About silvia

Author Archive | silvia

Abuztuaren 15eko bazkalondoa – JOXE AUSTIN ARRIETA

ArrietaJoxe Austin Arrieta Donostian jaio zen 1949. urtean. Filosofia eta Letretan lizentziatua (Filologia Erromanikoan), gaur egun, Gipuzkoako Kutxa bankuan itzultzaile gisa lan egiten du. Euskara-irakasle izan da hainbat urtez, EUTGko Hizkuntz Eskolan eta Filosofia Fakultatean, hain zuzen. Euskalgintzako beste hainbat alorretan ere ibilia da, UZEIrekin eta UEUrekin ere egina baititu zenbait lankidetza. Kargu politikoak hartu izan ditu kulturaren eta euskararen alorrean.

Poesia eta narratiba landu ditu gehienbat. Bidaia-Termitosti (Ustela, 1978) ipuin-bildumak zabaldu zizkion Joxe Austin Arrietari literaturaren ateak, baina jarraian etorri zen lanak, Abuztuaren 15eko bazkalondoa (GAK, 1979; Elkar, 1985) nobelak, egin zuen zinez ezagun. Hurrengo lanarekin, Manu militari (Elkar, 1987), teknikari begira urrats bat aurrera egin zuen Arrietak. Honen ostean, Labur aroz (Txalaparta, 1997) narrazio bilduma argitaratu zuen egileak. Genero narratiboan ez ezik poesian ere lan paregabea egina du. Denbora tarte txikian lau poemategi kaleratu zituen Arrietak: Arrotzarena-Neurtitz neurgabeak (GAK, 1983), Bertso-paper printzatuak (Elkar, 1986), Mintzoen mintzak (Elkar, 1989) eta Graffitien ganbara (Kutxa Fundazioa, 1996). Isilune baten ostean, Orbaibar (Kutxa Fundazioa) argitaratu zuen, 2003an. Itzulpengintzan ere lan handia egin du. Bereak ditugu Marguerite Yourcenar-en Hadrianoren oroitzapenak (Elkar, 1985), William Goldwing-en Eulien ugazaba (Elkar, 1991), Jaume Fauster-en Beirazko giltzak (Elkar, 1997) eta Max Frisch-en Homo Faber (Elkar) liburuen euskarazko itzulpena, besteak beste. Eulien ugazaba lanaren euskarapenagatik Euskadi saria jaso zuen egileak 1993an. Informazio gehiagorako egin klik hemen eta hemen.

AzalaNik irakurri dudan liburuan, Arrietak abuztuaren 15eko bazkalondoan protagonista den nerabeak eta bere familiak izandako solasaldia kontatzen digu. Elkarrizketa honetan aitak aitzinean bizi izandako esperientziak kontatzen ditu. Hauetako batzuk hunkigarriak dira, Gernika bonbardatu zuteneko egunean bizi izan zuena edo Bartzelonan bere lagun guztiak hil zituztenekoa, adibidez. Baina, amaren laguntzaz, momentu alaiak edo hain dramatikoak ez direnak ere azalduko ditu. Esate baterako, bere alabaren -protagonistaren neba- ezkontzan gertatutakoa edo Gernikako gorabeheren ondoren familiarekin topatzean hartu zuen poza.

Hala ere, mahaian bilduta direla, gaztea bere oroitzapenen gainean gogoeta egiten hasiko da eta pentsamendu hauek izango dira nagusi liburuan. Apaizekin izandako liskarrak, lagunekin bizitako gertaerak, Konstituzio plazan ospatutako dantzaldiak, bere aitonarekin igarotako momentuak, Luzero zaldiarekin bizitakoak, Marisa izeneko neskarekin izandako erlazioa… Beraz maitasuna, tristura, negarrak, parrak… izango dira elementu nagusiak liburu honetan.

Kontakizun hauek guztia, abuztuaren 15eko bazkalondoan trago batzuk hartzen dituzten bitartean kontatu edo gogoratutakoak, iraganetik orainaldira doaz. Horrela, liburuaren azken kapituluetan, ordura arte inongo esanahirik gabe jaurtiak ziruditen esaldiek zentzua hartzen dute eta hauetako asko elkarrekin lotzen dira.

