Handi bezain indartsu: H3

By on 2006(e)ko urtarrilak 27 in autoen txokoa

Hummer etxeak kaleraturiko azken hau, lehenagoko hiru autoak (H1, H2 eta H2 SUT) baino txikiagoa da, eta Europa alderako egokiagoa. Hala ere, ez da batere txikia: ia bost metro luze (4’7m), bi metro zabal (1’89m) eta beste hainbeste altu (1.89m). Beste era batera esanda, Nissan Pathfinder eta Toyota Land Cruiser autoen antzeko tamainak ditu, eta honekin adierazi nahi da, ez dela aparkatu ahal izateko arazorik izango, baldin badago non aparkatu behintzat.

Bere hiru aurreko modeloen antz handia du, angelu zuzen askoz osaturiko diseinua, izugarrizko gurpilak, azken hauen arteko tarte handia eta kristal belztu eta txikiak.

Barrualdea Barrualdetik begiratuz:

Errespetua sortzen duen kanpoko itxura militarra ahantziz, luxuzko autoa dirudi barnealdetik. Bere anaiek baino akabaera hobeak ditu, eta, horrez gain, ekipamendu osatuagoa du. Modan jartzen ari diren eserleku berogailudunak ditu, sabaian kristalezko leiho irristatzailea eta luxuzko gehigarri gehiago, larruzko eserlekuak esaterako. Denetan bitxiena, ordea, oso gutxi ikus daitekeen satelite bidezko XM irratia da. Posible da gainera sei hazbete eta erdiko pantaila duen GPS nabigatzailea ezartzea; noski, azken honek garestitu egingo du autoa erostera joateko garaian.


Motorearen xehetasunak:

H3 berriak Vortec 3500 motorea darama, 220 zalditako indarra duena. Gasolinazkoa da eta oraingoz izango duen motore bakarra. Hau da, agian, Europako merkatutik pixka bat aldentzen duen arrazoia, jakina baita diesela dela nagusi gure kontinentean. Motorearen kontsumoa, hala ere, ez da neurriz gainekoa, alderantziz, oso ongi mugatua dago: batez beste 11’8 litro ehun kilometroko.
Gasolinazko 220 zaldik indar asko diruditen arren, 2 tona pasako auto batean (2132 kg), nahiko justu geratzen dira, batik bat autopistetan auto eta kamioiak aurreratzerakoan. Gainera, bere abiadura 158 km/h-ra mugatua dago.

H3 berria Garbi geratzen da, beraz, ez dela errepiderako eginiko autoa. Beraz, mendia dugu Hummer handi honi probetxua ateratzeko leku bakarra. Mendian gabiltzala, oztopo gutxik gera dezakete eta zabalera handia duen arren, merkatuko autorik onenetarikoa da mendian ibiltzeko, oso ongi prestatua baitu azpialdea. Hori dela eta edozein lekutan sar gaitezke beldur handirik gabe.

Prezio aldetik, berriz, oso ondo dago, 48800 eurotik aurrera hasten baita bere balioa. Europako merkatuan aurrera egiten laguntzen dion arrazoia da, beste autoekin alderaturik antzeko balioa baitu. Esan behar da, H3-ak, bere anaien erdia balio duela. Honakoak dira luxuzko 4×4 autoetan ezagunenak:

X5 50600€*
TOUAREG 49420€*
XC90 45400€*
Q7 54860€*
*balio hauek gasolinazko autorik merkeenei dagozkie.

Aurreko balio horiekin alderaturik, H3-ak erraz egin dezake aurrera. Azkenik, esan behar asko ikusiko ez den arren, irailaren erdirako 20 eskaera eginik zeudela, prezioa jakin aurretik. Horrek esan nahi du, geroztik gehiago saldu direla eta, egunen batean, gure herrian bertan ikusteko aukera izango dugula.

Comments { 1 }

Astoen egoerra larria

By on 2006(e)ko urtarrilak 25 in orokorra

Kontu hau, jende askorentzat barregarria dirudien arren, oso larria da. Benetan kezkatzeko modukoa da gaur egungo astoen egoera. Urteetan tratu txarrak jasan izan dituen espeziea da, nahiz eta animalia hauek berez zintzoak, samurrak eta leialak izan.

Astoak uste baino azkarragoak dira, nahiz eta gizakiak antzina zamalari huts bezala erabil zitekeen animalia besterik ez zela pentsatu. Eta, bereziki, pentsaera horrek kokatu du gaur egun astoa galtzeko zorian dagoen espezieen artean, izan ere 75.000 besterik ez baitaude mundu osoan.

Ohitura berrien jaiotzak, nekazal munduko modernizazioari batuta, astoak lan tresna moduan erabili behar ez izatea ekarri du. Animalia honekiko errespetu ezak, baloraziorik ez eskaintzea ekarri du, eta balorazio horrek eramaten du jendea pentsatzera iraunarazi beharreko espeziea ez dela.

