Archive | 2006

ADI GOZOZALEOK!

By on 2006(e)ko apirilak 17 in musuak estitzen

Lehengo batean martxan jarri zen atal berri honi jarraipena eman nahian nabil gaur ni. Sukaldari afizionatu gisa, postreak prestatzea gogoko dut eta gaurkoan bi errezeten berri emateko asmotan nabil: Trufa Beltzak (txokolatezkoak) eta Ijito Besoa (Brazo Gitano). Zer gosea piztu al zaizue?? Bada, pasa gaitezen bi postre goxo, erraz eta merke hauen prestakuntzara. Adi!

TRUFA BELTZAK

Prestakuntza denbora: 20 minutu
Zailtasun maila: minimoa

Beharrezko osagaiak:

300 g txokolate beltz
45 g gurin
150 ml esnegain
90 g azukre (glas azukrea)
2 gorringo

Trufen estalkia burutzeko:

200 g txokolate beltz
Kakao hautsa
Azukrea (Glas azukrea)

PRESTAKUNTZA

Uhhhhmmm!!!
1. Ontzi batean txokolatea ipini eta berau urtu. Aldi berean, beste ontzi batean bi gorringoak eta azukre kantitate erdia nahastu, nahasketa homogeneo bat lortu arte.
2. Esnegaina berotu irakite puntura iritsi arte eta orduantxe gurina eta geratzen den azukrea gehitu. Dena elkarrekin ondo nahastu. Ondoren, berriz ere irakite puntura eraman eta hori lortu ostean, nahasketa guztia gorringoekin eta txokolate urtuarekin nahastu.
3. Aurreko pausoan buruturiko masa gogortzen hasten denean, koilara baten laguntzaz txokolate zatiak hartu eta bandeja batean jarri.Txokolate zati guztiak guztiz gogortzen utzi eta ondoren, eskuen laguntzaz borobildu.
4. Azkenik, trufen estalkia burutzeko txokolatea urtu eta trufak bertatik pasarazi. Era berean, ontzi banatan azukrea eta kakaoa ipini, trufak bertatik pasaraziz. Amaitutakoan, trufak hozkailuan gorde.

Erraza, ezta? Tira, saia gaitezen, bada, bigarren postrearekin.

IJITO BESOA

Prestakuntza denbora: 30 minutu
Zailtasun maila: erdizkakoa

Osagaiak:

125 g irin
125 g azukre
5 arrautza
Limoi birrindura

PRESTAKUNTZA:

1. Ontzi batean arrautzen gorringoak azukre normalarekin eta limoi birrindurarekin nahastu. Nahasketa ondo egina dagoenean, zuringoak gehitu (hauek aurretik beste ontzi batean nahastu) eta nahasketa elur-punturaino irabiatu.
2. Irinez igurtziriko bandeja batean nahasketa ipini eta gainazal guztian zehar kantitate homogeneoan hedatu, lortzen den lodiera bost zentimetro ingurukoa izatera iristen den arte.
3. Masa hau labera sartu hamar minutuz eta, ondoren, bandeja labetik atera eta masa mahai gainean ipini.
4. Esnegain nahastua masaren alde batetik igurtzi eta, ondoren, labeko paperean bildu erroilu bat lortuz. Hori egin ostean, masa hozten utzi. Hoztu ondoren, papera kendu eta glas azukre pixka bat bota.

Listo! Burutu ditugu bi postreak. Orain, berauek prestatzera animatzen al zarete?

Comments { 2 }

Antolatzaileak

By on 2006(e)ko apirilak 16 in sailkatu gabe

TESTU ANTOLATZAILEAK

Hasierakoak

Hasteko,
Lehenengo eta behin,
Ezer baino lehen,
Ezeri ekin baino lehen,
Bazen behin
Lehen-lehenik,
…z hitz egin behar dudalarik,
Sarrera gisa esango dugu …

Ordena

Alde batetik, … Bestetik,  
Ildo beretik,
Era berean,
Halaber,
Lehenik…/ bigarrenik, …
(Arestian) esan bezala,
(Gorago) esan bezala,
Lehengo hariari jarraituz,
Gauzak horrela,
Horiek horrela,
Bai… bai
Ez… ez

Ideia bat aurkezteko

-ri dagokionez,
… dela eta, komeni da esatea …
Oro har,

Jarraipena

(Honen) ondorioz,
Horren haritik,
Hari beretik,
Era berean,
Bigarrenik,
Gero,
Honen ostean,
Hau (ikusi) eta gero,

