Mundu galduaren bila

By on 2006(e)ko martxoak 2 in sailkatu gabe

Imajina ezazu Aralarko mendietan zehar ibilaldi bat egiten zabiltzala. Bat-batean, zulo baten inguruan 3 metroko hartz-triku(mihi luzea duten hartz inurri jalea) antzeko espezie berri bat ikusten duzu. Iizuturik, zuhaitz batera igo eta inoiz ikusi ez duzun kanguru antzeko ugaztun batekin aurkitzen zara aurrez aurre, bertatik jaitsi eta hegazti espezie berri bat ikusten duzu, hegorik gabea, eta metro batzuk aurrera eginez, 15 zentimetroko tximeleta bat.

Zuei ez dakit baina niri, behintzat, beste lurralde batean nagoela irudituko litzaidake. Antzeko zerbait gertatu zitzaien duela hilabete Indonesia, Australia eta Estatu Batuetako hamaika zientzialariei Papua Uhartearen mendebaldeko Foja izeneko mendikatearen oihanean (mendikate hau, lurralde tropikalean aurkitzen da, ez Aralar bezala).

Egia da, gaur egun, ezagutzen ez diren milioika espezie aurkitzen dela ur azpian, kontuan harturik ur azpiko %90a inoiz ez dela aztertua izan. Azken hau ulergarria egiten zaigu, baina lur gainean gertatu dena gertatzea nahiko ulertezina da. Ez al gaude XXI. mendean? Ez al gaude informazio zabalduaren mendean? Ez al gaude eremu guztiak kontrolatzen dituen gizarte batean aurrean? Horrelako galderak egiten badizkiogu geure buruari, ez zaigu buruan sartzen Jurassic Parken antzeko uharte bat aurkitzea Indonesiako uharte batean (hiperboleak erabiltzeak imajinazioa suspertzen laguntzen digu).

Biodibertsitate aberastasun izugarria aurkitu da bertan, itsasotik 2200 metroko altuerara aurkitzeaz gain, inoiz gizonik egon ez den lekua da hau eta bertako tribuek leku sakratutzat dute. Mundu berri honetan, 550 landare espezie berri aurkitu ziren, 150 tximeleta eta 60 igel espezie berri eta hauekin batera hainbat ugaztun berri, hegazti berri eta behin galdutzat zeuden zenbait animalia ere aurkitu dira.

Ez al zaizue benetan harrigarria egiten hau XXI. mendean?

Comments { 0 }

Sakeleko telefonoen mundua gero eta harrigarriago!

By on 2006(e)ko martxoak 1 in orokorra

Sakeleko telefonoen sektorea abiadura bizian hazten ari da eta egunetik egunera merkatuan gero eta zerbitzu gehiago eskaintzen dituzten mugikorrak aurki daitezke. Berrikuntza nagusiak, nahiz eta oraindik gutxi batzuek bakarrik eskura ditzaketen, orain hilabete gutxi zientzia-fikziotzat joko genituzke.

Azken aldiko berrikuntza nagusia sakeleko telefonoaren bidez Interneten ibiltzeko banda zabalaren ekarpena da, ordenagailuekin egin ohi den moduan, modu merkean nabigatzea erraza delarik. Honez gain, aukerari probetxua ateratzeko hainbat zerbitzu kaleratu dituzte, hala nola, telebista ikusteko sistemak, alokairuan edo salgai dauden etxebizitzak ikusteko aukera edota kafeak, goxokiak edo tabakoa, makinetan txanponik gabe erostekoak. Gainera, mugikorren artean ezinbestekoa den itxuraren alderdia kontuan hartuta kaleratu dituzte hauek guztiak; tamaina txikiko mugikorrak, potentzia handiagoko antenak…

Makinetan kafea eta tabakoa erosi ahal izango da mugikorraren bidez, hemendik lau edo bost urtera

Bartzelonan egin zen 3GSM kongresuan eman zituzten ezagutzera sakelako telefonoen azken berrikuntzak.

Nokia da nagusi mugikorren merkatuan, atzetik Sony ericson duela

Honen haritik, ordenagailuen ADSL sistemaren antzera, mugikorretan ere nabigatzeak birusak eta antzekoak izateko aukera ematen du, eta jada merkatuan da mugikorrentzako lehen antibirusa.

