EGA: 2011ko 1. deialdi irekia

Atzo zabaldu zen EGA azterketako 1. deialdi irekirako matrikula egiteko epea; beraz, norbait matrikulatzekoa bada, hementxe du informazio garrantzitsuena:

Agindua:

• AGINDUA, 2010ko azaroaren 18koa, Hezkuntza, Unibertsitate eta Ikerketako sailburuarena, 2010 urteko Euskararen Gaitasun Agiriaren (EGAren) azterketa-eredua finkatzen duena.

Matrikula epeak:

• Lehen deialdia: 2011ko urtarrilaren 10etik 21era, biak barne.
• Bigarren deialdia: uztailaren 4tik 15era, biak barne.

Matrikula egin eta prozesuaren jarraipena egiteko (deialdia, matrikulazioa, onartuak, emaitzak…):

• http://www.hezkuntza.ejgv.euskadi.net/euskara (gune orokorra)
• Matrikula online, zuzenean matrikulazio orrira joateko (batzuetan arazoak ematen ditu)
• Prozesuaren jarraipena

Azterketetarako oharrak:

• Azterketara NA, gidatzeko baimena, pasaportea edo egoitza baimena eraman behar dira. Dokumentaziorik gabe ezin da azterketa egin. Fotokopiek ez dute balio.
• Garaiz iritsi behar da. Azterketa hasita badago, ezin da inor gelara sartu.
• Atariko Probarako lapitza eta borragoma behar dira. Beste azteketetan, boligrafoa.

EGA. Jakingarriak

• Adina? Gutxienez 17 urte eduki behar dira edo 2011an bete.
• Deialdi berean beste erakunderen batean EGArako matrikulatuta egonez gero, ezingo da honetan parte hartu.
• Zenbat azterketa urtean? Urtero bi bider egiten dira EGA agiria lortzeko azterketak. Prentsan iragartzen dira matrikula egiteko deialdiak.
• Notarik gordetzen da? Ez. Suspendituz gero, berriz hasi behar da prozesu osoa.
• Erreklamaziorik egin daiteke? Bai. Kalifikazioak berrikusteko eska dezake azterketariak berak, baita proba idatziaren zuzenketa ikusteko ere, horretarako dauden epeetan.
  • Proba idatzia egin duenari baino ez zaio erakutsiko, esandako egun eta orduan.
  • Ahozko probaren emaitza berriksutea eskatu ahal izateko, azterketariak grabatua izan behar du saioa.
• Aztertzaileak nor dira? Esperientzia handiko euskara irakasleak dira EGAko aztertzaileak, Hezkuntza Sailak izendatuak.
• Bestelako jakingarriak.

Puntuazio taula

• EGA azterketen puntuazio taula berritua

Triptiko informatiboa (egin klik irudiaren gainean, triptikoa ikusteko)

EGA prestatu nahi baduzu:

• EGA euskaljakintza
• EGA prestatzeko Moodle gunea AEK, EHU eta euskaljakintza (bisitari gisa sartu)
• Material praktikoak ikasle eta irakasleentzat, Eusko Jaurlaritza (azterketa ereduak, proba ezberdinen deskribapen teknikoa…)