Archive | 2006

Evo Moralesek hidrokarburoak nazionalizatu ditu

Evo Morales Boliviako lehendakaria manifestazio batean.Boliviako lehendakaria den Evo Moralesek hidrokarburoak nazionalizatzeko erabakia hartu du hauteskundeetan eman zuen hitza betez. Dekretu honen bidez, hidrokarburo guztiak Boliviako Estatuaren kontrolpean gelditzen dira.

80. hamarkadatik aurrera AEBek inposatutako politika neoliberalaren erruz, Boliviako biztanleriaren % 80a pobrezian bizi da, eta honek Hego Ameriketako estaturik txiroena bilakatzen du. Boliviako Barne-Produktu Gordina (BPG) 2,460 dolarrekoa da, mundu osoko 18. baxuena. Populazioaren % 14,4a eguneko dolar bat baino gutxiagorekin bizi da, eta % 34,4a eguneko bi dolarrekin. %20a, berriz, estatu “aurreratuetako” biztanleen antzera bizi da. Hala ere, eta gezurra badirudi ere, Bolivia lurralde oso aberatsa da baliabide naturalei dagokienean; izan ere, Hego Amerikako gas erreserba handienak ditu Venezuelaren atzetik, 53 mila milioi metro kubikorekin, eta BPGko % 10a susposatzen du. Desberdintasun sozial hain nabarmen honek krisi larria eragin du.

Hidrokarburoak nazionalizatzearen erabaki honekin gasaren negozioa kanpoko enpresen esku utzi ordez, estatuan bertan gelditzea nahi da, eta boliviarrak beraien lurraldeko aberastasunaz baliatzea. Erabaki hau ideia honekin hartu dute, ikusiko dugu esandakoa betetzen duten. Bolivian lan egiten duten enpresa atzerritarrek ekoiztutakoa Yacimientos Petrolíferos Fiscales Bolivianos (YPFB) enpresa publikoari eman beharko diote eta 180 egun baino lehen egoera berrira egokitu beharko dira Bolivian lan egiten jarraitu nahi badute.

Bolivian gasaren negozioan parte hartzen duten enpresen artean Repsol YPF espainiarra dago eta oso larrituta daude egoeraren aurrean, izan ere, Bolivia Repsol YPFren ekoizpenaren % 11 da, erreserben % 18a gutxi gorabehera eta benefizio totalaren % 2,5a. Hauxe da enpresako presidenteak, Antonio Brufauk esandakoa:

Albisteak kezkaturik eta haserre utzi gaitu, estatu eta enpresen artean egon behar duen enpresa politikatik kanpo dagoen afera baita.
Evo Moralesen adierazpenak oso gogorrak eta zentzugabeak izan dira Bolivian gogo handiz lan egiten dugun enpresontzat.

Evo Morales Jose Luis Rodriguez Zapaterorekin izandako bileranEspainiako Gobernu sozialista, beti bezala herritarren arazoak konpondu nahian, oso kezkatuta agertu da hidrokarburoak nazionalizatzeko erabakiarekin. Gobernuak adierazi duenez, elkarrizketa eta negoziazioak mantenduko dituzte enpresa espainiarren interesen alde, eta neurriak aurrera jarraituz gero, bi estatuen arteko harremanetan ondorioak izango dituela garbi utzi du. Hauxe da Atzerri Gaietarako Ministerioak esandakoa:

Gobernu espainiarrak oso gertutik jarraitzen du egoera, eta Boliviarekin harreman estuak dituzten herrialdeekin negoziazioak mantenduko ditu bi alderdientzako onuragarria den konponbide batera iritsi arte.

Comments { 2 }

NIRE ARTIKULUAK IKTeroetan)

http://ikteroak.blogsome.com/2005/07/11/149/
http://ikteroak.blogsome.com/2005/08/06/euskal-blogosfera-sustatzen-irunean-ikastaroa/
http://ikteroak.blogsome.com/2005/08/30/php-webquest-euskaraz/
http://ikteroak.blogsome.com/2005/09/07/informatika-programak-euskarara-itzultzeko-eskaintza/
http://ikteroak.blogsome.com/2005/09/23/writely-elkarlanaren-filosofiaren-eredu-garbia/

http://ikteroak.blogsome.com/2005/12/05/gure-proiektuen-berri-elkarlanean-oinarritutako-bidalketa-bateaniii/

http://ikteroak.blogsome.com/2006/01/16/webquestions-20-euskaratuta/
http://ikteroak.blogsome.com/2006/02/07/writely/
http://ikteroak.blogsome.com/2006/02/12/letra-zopak-on-line/