Askok animalia basatiak direla uste arren, guztiz oker daude; gizakien zaintza behar du, etxeko animalia izatean, berak ezin baitu bere burua egoki zaindu. Hala ere, esan beharra dago badaudela mendian bakarrik bizi direnak, baina hauek ez dira beraien nahiaz han bizi, abandonatuak izan direlako edo ihes egin dutelako baizik.

Ezaugarriei erreparatuz, belar eta landare mota ezberdinez elikatzen den animalia da. Leku aldapatsu eta malkartsuetan arazorik gabe molda daiteke, horregatik gizakiak bidaia askotan laguntzaile bezala erabili izan du. Ezaugarri horiek guztiez gain, garrantzitsuenetako bat oroimen ahalmena izugarri garatua izatea da, entzumena eta ikusmenaren aurretik. Horregatik, gai da ibili den edozein toki gogoratzeko, behin bakarrik egin izan badu ere.

Zorionez, gaur egun badaude espezie hau babesten duten hainbat erakunde, adibidez, Asociacion de Amigos del Burro, Madrilen. Erakunde hauetan, animaliak zaintzeaz gain, kontzientziatze-kanpainak antolatzen dituzte, errealitatea zein den interesatua dagoen edonori azaltzeko. Baita haurtzaindegi moduan ere egiten dute lan, bertara jendeak behar edo nahi ez dituen astoak eramaten dituztelarik. Bitxikeria moduan esan, animalia hauek babesteko eta laguntzeko aukera ematen dutela, donazio bidez beraien bizi kalitatea hobetu ahal izateko.

Informazio gehiago orrialde hauetan: (tamalez, gaztelaniaz daude soilik)

Comments { 1 }

ESKAINTZA BERRIAK EUSKALJAKINTZAN

By on 2006(e)ko urtarrilak 24 in orokorra

Gure multimedia kutxatxoa Aupa, denoi! Gaur Euskaljakintzaren zerbitzu berri batzuei buruz hitz egin nahi dizuet: Stickam eta podcasting-a. Lehengo egunean, hainbeste gustatzen zaidan Patxitrapero preziatuaren blogean sartu nintzenean, stickham bat zuela ikusi nuen. Esan beharra dago, Patxiri izugarri gustatzen zaizkiola horrelakoak (soundblox, pandora…) eta, zergatik ezkutatu, niri ere izugarri atsegin zaizkit argazki-bideo-musika…eskaintzen duten “kutxatxo” hauek!
Ikusi orduko pentsatu nuen: hau nire ikasleentzat! Eta horrela, alta eman eta euskaljakintzan horrelako bat jartzeari ekin nion.

Ondorengoa, argazki pare bat igotzea, abesti batzuk (Xalbadorren Heriotzean, Ken 7… probatzeko eskura nuena) eta, azkenik, bideotxo bat. Honetan denbora dexente pasa nuen eta deskantsu bat behar nuela eta lo kuluxka bat egitera joatea erabaki nuen. Loak hartzeko une zehatz horretan bururatu zitzaidan ondorengoa:
Stickam-ak hiru abesti eta hiru argazki soilik sartzeko aukera ematen du. Beraz, zergatik ez ikasle bakoitzari aste batean aukera eman bere gustuko musika eta argazkiak jartzeko??? Eta horixe da, hain zuzen, egin behar duguna. Gaur hasiko gara eta lehenengo astea Jotari egokitu zaio. Beraz, aste hau Jota edo Maitanerena da oso-osorik. Astean zehar musika aldatu nahi duela? Argazki berriak sartu nahi dituela? Bideotxoren bat gehitu? Bada, bere esku dago eta gu guztiok hori entzutera eta ikustera!

Bigarren berrikuntza, gure Mikeli zor diogu (euskaljakintzako jarraitzaile sutsu bezain emankorra). Atzo, Radio Euskadin elkarrizketa bat egin behar zigutela eta, azken momentuan, ikasleekin egindako lanen baten adibideren bat eskatu ziguten. Nahiz eta nik podcasting edo irratsaioa sartu behar nuen gure lanketarako (azterketa ondoren), oraindik ez nuen gauzatuta eta, magicek, beti bezala argi eta prest, bere podcastinga maileguan utzi zigun geurea martxan jarri arte. Baita grabazio lanetan lagundu ere! Eta horrela gure lehenenengo irratsaioa grabatzeari ekin genion. A ze parrak!
Entzungo duzuen bezala, soinua eta beste guztia, ez dira irratsaio munduan eman diren onenak (eh, Arrate?); baina, tira, ideia ona iruditu zaigu eta pixkanaka-pixkanaka joango gara hobetzen…

Eta, besterik ez (oraingoz). Beta fasean ditugunez zerbitzu hauek, edozein gauza gerta dakiguke. Beraz, patxada eta umore pixka batez hartu beharko ditugu. Zer iruditzen zaizue?



Amaitzeko, gaur oso berri onak iritsi zaizkigu Beasain Idazlan Lehiaketatik. Ez da izango gutako batzuk sarituak izan garela???? Hori jakiteko bihar arte itxaron beharko duzue… (baina nik baietz esango nuke).

Comments { 0 }
-->