Archive | 2006

OROITZAPENAK, KOLPEAK ETA LAZTANAK

By on 2006(e)ko apirilak 14 in musika

Aurten seigarren edizioa izango du gazte-ekimen erraldoiak, GAZTE TOPAGUNEAK, eta sorlekura itzuliko da, Sakanara, izan ere, 1994.urtean, lehenbizikoz egin zenean, bertan izan baitzen. Duela bi urte, Itsasondon ospatu zen jaialdi erraldoi hau eta hogei mila pertsona erakarri zituen mota guztietako ekintzetan parte hartzera: kontzertuak, hitzaldiak, eskulanak… Eguraldia kaxkarra izan bazen ere, merezi izan zuen, toki askotako jendea ezagutzeko eta primeran pasatzeko aukera izan baikenuen!!!

Honela bada, iritsi zaigu eguna, Euskal Herriko gazte askorentzat sekulakoa izango den eguna. Aurtengo gazte topagunean gogotsu parte hartzeko motxila bizkarrean hartu eta milaka eta milaka gazte abiatuko gara Etxarrira, gaurtik hasita 17ra bitartean iraungo duen festa honetaz gozatzera. Gaur, ordea, topagunerako Kuraia musika talde ezagunak egin duen abestiaren berri emateko asmoz zuzentzen naiz zuengana. Oroitzapenak, kolpeak eta laztanak du izena kantak eta lau egunetan zehar denok aho batez abestuko dugun abestia izango delakoan nago. Beraz, eztarriak berotzen hasi eta abestiarekin gozatzeko gonbidapena igortzen dizuet, denok Etxarrin Topa egingo dugulakoan.

Abestia entzun nahi izanez gero klikatu hemen eta PLAY-ri eman (laukitxo berdea).

OROITZAPENAK, KOLPEAK ETA LAZTANAK

Eskua irristatuz izterretan ero, bero,
lepo bati ezpain batzuk itseki zaizkio gero
gauaren ixiltasun humelaren hurrengo
borrokan oroitzen zaitut. Non zaude? Non gaude?

Ez gaitzaten bilakatu
heuretako bat
derrigorrez jantzitako hoiek!!

Oroitzapen ahaztezin, negar, amets ta muxu
Beriainen magaletan egin nahi zaitut su zu.
Eztabaidan nahiz parrandan, elkarri zukuak edanda,
kolpez-kolpe, muxuz-muxu sartuta, sartuta eta irtenda
Borrokaren aizkorari laztan goxo batzuk suz
iles hura itzulera bihar dadin Etxarrin

ezin ahaztu oroitzapenak
ez dut galdu itxaropena
sakanan independentzia
ametsen abiapuntua

egin topa ereindako
haziaren oroimenean
etorkizun emankor bat
jaioko da topagunean

Negar amets eta muxu
oroitzapen ahaztezin
gure ametsak ilargia
baino gehiago iraun behar du
beriainen magalean
itxaron behar ditut
otsoa artzai duen
artaldetik alde eginez.

Egin topa
gazte Etxarrin!
Egin topa
aske Etxarrin!
Egin topa
bizi Etxarrin!
Egin topa
aurten Etxarrin!

Informazio gehiago nahi izanez gero, klikatu hemen

Comments { 0 }

TXANTILOIA SCROLL 1

By on 2006(e)ko apirilak 13 in orokorra

SIGLAK

1. Letra larriz, letrakera arruntez eta punturik gabe idazten dira
siglak; baita izen osoa letra etzanez idatzi beharreko izenen siglak ere.

EAE, HPS, HABE, AEK, EHU, EUTG, MCC, ELA, LAB, UGT, BBK,
BBVA, BEZ, CD, DVD…
Orduan hasi zen EGLU argitaratzen: alegia, Euskal Gramatika: Lehen
Urratsak.

Bada, ordea, salbuespenik:

1. Erabiliaren erabiliz izen arrunt bihurtu direlako letra
xehez idazten direnak: adibidez, radar (radio detecting and
ranging).
2. Letra xehez ere idatzi ohi den zenbait sigla eta akronimo:
UNESCO/Unesco, RENFE/Renfe, SEAT/Seat, ICONA/Icona…
3. Testu osoa letra larriz dagoenean (tituluetan eta), puntu eta
guzti idatz daitezke siglak: U.E.U./UEU LAGUNTZA
ESKE, A.E.B./AEB KINKA LARRIAN…

2. Siglak laburbiltzen duen izena osorik adierazten da testu
bakoitzeko lehen agerraldian, irakurlearentzat oso sigla ezaguna denean
izan ezik.

