Gaur egun gero eta etorkin gehiago dago Euskal Herrian. Etorkin hauek herrialde ezberdinetatik datoz, esate baterako, Afrika iparraldetik eta Hego Amerikatik. Herri hauek oso txiroak dira eta, horregatik, emigrazio tasa oso altua da. Bertako jendea bizi baldintza makurretan bizi denez, beste bide bat hartzea erabakitzen dute, kasu honetan, herrialde garatuetarako bidea. Hala ere, inmigranteek euren herrialdeetan zuten bizimodua aldatzea ia ezinezkoa da eta lehen zuten rol bera edo okerragoa izaten jarraitzen dute helmugako herrietan.
Etorkinek immigratutako herrialdeari aberastasun ugari ematen diote, adibidez, kultur eta ohitura ezberdinen aberastasuna. Horregatik, herrialde garatu nahiz garatu gabeetan, etorkinen presentzia beharrezkoa dela iruditzen zait, eta hori herrialde baten hazkundearen edo gorakadaren seinale da.
Baina, kasu gehienetan, etorkin hauek mesedea ekarri beharrean, oztopoa besterik ez dute sortzen. Horren lekuko immigranteen arteko istiluak dira. Hauek maiz gertatzen dira euskal lurralde guztietan eta arrazoi ugari egon badaitezke ere, ohikoena droga izaten da. Immigranteek gure herrialdean lan arriskutsuak egiten dituzte eta ohikoena soldata baxua izatea da.
Bestalde, droga-trafikatzaile nagusienak marokoarrak izaten dira. Hori dela eta, droga munduan murgiltzean, istilu eta borroka ugari gertatzen dira bai etorkinen artean, eta batzuetan, baita bertako biztale eta etorkinen artean ere. Hori ekiditeko, arrazismo jarrera hori desagerrarazi beharko genuke, errespetu osoz jokatu eta ez beraien gainetik egongo bagina bezala.
Laburbilduz, Euskal Herrian etorkinek duten presentzia oso garrantzitsua da; izan ere, ekarpen ugari egin dituzte. Horrela, errespetuz jokatu beharko genuke haien aurrean eta arrazismo oro baztertu. Gainera, gizarteak ez luke beraien ahulezia aprobetxatu behar lan baztertuak emanez, soldata baxua eskainiz… Hala ere, gurera etortzen direnean, gure kulturako ezaugarriak errespetatu eta, adibidez, euskara ikasten saiatu beharko lirateke.
Iruzkin berriak