Horrek gero eta menpekoago egingo gaituela pentsatzen ariko zarete asko eta asko baina zalantza barik ezetz esan zuten Bartzelonako kongresuan. Laguntza handia izango omen dira baliabide hauek guztiak. Nahi duenak modu manualean egin ahal izango baititu ordainketak eta, bestalde, behar duenak edota nahi duenak saleleko telefonoa erabiliz.

Bukatzeko GPSen munduan ere aurrera pausoak eman direla aipatu behar da, orain telefonoaren banda zabalarekin informazio ugariagoa jasotzea errazagoa izango delarik.

Mapa jakinetan, errepideren bat obretan badago jakingo dugu, orain arteko GPSarekin, ordea, ez

Hau guztia esanik, argi ikusten da egunetik egunera gehiago harritzeko moduko berrikuntzak sortu eta martxan jartzen direla eta ziurrenik ez dira mugikorretan ezagutuko ditugun azkeneko adaketak izango.

Comments { 0 }

Oliver eta Benji

By on 2006(e)ko otsailak 28 in orokorra

Kaixo lagunok, aurrekoan Dragoi Bolari buruzko artikuluarekin lortutako arrakastaren ondoren, beste marrazki bizidun mitikoekin natorkizue: OLIBER ETA BENJI. Son Goku miresten nuen bezala eta berarekin sartu ez nintzen bezala, futbolari hauekin, oraingoan, barre pixka bat egingo dugu (nik bai, behintzat:D).

Aurrekoan pentsatzen ari nintzela duda bat sortu zitzaidan: zenbat demontre meittuko dik artista hon zelaiek? Axota eta papera eskuan hartu eta trigonometria egiten hasi nintzen. Lurraren erradioak eta Oliberren (1.70m, japoniarra izaki ez baita oso handia izango) altuera horretatik horizontearen lerroa lau kilometro eta erdira ikusten duela jakin dut. Eta gutxi gorabehera Oliberrek atea zelaiaren hiru laurdenak egin dituenean ikusten duenez, ez da zaila, matematikaz baliatuz, OLIBER ETA BENJI TELESAILEKO ZELAIAK 18KM-KO LUZERA duela konturatzea.

Eta hemen sortu ziren nire buruhauste serioenak: zein abiadura hartzen dute jokalari hauek? 100 kilometro ordukotik gora ala? Japonian ez al dute dopin kontrolik egiten? Orain konturatzen naiz Julian bihotzeko gaixotasunak jota nola geratu zen…

Eta Oliberrek bere areatik txut egin, zelaiak dituen 18 kilometroak segund0 pare batean zeharkatu eta sarea zulatu ondorenean atzeko paretan marka uzten duenean? Baloiaren abiadura, gutxienez (eskerrik asko, Josune, iaz fisika irakasteagatik) 32.400 kilometro orduko abiaduran botatzen du. Ez luke soinuaren abiadura batzutan pasako? (Zenbat mach dira hauek, Jokin?) Eta ez dira, ba, Oliberren hanka, kanoia; eta, baloia, obus bat izango? Nola liteke gizaki batek (Benji kasu honetan) kanoikada hau gelditzea?
Japoniar hauek zein taktika erabiltzen dute? 1-1-1-1-1-1-1-1-1-1a? Jokoz kanpoa nola eskatzen dute, bengala bat airera botaz? Biluzik irteten den ingelesa zelaira irtengo balitz, nola eta noiz geldituko lukete? Zenbat polizia eta sendagile daude zelai batean? Norbait gaixotuz gero, ez al da hiltzeko arriskuan jartzen?
Partiduaren amaieran aldageletara joateko autobusa pasatzen al da jokalarien bila? Nola daki epaileak marrazainek zerbait dioten?

Oliberrek zelai osoa (demagun ordu pare batean) jokalari eta atezainari izkina egin eta gero huts egin ondoren zer egiten du, bere buruaz beste edo olatua? Eta orduerdi lehenago partiduaren amaiera izan dela konturatzen denean? Aldaketak egiteko polizia joaten al da hauen bila edo GPS sistemaz gidatzen dira?
Eta garrantzitsuena, zenbat eserleku daude? Eta ultrak hemen bezala portatzen al dira, edo urrutiegi daude zelaitik? Duda gehiago izanez gero, idatzi bildurrik gabe.

Iñigo ez da nire nahia zure erlijioa (futbola) iraintzea, ez zaitez arabiarrak Mahomaren karikaturekin bezala jarri mesedez!

Comments { 6 }
-->