Liburua ez zait asko gustatu. Nire ustez, liburu bat irakurri ondoren, zerbait ikasi duzulako sentsazioa eduki behar duzu, edo minutu batzuez irakurri duzunaz pentsatzera bultzatu behar zaitu edo pasarteren batean, behinik behin, zirrararen bat sentiarazi behar dizu. Nire kasuan ez da horrelako ezer gertatu.Abuztuaren 15eko bazkalondoa irakurri dudanean, ez dut emoziorik sentitu, garrantzirik gabeko kontutxoak iruditu zaizkit gehienak eta, irakurketa amaitu dudanean, axolagabe utzi nau. Hala ere, irakurtzea gomendatzen dizuet. Izan ere, nire kasuan, behintzat, horrelako liburu bat irakurri ondoren atsegin duzun beste bat irakurtzen duzunean, askoz ere gehiago gozatzen baituzu.

Comments { 0 }

1 Formula berriro abian

GP AustraliaAutomobilismoaren zale amorratuak pozik egon daitezke, denboraldi berria hasi da eta. Aurtengoan aldaketa ugari aurkezten dira. Pilotuei dagokienez, Fernando Alonsok Renault utzi du McLaren taldera joateko; Kimi Raikkonen finlandiarrak, berriz, Mclaren alde batera utzi eta Michael Schumacherren postua ordezkatzen saiatuko da Ferrarin . Renaulten Flavio Briatorek pilotu hasiberrien alde egin du berriro, Heikki Kovalainen finlandiar gaztea taldeko gidari nagusi izendatuz.

Arautegiari dagokionez, aldaketa garrantzitsuenak honako hauek dira. Batetik, pneumatikoen hornitzaile bakarra egongo da (Bridgestone); eta bestetik, ez da motorrak garatzeko aukera izango (eraldaketa minimo batzuk besterik ez dira onartuko).

Berezitasun hauek alde batera utzita, lehenengo saria Australian ospatu zen joan den igandean, martxoak 18. Kimi Raikkonen lasterketa osoan zehar nagusi izan zen. Polea eskuratzeaz gain, bira azkarra lortu zuen eta ez zuen akatsik egin. Bitartean, Lewis Hamiltonek irteera paregabea egin zuen, bere taldekide den Alonso aurreratu eta bigarren postuari eutsi zion lasterketaren zati handi batean. Hau amaitzear zegoenean, boxetara sartu eta Alonsok aurreratu zuen, honela asturiarrak bigarren postua eskuratuz. Hamilton hirugarren postuarekin konformatu behar izan zuen, hasiberria dela kontuan hartuz, garaipen bat kontsideratu daitekeena.

Gauzak horrela, neguko entrenamenduak eta lehen froga hau ikusi ondoren, badirudi aurtengo lehiaketa ere bi talde eta bi pilotuen artekoa izango dela, Alonso ( Mclaren ) eta Raikkonenen ( Ferrari ) artekoa, hain zuzen.

Ondorengo bideoan Australiako irteera eta une zirraragarrienak ikus ditzakezue. Bertan, Hamiltonek Alonso aurreratu zuen unea eta Massak izan zuen arazoa argi agertzen dira.

Comments { 3 }

Hollywoodeko Akademiaren sariak

Joan den igandean, otsailak 25, Hollywoodeko Oscar sarien 79. edizioa ospatu zen.

PenelopeAurtengo edizioko berezitasun nabarmena hispaniarren presentzia handia izan da. Izan ere, El laberinto del Fauno eta Babel filmek hainbat izendapen zituzten. Halaber, Penelope Cruzek aktore onenaren saria lortzeko aukera zuen Volver filmean egindako antzezpenagatik.

Baina askotan gertatu ohi den bezala, hispaniarrentzat gau arrakastatsu bat izan zitekeena ametsean geratu zen. Babel pelikula 7 Oscar saritara izendatua egon arren, bakarra lortu zuen, soinu-banda onenarena; eta Penelopek ez zuen hainbeste desiratutako saria bereganatu. Baina gauak bere pozak izan zituen, noski. El laberinto del Faunok 3 Oscar lortu zituen eta Martin Scorsesek, aurtengo edizioarekin bost aldiz izendatua egon ondoren, zuzendari onenaren saria eskuratu zuen, azkenean.

Ondoren, Oscar garrantzitsuenen garaileen zerrendarekin uzten zaituztet, saridun guztiak ikusi ahal izateko egin klik hemen.

  • Ingelesez besteko film onena: Las vidas de otros (Das Leben der anderen, Florian Henckel von Donnersmarcken, Alemania)

Amaitzeko, hementxe duzue pelikula onenaren saria eraman duen The Departed (Los Infiltrados) filmaren aurrerakina:

Comments { 0 }
-->