Lehenik eta behin esan beharra daukat, ez dudala edozein Seat Leon hautatu, 140 zaldiko indarra duen diesela baizik. Diesel motoreetan handiena izango da oraingoz, eta 205km/h-ko abiadura har dezake.
Auto berritzaile hau egin ahal izateko, Seat Sport eta Volkswagen taldeko kideak bildu dira, eta elkartze honen emaitza honako hau izan da: prezio egokiko kalitatezko autoa.
Espainiar etxeko auto berria, lehenago merkaturatua izan zen Alteatik eratorria da eta hori dela eta hantz oso handia dute. Baina Leon berak ere badu bere izaera, aurrealdeko parrila edota atzeko ateak irekitzeko heldulekuak esaterako, berarentzako espreski diseinatuak dira. Alteak ez bezala, Leon berriaren haizetakoak agerian geratzen dira.
Auto hau modelo zaharra baino handiagoa da, 13,2 zm luzeran eta ia hiru zabaleran, eta neurri berri hauen ondorioz, maletategiak 341 litroko bolumena du (ez dago batere gaizki honelako auto batentzat).Seat Leonaren barrualdea ere ondo ekipaturik dago eta gidatzeko oso erosoa omen da ibili direnen iritziz.
Hau dena esanik, bere balioa ez dela izugarria esan dezakegu. 140 zaldiko Seat León TDI berria, 19.970€tik aurrera saltzen da eta León autorik merkeena, berriz, 16.290€etan. Ahaztu gabe, esan beharrean nago, Seat León berria lau amaitu ezberdinetan kaleratu dutela eta bere balioa aldatu egin daitekeela.
No comments yet.