EAE (Euskal Autonomia Erkidegoa) aipatu ondoren, EUTG (Estudios
Universitarios y Técnicos de Gipuzkoa) eta MCC (Mondragón
Corporación Cooperativa) goraipatu zituen atzerritarrak.
Europar Batasuna (EB) eta Ameriketako Estatu Batuak (AEB) elkar
zaintzen ari dira.
OEH (Orotariko Euskal Hiztegia) lagungarri ona da EGAtik gorako agiria
eskuratzeko.
Aldizkarien sailean, begiratu RIEV (Revista Internacional de Estudios
Vascos) eta BRSVAP (Boletín de la Real Sociedad Vascongada de los
Amigos del País).

3. Deklinatzerakoan (eta ahoskatzerakoan), kontuan izan sigla
batzuk letraka irakurtzen direla, eta beste batzuk, silabaka.

EHU (e-hatxe-u): Euskal Herriko Unibertsitatea
EGA (e-ga): Euskararen Gaitasun Agiria
Oharra:
Bada zati bat letraka eta bestea silabaka irakurtzen den siglarik ere:
PSOE (pe-so-e).

4. Sigla eta deklinabide-atzizkia marratxorik gabe batzen dira,
salbu eta siglaren azken letra berberaz hasten denean atzizkia ere.

UEUn, hizlarietako batzuk ETBko kazetariak dira; beste batzuk, berriz,
EHUtik joandako irakasleak.
BBK-k adierazi du AEK-ko ikasleek gogotik eskertu dutela BBKren
dirulaguntza.

Oharrak:

1. Siglaren azken letra R gogorra denean, ez da “r� errepikatu
behar lotura egiteko. Beti ere, atzizkiaren berezko “r�ari
eutsi egin behar zaio.
ELKARen lana goraipatu du RPRko diputatu ohiak.
RPR-ren izenean dator.
2. Testu osoa letra larriz dagoenean, hona aukerak:
U.Z.E.I.REN GUNE BERRIA / UZEI-REN GUNE BERRIA

5. Deklinatzerakoan, izen berezitzat hartzen da sigla, eta leku izen
bereziak bezala deklinatzen, izen arrunt gisako siglak izan ezik.

EUDELeko arduradunak AEBra joan dira, Renoko agintariei-eta
hemengo udalen berri ematera.
EUTGko irakasle asko Deustuko Unibertsitateko ikasle ohiak dira.

Oharra:

Sigla batek izen bereko hainbat subjektu baldin baditu,
orduan sigla hori pluralean deklinatuko da hala dagokionean. Horixe
da, esate baterako, EKT (Euskal Kultura Taldea) siglaren kasua, honako
adibide honetan ikus daitekeenez:
Ahozkotasuna ikertzen ari dira Durangoko EKTn eta Gipuzkoako
EKTetan.

6. Izen arrunt gisako siglak, ordea, hitz arruntak bezalaxe deklinatuko
dira.

Sail horretakoak dira NA (Nortasun Agiri), BEZ (Balio
Erantsiaren Zerga), CD (Compact Disc), PC (Personal Computer), GKE
(Gobernuz Kanpoko Erakunde) eta abar, eta baita hiztegi berezietako
DM (datu mota), DMA (Datu Mota Abstraktu) eta beste asko ere.

Non grabatu duzu CDa?
Nork itzali ditu PCak?
Zenbat ordaindu duzu BEZa?
Esan berriro zure NA-aren zenbakia.
Bihar hastekoa da GKE-en biltzarra.
Dakizunez, datu mota (DM) guztiak ez dira datu mota abstraktuak
(DMA); beraz, ongi bereizi behar dira DMak. Esaterako, DM hori DMA
bat da, oso ugariak baitira DMak eta DMA-ak.

Hona hemen euskarazko zenbait sigla erabilgarri:

