera izan baitzen umezurtz geratu zenean nolabait amaren ordezkoa. Nanda orain babes-etxe batean bizi da eta bertan, Luisa izeneko gizarte-laguntzaile bat dago.

Oscar AbadGoiz batean, Alfonso zelaira irteten da marraskiloen bila eta bertan, laino tartean, bizikletan doan mutil gazte batekin egiten du topo. Mutil horrek Martin du izena. Hortik aurrera, mutil gazte horren ametsek kitzikatuta, berehala pizten da adiskidetasun handi bat aitona zaharra eta etorkizuneko txirrindulari gaztearen artean. Alfonso, bere lagunekin batera, talderik eta babeslerik gabe dagoen Martini bizikleta gainean txapeldun handi bat izaten lagunduko dio, eta, hori baino gehiago, pertsona on bat izaten.

Óscar Los Corrales de Buelna herriko 17 urteko gazte bat da eta bere lehenengo esperientzia izan da zine munduan. Bera, Almacenes Lavin-Saunier Duval taldean aritu da aurten junior mailan eta pelikulan parte hartzearena, taldeko zuzendariaren eskutik etorri zen. “Camusek filmerako txirrindulari bat behar zuen eta horretarako kantabriar federaziora deitu zuen, hauek talde guztietako zuzendariei dei egin zien norbait behar zutela esanez. Gure taldean barrez hartu genuen berria eta talde osoa aurkeztuko ginela erabaki genuen”.

Aste batzuen buruan, kastingaren eguna iritsi eta hainbat pertsona aurkeztu zen deialdira, horien artean zen Óscar. “Inoiz ez nuen pentsatu ni hautatuko nindutenik”. Baina handik denbora gutxira, Óscarrek ezustean telefono dei bat jaso zuen. “Ezin nuen sinetsi. Hasieran taldekideek ziria sartzen ari zitzaizkidala pentsatu nuen, baina elkarrizketa aurrera zihoan heinean, egia zela konturatu nintzen”.

Grabazioa hasteko garaia iritsi zen. “Nahiko urduri nengoen, baina beste aktoreek beraien esperientziak kontatu zizkidaten eta baita gauza asko erakutsi ere. Denborarekin nerbioak alde batera utzi eta nire paperean errazago sartzea lortu nuen. Esperientzia ikaragarria izan da niretzat”. Horixe da nire lagunak, kantabriar txirrindulari-aktore gazteak, berarekin hitz egin nuenean esan zidana. Gauzak honela, pelikula zinera noiz iritsiko den zain nago bertara joan eta ikusi ahal izateko.

Comments { 0 }

Mr. Bean bueltan

Mr. BeanMr. Bean bueltan dugu egin berria duen bigarren filmarekin, “Mr. Bean´s Holiday� izena duena. Aktore honen izena, Rowan Atkinson da. Ingalaterran estreinatuko dute gaur bertan eta Espainian, berriz, bihar.

Film honen nondik norakoa gainetik azaltzen saiatuko naiz, ondoren, zuek nahi izanez gero, ikusi ahal izateko. Mr. Beanek egiten duen bidaia batean, ezusteko atsegin bat izaten du: elizak antolaturiko loteriaren lehenengo saria irabazi duela konturatzen da. Saria honetan datza: aste oso bat Frantzian bideo kamara batekin eta Cannes herrian egonaldia Zinemako festibala irauten duen bitartean.

Honela, Parisera joaten da bidetik dena grabatuz bere bideo kamara berriarekin. Cannesera eraman behar duen trenean igo aurretik, bertan dagoen bidaiari bati eskatzen dio ea faborez grabatuko duen nola sartzen den trenera. Baina berak ez dakiena da bidaiari hori, Emil Duchevsky, Errusiako zine zuzendari ospetsua dela eta bera ere Cannesera doala epaimahai bezala. Emil Mr Bean grabatzen hasten da, eta bere paperean murgildurik, tren estazioan gelditzen da trenak bere bidea jarraitzen duen bitartean (…).

Film honek itxura oso ona du. Badirudi barre egiten hasi eta gelditu ezin duzun horietako bat dela. Hori dela eta, aholkatzen dizuet estreinatzen denean ikustera joatea. Nire asmoa, gutxienez, hori da.

Bukatzeko, hemen uzten dizuet pelikularen zati bat. Pasarte hau ez bazaizue nahikoa iruditzen, badakizue zer egin behar duzuen, filma ikustera joan. Ea zuen gustukoa den!

Comments { 3 }
-->