Archive | kirola

Duela gutxi gure kostaldean izandako indar eztandak izugarrizko olatuak ekartzearekin batera, surf extremoa ere gerturatu zuen gure etxeetara. Surf munduaren barnean sartzen den modalitatea den arren, ez da guretzat oso ezaguna; dena den, nirekin ados egongo zarete, XXL olatu hauek gainerako surf klasikoak baino askoz ere ikusgarriagoak dira.

Hari honetik jarraituz, aipatzekoa da lehengo ostiralean, Californian ospatutako Billabong XXL ekitaldian gure herrialdeko hiru surflari izan genituela sarituetara aipatuak, horien artean Ibon Amatriain Biggest Waves mailan lortutako izendapenaz. Goiko argazkian ikus dezakezue Ibon zarauztarraren jarduna. Ez pentsa olatu hori hartzea zoriaren gauza denik. Izan ere, spot (hondartza) berri batean gertatu izanak garrantzi handiagoa ematen baitio. Kontuan izan behar da argazki honetako momentura iristeko egunetako lana dagoela atzean, gehienbat Ibonen kolaboratzaile gertukoena den meteorologoaren eskutik.

Hala ere, azkenean ez zuen euskaldunak sari preziatua eraman, Brad Gerlach-ek baizik bigarren argazkian ikus dezakezuen olatuarengatik.

Brad Gerlach wins $68,000 Billabong XXL Award with 68 foot wave in Mexico: Chilean Medina Takes Monster Paddle, Dorian Has Monster Tube, Sterling Best Male Performance, Star gets Best Female Performance.

Festaren inguruko irudiak ikusteko hemen. Hala ere, zertaz ari garen jakiteko, ikus ezazue ondorengo bideoa. Getaria eta Zumaia artean dago grabatua aurtengo otsailean.

Euskal Herriko txirrindulari lasterketarik handiena eta ikusgarriena iritsi da, Euskal Herriko Itzulia. Munduko txirrindulari hoberenak bilduko dira denek helburu bat dutelarik, Zallako helmugan garaile izatea. Baina hau lortzeko bidea ez da erraza izango, aurrez aurre mundu osoko ziklistarik hoberenak izango baititu, Danilo di Luca, Iban Mayo, Samuel Sánchez, Alejandro Valverde, Alberto Contador, Aitor Osa, Thomas Dekker, Patxi Vila eta Frank Schleck, besteak beste. UCI Pro Tour-eko 5. lasterketa honetan, UCI Pro Tourreko 20 taldeez gain, gonbidatutako beste bi talde ere aurkeztuko dira, Relax-Gam espainiarra eta Kaiku euskalduna.

Egun hauetan, Nazioarteko Txirrindularitza Erakundeak, UCIk, jakinarazi duenez, Euskal Herriko Itzulia munduko 3. txirrindulari probarik garrantzitsuena da antolakuntzari dagokionez, Frantziako Tourrak eta Dauphine Liberé-k bakarrik gainditua. Beraz, egun hauetan munduko txirrindularitza maila handiena ikusi ahal izango dugu leihora ateraz edo Lazkaomendira bertara hurbilduz.

Egin beharko duten ibilbidea oso gogorra izango da urtero legez, eta txirrindulariei zangoak majo berotuko zaizkie. Lehenengo bi etapek itzuliaren garailearen izena emango ez diguten arren, irabaziko ez dutenen izenak emango dizkigute, Euskal Herriko Itzulia lasterketa selektiboa baita eta egunak pasa ahala, karrera irabazteko izenen erorketa biziko baitugu. Baina benetan erabakigarria azkeneko etapa izango da 24 kilometrotako erlojuaren kontrakoa korrituko baitute Zallan. Azken etapa honen ibilbide motzean 2 mendate igaro beharko dituzte, eta, beraz, erlojuaren kontrako espezialisten eta lasterketako txirrindulari indartsuenen lehia bizia izango dugu.

Guri dagokigunean, bigarren etapa Irun-Segura izango da, 155 km egin beharko dituzte eta, besteak beste, Ordiziatik pasako dira, Jakintza Ikastola paretik, hain zuzen ere. Baina etapako daturik aipagarriena igo beharko dituzten 12 mendateak! dira. Errepide oso estuetatik pasa beharko dira eta matxuraren bat erabakigarria izan daiteke. Espero dut ikuskizun polita bizi izatea. Ni, behintzat, hortxe izango naiz, dena gertu-gertutik bizitzeko prest!

