Archive | kirola

Azkenaldi honetan, gero eta gehiago entzun dut Espainiako futbol liga munduko ligarik hoberena dela. Baina egia al da? La Sexta katekoek behin eta berriz diote horrela dela baina, nire ustez, ez dago ligarik Ingalaterrakoa berdinduko duenik. Eta hori horrela dela uste dut hainbat arrazoirengatik.

Hasteko, Ingalaterran nola jokatzen duten ikustean eta Espainiarekin alderatzen denean, argi ikusten da hemen askoz ere pausatuagoa jolasten dutela, hau da, Premier League-ean askoz azkarrago mugitzen dute baloia eta, ondorioz, jokoaren dinamika ere izugarri handitzen da. Hori ez da guztia, Ingelesek jardunaldi bakoitzean Espainian gol gehiago sartzen dituzte jokoa gehiago animatuz.
Gainera, Ingalaterran eta hemen futbola bizitzeko era oso desberdina da. Hemen, partidu osoa jokalari edo arbitroaren amaz akordatzen pasatzen dugu, gure taldea animatu gabe eta han, berriz, 90 minutuak bere taldeari animatzen ematen dituzte. Hori gutxi balitz, hemen animatzean Erreala, Erreala… oihukatu besterik ez dugu egiten baina Britainia Handian ez da horrela. Esaterako, Liverpooleko zaleek beste abesti batzuen artean “You’ll Never Walk Aloneâ€? famatua abesten dute eta kanta honek jokalariei ematen dien bizia ez dago alderatzerik gure “Txuri Urdinâ€? kanta penagarriarekin.

Are gehiago, Erresuma Batuan dauden txapelketak Espainiako ligan daudenak baino askoz ere gehiago dira. Espainian, ligaz aparte, errege kopa eta Superkopa baino ez ditugu. Ingalaterran, aldiz, Community Shield, ligako kopa, FA kopa (munduko futbol txapelketarik zaharrena) eta Carling kopa jokatzen dituzte.

Arrazoi horiengatik guztiengatik, nire iritziz, Premier League-a da munduko ligarik onena. Nirekin ados al zaudete?

Hementxe duzue You’ll Never Walk Alone kanta Liverpooleko zaleek abestua Juventusen aurka Anfield Road-en jokatu zutenean, Champions Leagueko partida batean. Hori bai afizioa!!!!:

Eta hemen Premierrean sarturiko gol onenetariko batzuk:

Orain dela egun gutxi, amaitu zen 2007ko Lisboa-Dakar rally ospetsua. Urtero bezala, irudi eta sentsazio asko utzi ditu partaideen artean. Aurten, Lisboan hasi da eta pilotu guztiak familiarekin mahatsak jan dituzten lehenengo urtea izan da.; izan ere, ohikoa zen urtarrilaren 1ean abiada eman beharrean, aurten sei egun beranduago hasi baita, urtarrilaren 6an, alegia.

Norgehiagoketan zehar eroriko asko izan dira eta, horien artean, bi hildako, beraien motorretatik erori ondoren. Partaide guztiak jakinaren gainean daude munduko rallyrik arriskutsuenean daudela, beraz, zein arriskuri aurre egin beharko dien inork baino hobeto dakite. Lasterketara bueltatuz, aipatu beharra dago Cyril Despres-ek motorretan irabazi izana. Helmugara iritsi zenean, normala den moduan, arras kontent zegoen eta prakak jaitsi eta bere galtzontziloak erakutsi zituen. Eta hara non, ikurrina zuen bertan irudian ikus daitekeen bezala!

Autoetan, aldiz, Peter Hansel izan da lehenengoa helmuga zeharkatzen. Pilotu beteranoa da eta hori baliatu zuen bere aurkari guztiak atzean uzteko; hala ere, ezin dugu ahaztu Carlos Sainzek eginikoa, egun txar bat izan zuen eta ordu asko galdu zituen, baina etapa horretan helmugara iristea lortu eta denera bost etapa irabazi zituen.

Amaitzeko, txalotzekoa da karrera honek bertan egiten duen lana; izan ere, zeharkatzen dituen herri guztietan nola botikak hala janaria uzten, baitituzte, sekulako laguntza emanik bertako biztanle guztiei. Beraz, hemendik txalo handi bat ekimen horregatik. Aurtengo irudi batzuk uzten dizkizuet proba gogor honetaz pixka bat goza dezazuen

Ez dago aditua izan beharrik NBAko mate baten edertasuna estimatzeko. Honi ‘Air’ Jordan, ‘King’ James, ‘Dr. J’ Erving, ‘Magic’ Johnson, Kobe Bryant, ‘T-Mac’, Vince Carter, JR Smith eta beste asko gehitzen badizkiogu ez dugu Nobelen laguntzarik behar dinamita aurkitzeko.

Atzealdetik pasatuta, ‘Tomahawk’ eta ‘Windmill’ mate ugari, ‘Alley-up’ batzuk… eguneroko partiduetako gai bilakatu dira, beti egoten baitira frankizia-jokalariek egindako kontraerasoak. Hori dela eta, NBAk benetako ospea irabazi du saskibaloi munduan.

Horren adierazle garbia, urtero All Star asteburuan ospatzen den ‘Slam Dunk Contest’ mate txapelketa da. Bertan, defentsarik aurrean ez izatean, jokalariek nahi ahala mateak egiteko aukera dute eta puntuatuak izan ohi dira, irabazlea aukeratzeko. Esaterako, azken urte honetan Nate Robinsonek, New York Knicks-eko zuzentzaileak, irabazi zuen. Hala ere, Kobe, LeBron, Jordan eta izar hauek partidu normaletan ere saskia hausteko gai dira aurrean oztopoa izanda ere.

Bestalde, gero eta gehiago dira ACB ligan edota Euroligan ere salto egiten dakitenak. Euskal taldeetan, Spliterrek, Housek edo Kammerichsek, esaterako, sarritan altxatu dituzte jarraitzaileak beraien aulkietatik. Horrez gain, Europan NBAko ligen egitura berdina jarriko dutelako zurrumurrua dabil; eta, egia balitz, gero eta ‘highflyer’ gehiago izango genituzke euskal lurretan.

Amaitzeko, hemen dituzue historian zehar egindako mate ikusgarri eta barregarrienak. Ea hurrengo belaunaldiek maisuez ikasten duten.