Gaur egun komunikabide guztietan berdina entzuten dugu: gizentasuna, alde batetik eta anorexia edo bulimia, bestetik. Telebista piztu eta zer nolako iragarkiak ikusten ditugu? Flora gaileta integralak, coca-cola light, %0ko jogurtak, eta abar. Baina nork sinesten du hau guztia osotasunean? Nik, behintzat, ez. Dena gizartean jarri den moda itxurako bat iruditzen zait, eta horrela etortzen dira ondoren arazoak, batzuk gehiegikeriagatik eta beste batzuk ez dutelako ezer jaten. Baina goazen gaia atalez atal aztertzera.

Orain dela gutxi gaueko albistegi batean ikusi nuen munduko umerik lodiena, urtebete baino ez eta 25 kg pisatzen dituena. Hau ikusi eta interneten informazio bila jarri nintzen berehala.

Mateus Souza Araújo Brasilen bizi da. 15 hilabete baino ez ditu eta, aurretik esan bezala, 25 kg pisatzen ditu, bere adinekoen batez bestekoaren bikoitza. Hasiera batean, ume normal bat zirudien baina jaio eta hiru hilabetera mutikoak 10 kg pisatzen zituen. Gurasoek zifra ikaragarri hauek ikustean, mediku talde batengana eraman zuten, baina hauek oraindik ez dakite zer izan daitekeen.

Gurasoek beraien semetxoari dieta orekatu bat ematen diotela diote, baina batzuek bere ardurapean jartzen dute ume honen osasuna. Amaren hitzek diotenez, umea hiru hilabetetan loditu zuena ikusi zutenean, nutrizionista batera eraman zuten baina arazoari eutsi eta gaztetxoak hilabetean 1,5 Kg gehiago hartzen jarraitu zuen.

Orain, izenik eman ez duen enpresari bati esker, Mateus Souza Araújori tratamendu bat ezarri diote. Gizon honek diru kantitate bat eman du horretarako.

Edonola ere, kasu honen kontrakoak milaka daude, anorexia eta bulimia arazoak egunez egun bizitzen dituztenak. Horregatik, ondo pentsatu beharko genuke zer bizitzen ari diren batzuk gauzak esaterakoan. Nire uste apalean, hau baita lodia egotea eta bestelako txorakeriak alde batera utzi behar dira. Elikagai osasungarriak jan bai, baina ez gehiegi eta ez gutxiegi, neurrian. Eta heldutasun pixka bat eman geure buruari gerta ez dadin ez aurretik kontatutakoa, ezta hemen klikatuz ikusiko duzuena ere. Gure gorputzarekin konformatzen ikasi beharko genuke.

Piercingak gaur egun denok ezagutzen ditugun gorputzeko edota aurpegiko zuloak dira. Zulo horietan belarritako bat jartzen da, hain zuzen ere. Zulo hauek egiteko, normalean profesional batengana joaten gara eta bertan non egin, zer motatako belarritakoa jarri, eta abar erabakitzen dugu. Zuloak orratz batez egiten dira. Lehenik, zonaldea spray batez hoztuko digute eta, ondoren, orratza sartu, zuloa egin eta, bukatzeko, aukeratutako belarritakoa jarri.

Materialak mota askotakoak dira: titanio, platino, niobio, altzairu kirurgikoa… Adituek, dena den, titaniozkoak aholkatzen dituzte ondorengo ezaugarri hauengatik:

• Pisu gutxiago dute eta, gainera, istripuren bat edo golpe bat emanez gero, zailtasun gehiagoz kenduko dira.

• Sendatze azkarragoa dute eta garbiagoak izan ohi dira.

• Jada sendatuta dagoenean, eta belarritakoa aldatu nahi dugunean, kolore aukera handiagoa dago.

• Ez dauka elementu toxikorik.

Gaur egun, jendeak zulo hauek edozein tokitan egiten ditu. Dena den, ondorengoak dira ohikoenak:

Aurpegikoak:

• Normalean, sudurrean, bekainetan, belarrietan eta ezpainetan ipintzen dira. Aurpegian daudenak egunean bi aldiz garbitzea komeni da.

Gorputzean zeharrekoak:

• Normalean, zilborrekoa eta titipuntakoak izaten dira. Hala ere, bai gorputzean, bai aurpegian, eta abarrean egiterakoan, jendeak bere toki propioak asmatzen ditu (eskuetan, besoetan…. ).