Egunean egunekoa jarraitu edo irabazlea zein izango den jakiteko lehiaketan parte hartu nahi baduzue, klikatu hementxe.

Larunbat honetan, hilaren 18an, Europako errugbi txapelketa garrantzitsu eta zaharrena, 1883an sortua, denaren azken jardunaldia jokatuko da: Sei NazioenTxapelketa. Txapelketa hau hasieran lau nazioen (Irlanda, Gales, Eskozia eta Ingalaterra) artekoa bazen ere, Frantziaren sarrerak bost nazioen txapelketa osatu zuen (frantsesak sartu-irten batzuk izan dituzte, 1931n profesionaltasunagatik salatuak izatean,kaleratuak izan baitziren). Oraingo seikotea 1997an Italia sartzean osatu zen.

Txapelketa nagusiaz gain, parte hartzaileen artean aspalditik datozen beste kopa txikiago batzuk ere badira: Kalkuta Kopa Ingalaterra eta Eskoziaren artean, Koroa Hirukoitza Erresuma Batuko onenarentzat, Gran slam-a partidu guztiak irabazten dituenarentzat eta Egurrezko Koilara partida guztiak galtzen dituenarentzat, adibidez. Kopa hauek (ohoreagatik) sarituak diren arren, benetan balio duena klasifikazio nagusia da: irabazlearentzat bi pustarri, bat berdintzen dutenentzat eta deus ez galtzailearentzat. Klasifikazioko berdinketa kasuetan, gaur egun, aldeko eta kontrako puntu direrentzia hartzen da kontuan (1997a baino lehen partekatu egiten zen garaipena). Gran Slam (iaz Galesek eskuratua) eta azken aldian Italia eramaten ari den Egurrezko Koilara (aurten ez du eramango azken aurreko jardunaldian galestarren aurka berdindu baitzuen) ondra eta lotsazko sari “preziatuak” dira.

XXI. mendearekin batera, emakumeen arteko Sei Nazioen arteko txapelketa jokatzen hasi zen Irlanda, Gales, Eskozia, Ingalaterra, Frantzia eta Espainiaren artean.
Aurtengo gizonezkoen txapelketa puri-purian dago, izan ere, Frantzia eta Irlanda (nire gustukoena) puntuz berdinduta baitaude; baina puntu diferentzia frantsesek dute alde, beraz, Irlandak irabazteko Frantziak Galesen aurka galdu edo Irlandak Ingalaterrari egundoko egurra eman beharko lioke frantziarren putu diferentzia baino handiagoa lortzeko. Irlandak eta Frantziak galduz gero, txapela lortzeko lehiara Ingalaterra eta Eskozia ere sartuko lirateke. hauek ere lau garaipen erdietsiz. Honela, sekulako karanbola gertatuz gero, eskoziar eta ingelesek ere garaipena eskura dezakete.

Aurtengo Sei Nazioen Txapelketa larunbat honetan, hilaren 18an, erabakiko da: lehenik eta behin, Italia eta Eskoziaren arteko partida 14:30ean, ondoren, Frantzia txapelketa poltsikoratzen saiatuko da galestarrak garaituz 16:30ean eta, azkenik, ingelesek (nire) Irlanda mendean hartzen saiatuko dira Twickenham zelai mitikoan 18:30ean hasiko den partidan. Partida hau amaitzean, datorren urtera arte agurtzea besterik ez zaigu geratuko. Partidak zuzenean ikusi nahi izanez gero, Canal Plus Deporte 2n emango dituzte eta errugbizale asko (ni haien artean) Urdin tabernan egongo gara.

Europako errugbi-herri boteretsuena txapelketa hau irabazten duena omen da eta 2003ko munduko txapela Ingalaterrak badu ere, (Jonny Wilkinsonen lesioa eta Martin Johnsonen erretiroa medio) eskuratu ostean, ez du beharko lukeen nagusitasuna frogatu. Tira, bada, igandean bertan saiatuko naiz emaitzak eta garailea nor den erantzun batean ipintzen.

Esaera batek dioen bezala: