David Irving historialari eta idazle britainiarrari hiru urteko kartzela zigorra ezarri dio Vienako Auzitegiak.
Irvingnek Alemania naziak gizartearen aurkako egindako krimenak ukatu zituen, hau da, Bigarren Mundu Gerran juduen aurkako holokaustoa ez zela gertatu esan zuen, Auschwitzen gas kamerak ez zirela inoiz egon.
Ondoren, lehen esan bezala, Vienako Auzitegiak epaitu egin zuen. Eta Irvingnek oso hunkituta zegoela esanez, Auschwitzen gas kamerarik ez zegoela esan zuenean oker zegoela aitortu zuen. Baina Peter Liebetreu epailearen iritziz, Irvingnek bere burua erruduntzat jo izanak ez du esan nahi damututa dagoenik.

Honela, hau dena jakin dudanean, informazio pixka bat bilatzea erabaki dut. Benetan zer pasatu zen jakin nahi baldin baduzue, klikatu hemen. Bertan, Richard Rhodesen Amos de la muerte: Los Einsatzgruppen y el origen del holocausto liburuaren inguruko iritzi oso ezberdinak irakur daitezke. Liburu hau, URSSen, Ukranian eta Baltikoetan zentratzen da nagusiki, 1941-1942 urteetan. Bertan, Alemaniak eta honen polizia SSak zituen jarrera xenofoboak aztertzen ditu, besteak beste. Esan behar, guztiz interesgarria iruditu zaidala orrialde horietan idatzi duten pertsonek agertzen dituzten iritzi ezberdinak irakurtzea .

Gaur egun asko eztabaidatzen ari den gaia da hau. Ez hemen bakarrik , baita Europa mailan ere. Marihuana sendatzeko ere erabil al daiteke? Jende askoren iritziz marihuana edo cannabisa droga bat besterik ez da eta beste batzuentzat, berriz, gaixotasun askok eragiten duten mina ezerezteko balio duen sendabelarra.

Hainbat medikuk frogatu duen bezala, cannabisak medikuntzaren arloan milaka erabilpen ditu, adibidez, minbiziak eragiten duen mina gutxitu edota epilepsia sendatzeko erabili ohi da, besteak beste.

1937.urtera arte sendagai legala izan zen Marihuanak medikuntza alorrean, esan bezala, erabilpen ugari izan ditu eta ditu. Garai hartan, 1937an, nerbioetako gaixotasunetarako erabili ohi zen.

Zenbait estatutan cannabisa legalizaturik dago, bai medikuntza arloan bai droga legala bezala. Holandan, adibidez, coffee-shopetan saltzen dute. Espainian oraindik ez da legalizatu eta, gainera, iritzi ezberdinak daude legalizazioaren inguruan. Batzuen iritziz marihuana, droga besterik ez denez, ez da legalizatu behar. Beste batzuen aburuz, aldiz, minbizia eta horrelako gaixotasunak eragiten duten mina arintzeko legalizatu egin beharko litzateke.

Gaur egun, zigortua dago cannabisarekin trafikatzea edo berau kontsumitzea, baina kontuan hartuta bere ahalmen sendatzailea, horrek ba al du zentzurik? Ez al dira konturatzen gaixo dagoen jendea sufritzen ari dela? Bakoitzak ikusiko du zer egiten duen baina, nire uste apalean, kasu hauetan ondo legoke legalizatzea. Zer deritzozue?

Jadanik jakina da uztailean lege berria martxan jarriko dela, puntuen bidezko gidabaimena. Lege hau, aspaldidanik martxan dago europar estatu batzuetan: Frantzian, Alemanian, Britainia Handian eta Italian, hain zuzen ere.

Lege hau aurrera ateratzean, bost urtetan, %40 jaitsiko direla istripuak uste du gobernuak, horrela gertatu baita beste europar estatutan eta horrekin batera urtero izaten diren ehunka hildakoak gutxitu. Estatu mailan 5400 hildako izaten dira urtero, beste edozein estatutan baino gehiago.

Gidabaimen berri honek ez du aurreko legea aldatuko. Lehen jarrita zegoen araudia mantendu egingo da eta orain puntuak ere kendu egingo dira.

Hasiera batean, gidariak hamabi puntu izango ditu eta hiru urte baino gutxiagokoak, aldiz ,zortzi besterik ez. Aurretik puntu guztiak galdu dituenak ere zortzi puntu izango ditu. Puntuak sei, lau, hiru, edo binaka galdu daitezke eta isuna 600 €ra irits daiteke oso larria bada. Puntu horiek berreskuratzeko, guztiak galdu ondoren, hamabi orduko ikastaro bat egin behar da eta bertan lau puntu ematen dituzte. Halaber, puntu guztiak berreskuratzen dira hiru urtetan arau guztiak betetzen badituzu eta sei urte ondoren hiru gehiago lor ditzakezu eta hamabost puntu izan.

Sei puntu galdu: (zigorrik handiena)

. Positibo ematen baduzu kontrol batean eta 0,75 mg/lko muga gainditzen baduzu.
. Drogatuta gidatzeagatik
. Alkoholemia kontrola egin nahi ez izateagatik
. Ondorengo abiaduren gainetik gidatzeagatik: 181km/h autopistan, 136km/h errepidean eta 81km/h hiri barruan.

Lau puntu galdu:

. Alkoholemia tasa 0,25 tik 0,75 mg/l -ra bada
. Gelditu edo pasatzen utzi seinaleak errespetatzen ez badira
. Zebrabideak ez errespetatzeagatik

Hiru puntu galdu:

. Telefono mugikorrarekin hitz egiteagatik,
. Argiak ez pizteagatik,
. Geratze arriskutsuak egiteagatik.

Bi puntu galdu:

. Segurtasun-uhalik gabe gidatzeagatik,
. Aurreratze arriskutsu bat egiteagatik,
. Umeen segurtasun bereziak ez erabiltzeagatik.

Puntu galerei buruz gehiago jakin nahi baduzu, klikatu hemen.
Halaber, DGTaren web orrian gauza ugari topatuko duzu gai honen inguruan.