Archive | internet

RSS feed for this section

YouTube: lana ala entretenimendua?

By on 2014(e)ko urriak 28 in Aisia, internet
Argazkia: Wikimedia Commons

Argazkia: Wikimedia Commons

Gaur egun lanbide asko daude. Lanbide gehienak berdinak izan dira urtez urte, baina gaur egungo teknologia aurreraketarekin, lanbide berriak sortu dira internet edo informatikaren arloan; YouTuben, adibidez, esparru bat aipatzearren. Lana kontsideratu al daiteke, baina, horrelako plataformetan jendeak egiten dituen bideoak? Nik, egia esan, baietz uste dut. Goazen bada atal hau puntuz puntu aztertzera.

Lehenik eta behin, denok ezagutzen dugu YouTube. Normalean erabiltzen dugu edo noizbait erabili izan dugu, lan baterako bideoren bat hautatzeko edota denbora pasatzeko. Esan dudan bezala, bideo mordo bat dago. Asko eta asko umorezkoak dira: erorketak, katuak, pertsona batek egiten dituen tontakeriak… Horrelako gauzez bakarrik beterik  dagoela uste dugu. Gune hau ez da, dena den, hori bakarrik. Horretaz aparte, beste bideo mota batzuk topa ditzakegu. Horien atzean jende askoren lana dago, bideo oso onak eta landuak. Pertsona hauek YouTuber izenaz ezagutzen dira.

Aintzat hartuta egiten dituzten bideoak, YouTuber mota ezberdinak daude: gamerrak, vlogeroak… Egiten dituzten bideoak oso landuta daude normalean: euren burua grabatzen dute bai kritikaren bat egiten, tontakeriaren bat, edota bideojoko batean jolasten ari diren bitartean. Hauen lana hori editatzea da eta, ondoren, euren YouTubeko kontura igotzea jendeak ikus dezan. Helburua entretenitzea da. Beste batzuen helburua, berriz, beraien bideoekin jendea pentsatzen jartzea da. Eta ez hori bakarrik. Askotan, bideoekin lortzen duten dirua dohaintzan ematen dute, Ice Bucket Challenge mugimenduaren bideoekin adibidez.

Bestalde, bideoak ikusten dituzten pertsonak normalean gazteak izaten dira. Eta askorentzat YouTuberrak beraien jainko txiki bihurtzen dira. Alde batetik, hori ondo dago, ona delako nerabe baten bizitzan gustuko duzun pertsona bat edukitzea eredu gisa. Halere, bestetik, gerta liteke gazte honek bideoetan ikusten duen pertsona horren ezaugarri txarren bat edo hartzea, eta berak egiten dituen tontakeria berdinak egiten saiatzea, Kanelaren Erronka bezalako probekin.

Aurreko guztia laburbilduz, zera esan dezaket: lan ona iruditzen zait, zuk nahi dituzun bideoak egiten dituzulako eta entretenigarria iruditzen zaidalako modu honetan irabaztea bizitza. Horrez gain, munduan zehar egiten diren jokoen aurkezpenetara edo biltzarretara joan zaitezke, eta bertan atera behar diren gauza berriak proba ditzakezu inork baino lehen. Ez dago gaizki!

Comments { 0 }

MeTheOne: Talentuen plataforma birtuala

By on 2012(e)ko maiatzak 25 in ikasle ohiak, internet

Munduko talentuen bila zabiltza? Gaur egungo sareko tendentzia nagusienak ezagutu nahi al dituzu? Hona hemen etorkizuneko plataforma birtuala: MeTheOne.

Badira hiru urte Mikel Torres eta Juan Barberiok, beraien lana alde batera utzi eta proiektu zirraragarri honetan sartu zirela MeTheOne sortuz. Geroago, besteak beste, marketing alorreko Enpresagintzako hiru ikasleri -Ianire Miret, Maore García eta Inacio Crehuet- proiektuan parte hartzeko aukera paregabea eskaini ziguten.

Zer egiten dugun aipatzearren, esango dizuet MeTheOne munduko talentuak biltzen dituen plataforma birtuala dela. Bertan mundu mailako arlo ezberdinetako talentuak aurki genitzake: musika, dantza, kirolak (adibidez, surfa, skate-a, muturreko kirolak…).

Plataforma honek aurkezten dituen zerbitzuak ugariak dira: sare sozialen tendentzien analisia, informazio estatistikoaren salmenta eta, bestalde, marka ezberdinei zerbitzuak ematen dizkie beraien kanpaina publizitarioen salmenta sustapenerako.

Gainera, zu zeu izan zaitezke talentu horren aurkitzailea. Izan ere, edozein pertsona erregistra daiteke webgunean. Behin izena emanda (posta elektronikoa erabiliz), erabiltzaile izena eta pasahitz bat egokitzen zaio pertsona bakoitzari. Erraza eta oso erabilgarria.

Twitter (@MeTheOneTalents) eta Facebook bezalako sare sozialetan gaude eta egunetik egunera bertan dugun eragina handituz doa. Gure helburua, mundu mailako interneteko talentuen erreferente bilakatzea da eta esan daiteke bide onetik goazela. Izan ere, dagoeneko hainbat sari jaso ditu egitasmoak (X. Manuel Laborde Werlinden saria, esaterako). Antena 3 kateak zabaldu zuen egitasmoa eta duela aste pare bat Bilboko EBE Euskadi (Evento Blog España) ekitaldian proiektua aurkeztu genuen. Arduradunen hitzetan: “Gure helburua talentu-bilatzaileen komunitate handi bat sortzea da. Saririk handiena horixe lortzea izango litzateke guretzat.”

Aipatutako elkarrizketa uzten dizuet. Animatzen al zarete parte hartzera?

Comments { 1 }

Creative Commons euskaraz azaldua

By on 2011(e)ko apirilak 3 in internet, teknologia, tutorialak

Twitterren, @Txente -ren tuit honen bidez, ¿Qué es Creative Commons? infografia interesgarriarekin egin dut topo (originala, portugesez, nerdson.com gunean topa dezakegu).

Azalpena oso garbia iruditu zait, eta euskaratzeari ekin diot ikasleekin erabiltzeko asmoz. Beraz, autoreak berak ematen duen baimena tarteko, hementxe uzten dut euskarazko bertsioa, ondo badatorkizue, zuek ere erabil dezazuen.

Jatorrizkoa: CC Aitortu © cc-by: Karlisson Bezerra, Nerdson / Itzulpena: Maite Goñi

Artikulu originala maitego.com -en argitaratua. Bertako titulutik  “umeentzat” kendu diot; izan ere, batzuek esan didazuen bezala, umeentzat ez ezik, edonorentzat izan baitaiteke baliagarria azalpena. 🙂

Informazio gehigarria:

Comments { 3 }
-->