Gezur-detektagailua, telebistaren azken lilura!

By on 2007(e)ko urtarrilak 24 in orokorra

Azkenaldi honetan, poligrafo eta gezur-detektagailu hitzak asko entzuten ari dira prentsa arrosako telebista saioetan. Poligrafoa pertsonaren zenbait parametro fisiologikoren aldaketak paperean edo pantailan erregistratzen dituen aparatua da. Makina honek pantaila batean erregistratzen ditu tentsioan, arnasan edo izerdian izandako aldaketak, baita emozio indizeak ere.

Poligrafoa erabiltzeko galdera-sorta bat prestatzen da eta elkarrizketa guztia filmatu egiten da. Testa bukatu eta gero, datuak analizatu eta emaitzak interesatuari jakinarazten zaizkio. Testa hasi baino lehen, galderak irakurri eta azaldu egiten dira eta ez da egoten galdera tranparik.

Konpetentzia handia sortu da kate desberdinetan poligrafoa erabiltzeko orduan, eta gero eta gehiago dira gezur-detektagailua famatuen erantzunak egia edo gezurra diren jakiteko erabiltzen dutenak. Dena den, poligrafoa ez da telebista saioetan bakarrik erabiltzen, psikologoek eta psikiatrek ere erabiltzen dute beraien ikerketetan

Makina honen erabilera gero eta handiagoa da; beraz, ez larritu noizbait honelako egoeraren batean suertatzen bazara. Hemendik gutxira batek daki zertarako erabiliko den!

Amaitzeko, esan beharra dago poligrafoak hamaika eztabaida piztu duela Antena3 edo Tele5ko ikusleen artean. Programa batean, esaterako, emakume bat azaldu zen esanez sexu harremanak izan zituela Zapatero presidentearekin. Erlazio hauek, emakumearen hitzetan, 2001. urtean gertatu ziren Leonen mitin baten ondoren eta Cuatroko aurkezle batek ere parte hartu omen zuen orgia horretan. Gauzak horrela, emakume honek 24.000 € jasoko ditu poligrafoaren aurrean esertzeagatik. Poligrafoa zer da, bada, gezur-detektagailu edo negozio hutsa?

Comments { 1 }

Lisboa-Dakar

By on 2007(e)ko urtarrilak 23 in kirola

cyrillOrain dela egun gutxi, amaitu zen 2007ko Lisboa-Dakar rally ospetsua. Urtero bezala, irudi eta sentsazio asko utzi ditu partaideen artean. Aurten, Lisboan hasi da eta pilotu guztiak familiarekin mahatsak jan dituzten lehenengo urtea izan da.; izan ere, ohikoa zen urtarrilaren 1ean abiada eman beharrean, aurten sei egun beranduago hasi baita, urtarrilaren 6an, alegia.

Norgehiagoketan zehar eroriko asko izan dira eta, horien artean, bi hildako, beraien motorretatik erori ondoren. Partaide guztiak jakinaren gainean daude munduko rallyrik arriskutsuenean daudela, beraz, zein arriskuri aurre egin beharko dien inork baino hobeto dakite. Lasterketara bueltatuz, aipatu beharra dago Cyril Despres-ek motorretan irabazi izana. Helmugara iritsi zenean, normala den moduan, arras kontent zegoen eta prakak jaitsi eta bere galtzontziloak erakutsi zituen. Eta hara non, ikurrina zuen bertan irudian ikus daitekeen bezala!

Autoetan, aldiz, Peter Hansel izan da lehenengoa helmuga zeharkatzen. Pilotu beteranoa da eta hori baliatu zuen bere aurkari guztiak atzean uzteko; hala ere, ezin dugu ahaztu Carlos Sainzek eginikoa, egun txar bat izan zuen eta ordu asko galdu zituen, baina etapa horretan helmugara iristea lortu eta denera bost etapa irabazi zituen.

Amaitzeko, txalotzekoa da karrera honek bertan egiten duen lana; izan ere, zeharkatzen dituen herri guztietan nola botikak hala janaria uzten, baitituzte, sekulako laguntza emanik bertako biztanle guztiei. Beraz, hemendik txalo handi bat ekimen horregatik. Aurtengo irudi batzuk uzten dizkizuet proba gogor honetaz pixka bat goza dezazuen

Comments { 2 }

House T3

By on 2007(e)ko urtarrilak 22 in orokorra

Ez dira hiru urte telesaila egin zutenetik, baina, telebistan hasi bezain laster, sekulako ospea lortu zuen. Egia esan ez da harritzekoa: zenbat telesailetan azaltzen da medikuntzako benetako izarra den kabroi manipulatzailerik? Benetako haustura suposatu du lehendik zeuden Hospital Central edo Urgencias gisako telesailekin alderatuz, dirudienez lortu duen arrakastaren kausa.

Gregory House (Hugh Laurie) nefrologian espezializatutako medikua da. Priceton-Plainsboro-ko ospitalean egiten du lan eta diagnostiko-saileko burua da. Bere agindupean dagoen taldea Eric Foreman (Omar Epps), Allison Cameron (Jennifer Morrison) eta Robert Chase (Jesse Spencer) medikuek osatzen dute.

Hauez gain, ospitaleko beste bi medikurekin ditu harremanak: Lisa Cuddy (Lisa Edelstein) bere nagusia eta James Wilson (Robert Sean Leonard) onkologoa, bere lagun bakarra.

Housek, ondorioztatzeko ahalmen ikaragarriaz gain, gaixoen nortasunean oinarrituta diagnostikoa igartzeko dohaina du. Horregatik da ospitaleko medikurik onena. Baina, jenio txarrak, gaixoekiko erruki faltak eta arauak sarritan hausteak jendearen diskriminazioa eragiten du beragan.

Iraganean, Stacy Warner abokatuarekin ezkonduta zegoen. Hala ere, muskulu-infartu batek sortutako nekrosi bat izan zuenean, hanka ez ebakitzearren, Housek beste sendabide bat jasotzea erabaki zuen. Sendagai hau benetan mingarria zenez, koma terapeutiko bat eskatu zuen. Baina behin koman zegoela, sendabideak funtzionatuko ez zuen beldurrez, Stacyk erdibideko tratamendua jarraitzea aukeratu zuen: hankako giharra kentzea. Ondorioz, House herren gelditu zen. Dena dela, bigarren denboraldi amaieran jasotako sendabide berri batekin, gelditzen zitzaion giharra birgaitzea lortuko du.

Jada, hirugarren denboraldia gaztelaniaz iritsi da telebistara. Cuatron astearteetan 10:00etan ikus daiteke eta FOXen, astearteetan 10:20an.

Informazio gehiago nahi izanez gero, aurreko denboraldietako kapituluen laburpena, esaterako, bisitatu Cuatro edo FOXen orrialdeak.

Comments { 6 }
-->