Baina goazen harira. Gorputzekoak 6-8 astez egunean bizpahiru aldiz garbitu beharko ditugu ondo sendatu ahal izateko. Aho barrukoak, mingainekoak, mingain azpian egiten direnak… oso arriskutsuak izaten dira, erretzean, bazkaltzean, eta abar asko zikintzen direlako. Honen soluzioa bazkaldu edo erre ondoren, belarritako ingurua ondo garbitzea izango da. Bestalde, aho barruko piercingak nahiko erraz orbaintzen dira, listu-guruinak direla eta. 8 astetan zehar bizpahiru aldiz egunean garbitu behar dira eta, batez ere, emandako arauak ondo jarraitu (belarritakoarekin ez jolastu, ez erre…)

Sexu-organoetan ere egiten dituzte, baina hauek infektatzeko arrisku berezia dutenez, higiene aldetik oso ondo zaindu behar dira. Garrantzitsuena harreman sexualak ekiditea izango da zonaldea zerbait hobeto eduki arte. Bestalde, hauek orbaintzeko denbora pila igaro behar da adituek diotenez, 9 hilabetetik 2 urtera, bakoitzaren azalaren arabera.

Piercingak gaur egun asko eramaten dira. Gure lurraldean apaingarri gisa erabiltzen dira baina badira tribu batzuk tradizioz belarritako hauek aurpegi osotik jartzen dituztenak argazkian ikusi ahal duzuen bezala. A ZE HOZKIA!!!!! Zerbait gehiago jakin nahi baduzue, argazkiak ikusi… hemen klikatu!!!

Denok ezagutzen ditugu Zara, Stradivarius, Bershka, Massimo Dutti, Pull & Bear… Noiz eta non sortu ziren baina?

Inditex taldea, Zara dendarekin hasi zen lanean. 1975. urtean, A Coruñan ireki zen lehenengo denda eta, antza denez, bertan kokatzen da taldearen egoitza nagusia. 1976an, GOASAM elkarteak Zara denden nagusitasuna hartu eta Espainian denda gehiago ireki zituen. Beranduago, 1985ean, Inditex, enpresa hauen guztien buru geratu zen.

Espainiatik kanpo ireki zen lehenengo Zara denda Portugalen izan zen, Oporto hirian, 1988ko abenduaren 1ean, hain zuzen ere. Irekitze honen ondoren, geografikoki gehiago zabaltzea erabaki eta denda honen saltokiak jarri ziren Frantzian ( Paris,1990) eta AEBn (New York, 1989).

1991n, Pull&Bear kate berria sortu eta Massimo Dutti taldearen %65a erosi zuen Inditexek. 1992-1994 urteen tartean, beste hainbat lekutan ireki ziren denda berriak, Mexiko, Grezia, Belgika eta Suedian, besteak beste, gero eta handiagoa bihurtuz enpresa hau.

1995ean, Massimo Dutti osoa eskuratu zuen, 1997ra arte aipatutako enpresak dendak ireki zituen munduko toki desberdinetan eta 1998an Bershka denda katea bereganatu eta hainbat estatutan dendak ipini zituzten. Urtebete beranduago, Stradivarius katea ere Inditexen zerrendara batu zen, beste guztiak bezala, salmentarako lokalak herrialde desberdinetan jarriz.

Sormenak, berrikuntzak, zalutasunak eta, era berean, merkatuak eskatutakoari erantzuteko izandako erraztasunak egin du Inditex enpresa handi eta garrantzitsu, gazte gehiengo eta heldu askoren erosketak bere dendetara eramanez. Zergatik, bada, hori? Denda hauek guztiak edozein tokitan aurkitzeaz gain, saltzen diren artikuluak eskuragarriak direlako.

Bukatzeko, aipatzekoa da Zarak 990 denda dituela 63 estatu desberdinetan gaur egun; Massimo Duttik, 398 denda 29 estatutan; Bershkak, 24estatutan, 433; Stradivariusek, 19 estatutan, 302 eta Pull&Bearrek, 455 denda 27estatutan. Edonola ere, arropa denda soilik ez direnak ere badituela esan beharra dago, hala nola, Oysho, Zara Home eta Kiddy´s Class.

Denda bakoitzaren izenaren gainean sakatuz gero, bakoitzean zer arropa mota saltzen duten ikusi ahal izango duzue.