Kontrakotasuna

Baina
Dena dela, / Dena den,
Hala (eta guztiz) ere,
Edozein modutan ere,
Edonola ere,
Nolanahi ere,
Esanak esan,
Hori(ek) gorabehera,
…, ordea,
…, berriz,
…, aldiz,

Aipamenak; iritziak emateko

(r)en arabera,
Askoren / Batzuen iritziz,
… (r)en ustez,
(r)en esanetan,
Diotenez,
Antza denez,
Dirudienez,
Badirudi… -(e)la
…(e)la dirudi
Dakigunez,
Irakurrí dugunez,


Adibideak jartzeko

Adibidez,
Esate baterako,
Hau da,
Ikus, adibidez, -ren kasua: …
Kasu (bat aipatzeko …)
Hori erakusteko, aipa dezagun…

Arrazoitzeko

bait-
… -(e)lako
-(e)la eta
-(e)la bide
-t(z)eagatik
Horregatik
Izan ere,
Hori dela eta,
Horrela, ba,
Beraz,
Hortaz,

Indartzea

Aipatu bezala,
Aipatu dugunez,
Berriro esanda,
Beste era batera esanda,
Zehatzago esanda,
Hobeto esanda,
(Gorago) esan bezala,
Are gehiago,
Gainera,
Kontuan hartu,
gainera,

Onarpena (ziurtasuna)

Ez dago dudarik…
Seguruenik
Ziur aski
Zer esanik ez
Egia da… -(e)la
Dudarik gabe
Zalantzarik gabe
Argi dago (e)la
Bistan da (e)la
Beharrezkoa da garbi uztea
…, noski / …, jakina

Bukaerakoak eta ondorioak

Amaitzeko, / Bukatzeko,
Amaiera bezala,
Aurreko guztia (Iaburbilduz,)
Ondorío gisa,
Amai dezagun esanez (e)la
Azkenik, zera:…
Laburbilduz,
Hitz gutxitan (esateko):…
Horrenbestez, zenbait ondorio atera daitezke: 1… 2… 3…

Ideia berriak txertatzeko 

Ez horí bakarrik,
Bestalde / Beste aldetik
Baita … ere
Baina, bestetík,
… ere bai
ez ezik … ere
Egia da, hala ere,
Izan ere,
(Horrez) gain,

Comments { 0 }

DANGER, big waves on coast.

By on 2006(e)ko apirilak 16 in kirola

Ibon Amatriain (Playa Gris) Hori duk hori olatua!!!! Duela gutxi gure kostaldean izandako indar eztandak izugarrizko olatuak ekartzearekin batera, surf extremoa ere gerturatu zuen gure etxeetara. Surf munduaren barnean sartzen den modalitatea den arren, ez da guretzat oso ezaguna; dena den, nirekin ados egongo zarete, XXL olatu hauek gainerako surf klasikoak baino askoz ere ikusgarriagoak dira.

Hari honetik jarraituz, aipatzekoa da lehengo ostiralean, Californian ospatutako Billabong XXL ekitaldian gure herrialdeko hiru surflari izan genituela sarituetara aipatuak, horien artean Ibon Amatriain Biggest Waves mailan lortutako izendapenaz. Goiko argazkian ikus dezakezue Ibon zarauztarraren jarduna. Ez pentsa olatu hori hartzea zoriaren gauza denik. Izan ere, spot (hondartza) berri batean gertatu izanak garrantzi handiagoa ematen baitio. Kontuan izan behar da argazki honetako momentura iristeko egunetako lana dagoela atzean, gehienbat Ibonen kolaboratzaile gertukoena den meteorologoaren eskutik.

Gerlach-ek olatu honengatik lortu zuen saria!Hala ere, azkenean ez zuen euskaldunak sari preziatua eraman, Brad Gerlach-ek baizik bigarren argazkian ikus dezakezuen olatuarengatik.

Brad Gerlach wins $68,000 Billabong XXL Award with 68 foot wave in Mexico: Chilean Medina Takes Monster Paddle, Dorian Has Monster Tube, Sterling Best Male Performance, Star gets Best Female Performance.

Festaren inguruko irudiak ikusteko hemen. Hala ere, zertaz ari garen jakiteko, ikus ezazue ondorengo bideoa. Getaria eta Zumaia artean dago grabatua aurtengo otsailean.

Comments { 0 }
-->