http://ikteroak.blogsome.com/2006/03/09/aukera-anitzeko-galdeketak-sortu-nahi/

http://ikteroak.blogsome.com/2006/03/19/esamoldeak/

http://ikteroak.blogsome.com/2006/03/26/lankidetza-azken-muturrera-eramanda/

http://ikteroak.blogsome.com/2006/04/12/sinonimoak-lantzeko-ariketak-sarean/

http://ikteroak.blogsome.com/2006/04/27/ikteroak-huhezin/

http://ikteroak.blogsome.com/2006/05/23/sinonimoak-lantzeko-ariketak-sarean-ii/

Comments { 0 }

Distribuzio alternatiboa

Lehengo batean, Anarirekin egon nintzen hitz egiten gaur egungo musika taldeek beraien diskoak editatu eta zabaltzeko duten aukerez. Eta Aste Santuko oporren ondoren, korridorean ikusi nuenean, disketxe berri baten berri eman zidan MusikHerria izena duena.
Honela, agian, ezagutzen ez duzuen beste distribuzio mota bati buruz hitz egingo dizuet eta aipatutako disketxeaz ere mintzatuko naiz.

Jende askok ez du ezagutzen zer den distribuzio alternatiboa, edo beste era batean esanda, ez komertziala. Horregatik, aukera aparta iruditu zait MusikHerria abiapuntutzat hartuz, hau azaltzea, nahiz eta hauek bezala, talde asko ibiltzen diren duela urte askotatik musika era autogestionatuan banatzen.

Hasteko, esan behar dudana zera da, MusikHerriako partaideak ez dira disketxe bat kontsideratzen nahiz eta nik horrela deitu. Honela, edozein talde kulturalaren antzera, beraien filosofia dute, eta hau mugimendu ez komertzialarekin bat etortzen da. Kulturaren barneko jabego intelektualaren merkatuaren aurka azaltzen dira, hau da, merkatua ideien gainetik dagoen erakundeen aurka azaltzen dira, besteak beste, SGAE, SESAN eta gisakoekin parte hartzen dutenak, hauek gutxi batzuen mesedetan kultura pribatizatzen dutela esanez.

MusikHerriak musika zabaldu nahi duela dio eta jabegoa ulertzeko beste eredu bat sustatu, honen erdigunean musikariak egonda. Garbi dago, ez direla lehenengoak musikaren autokudeaketan ibili direnak, baina beraiek esaten duten bezala “beste saiakera bat gara”.

Musikaren mundu zabalaren barnean sartzen bagara, merkatu komertzial oso zabala aurkitzen dugu, eta horregatik, merkatu honen gainean daudenak oso konpentitiboak izan beharra dute beraien komertzioa aurrera atera ahal izateko. Hau honela izanik, ikuspuntu kulturala ezabatzen dela pentsa daiteke, kulturaren eta musikaren eszenatoki zabala ikusi beharrean, ikuspuntu ekonomikoa ikustea soilik baitute helburu.

Honen aurrean, MusikHerria bezalako erakundeak jarrera ezberdinak hartzen dituzte musikaren zabalpenaren mesedetan. Hauen ustez, musika herri kulturaren adierazpena da, eta hau honela izanik, musikaren esentzia oso merkea dela diote (aspektu ekonomikoa begiratuz), beraien lana, herriaren ahotik jaso dutena debalde izanik, herriaren belarrietara debalde iristea dela diote. Honela, disketxe komertzialek egiten dutena alde batera utziz, ez dute inolako etekin ekonomikorik ateratzen eta bertan sarturik dauden 70 taldeek erabakiak sozializatuz eta aurrera eramanez, musika taldeen alternatiba bezala azaltzen eta jarduten dute. Hauen lanek copyleft lizentzia dute, hau da, kopiatu eta banatzeko eskubidea dago baina etekin ekonomikorik ateratzeko asmorik gabe. Beraiek banatutako diskoak 3-4 eurotan salduko dituztela diote, beraien pentsakerarekin kontsekuenteak izanez, eta, lehen esan bezala, modu librean eta autogestionatuan jende gazteari aukera eman ahal izateko helburuarekin jardungo dutela ziurtatu dute.

Hau dena esan ondoren, amaitu dudala pentsatzen dut. Baina distribuzio alternatiboaz zerbait gehiago jakin nahi baduzue, klikatu ezazue hemen eta era zabalago batean azalduta agertuko zaizue.

Comments { 2 }
-->