AE Autonomia Estatutua
AEB Ameriketako Estatu Batuak
AEK Alfabetatze Euskalduntze Koordinakundea
AHT Abiadura Handiko Trena
BEZ Balio ERantsiaren gaineko Zerga
BPGb Barne-Produktu Garbia
BPGd Barne-Produktu Gordina
DBH Derrigorrezko Bigarren Hezkuntza
DBHO Derrigorrezko Bigarren Hezkuntza Ondorengoa
EAE Euskadiko Autonomia Erkidegoa
EEE Europako Ekonomia Elkartea
EH Euskal Herria
EHAA Euskal Herriko Agintaritzaren Aldizkaria
EHBO Euskal Herriko Buletin Ofiziala
EHE Euskal Herrian Euskaraz
EHU Euskal Herriko Unibertsitatea (EAEkoa)
EI Eusko Ikaskuntza
EIE Euskal Idazleen Elkartea
EITB Euskal Irrati Telebista
EJ Eusko Jaurlaritza
EKB Euskal Kulturaren Batzarra
ELB Eusko Legebiltzarra
ET Eusko Trenbideak
ETA Euskadi Ta Askatasuna
FFAA Foru aldundiak
HAEE Herri Ardularitzaren Euskal Erakundea
HIES Hartutako Inmuno-Eskasiaren Sindromea (SIDA)
HPIN Hizkuntz Politikarako Idazkaritza Nagusia
IFZ Identifikazio Fiskalaren Zenbakia (NIF)
IFK Identifikazio Fiskalaren Kodea
IK Iparretarrak
IRALE Irakaslegoaren Alfabetatze-Euskalduntzea
KEM Kontzientzi Eragozpen Mugimendua
KPI Kontsumorako Prezioen Indizea
LH Lanbide Heziketa
LK Langile Komisioak
LPEZ Lan Pertsonalaren Errendimenduaren Zerga
NAN Nortasun Agiri Nazionala
NATO Ipar Atlantikoko Tratatuaren Erakundea (OTAN)
NBE Nazio Batuen Erakundea (ONU)
NUIZ Norbanakoen Urteko Irabazien gaineko Zerga
OHE Objektu Hegalari Ezezaguna (OVNI)
PFEZ Pertsona Fisikoen Errentaren gaineko Zerga
PVP Publikoarentzako Salneurria (PSN)
SA Sozietate Anonimoa (SA)
SK Sozietate Kooperatibo
SM Sozietate Mugatu (SL)
TAO Trafiko eta Aparkamenduaren Ordenamendua (OTA)
TB Telebista
UEU Euskal Herriko Unibertsitatea
UZEI Unibertsitate Zerbitzuetarako Euskal Ikastetxea

Jatorria:

  • ORTOTIPOGRAFIA (PDF) : letrakera arrunta, etzana, lodia, kakotxak, siglak, laburdurak… (Estilo-liburuaren lehen atala)
  • Euskal Gramatika Osoa. I.Zubiri-E. Zubiri. 84-85. orriak
Comments { 0 }

Hossegorreko karpak – Anima zaitez

By on 2006(e)ko apirilak 13 in orokorra

Herria goitik ikusitaUrtero bezala, murgildu gara udaberrian eta honekin batera Aste Santuan. Oporraldi hauek ospatzeko jende askori denetik egitea otutzen zaio. Alde batetik, jende gehienak egiten duena eta ez da horregatik okerragoa, eguraldi ona egiten duen tokietara joatea da, non eguzkiak, hondartzak eta kalera irteten diren lehen minigona eta bikiniak sekulako hormona iraultzak sortzen dituzten. Bestalde, beste askok gogoko duena etxean deskantsatzen geratzea da, inora joan gabe, bertako tokiez disfrutatuz eta bakoitzaren zereginak zailtasunik gabe eginez, ikastea, adibidez :smile:.

Artikulu honetan aste honetarako plan bat proposatzen dut: Hossergor izena du. Askok entzunda izango duzuen bezala, Aquitaniako 3400 biztanleko herri surflari txiki honetan, nahiko berriak diren kirol interesgarriei buruzko ekitaldi asko egiten dira eta honek ospe dezente eman dio kostaldeko herri eguzkitsu honi. Bertan, surfa da nagusi eta honekin batera doazen beste hainbat kirol bodyboard eta snowboard, besteak beste.

Gomendatzen dizuedana, bere laku urdin eta bukaezinak diren hondartzak bisitatzera joatea da. Halere, herri eder honen berri ematea ez da nire helburu bakarra izan artikulu hau idazterakoan. Artikulu honen bitartez, Hossegorren urtero ipini ohi diren karpa erraldoien berri eman nahi dizuet. Badirudi jendeari erreparoa ematen diola honetaz hitz egitea, izan ere, zenbat eta jende gutxiagok jakin, orduan eta aukera gehiago baitago bertara iristen direnentzat. Badakit hasieran, zertxobait ulertezina egingo zaizuela hau baina oraintxe azalduko dizuet zertaz ari naizen.

Hossegorreko karpa erraldoietan arropa saltzen da gehienbat, baina ez edozein motatako arropa, ez, marka oso ezagunetako arropaz ari natzaizue (Rip Curl, Volcom, Quiksilver, Oakley eta beste asko eta asko). Egia da, arropa hau edozein herritan aurkitzeko gai garela gaur egun, baina Hossegorrekoa beste kontu bat da. Denok dakigu arropa hauen prezioak zein altu dauden, beno, bada, hemen arropa oso prezio baxuetan saltzen da. Zergatik? Urtero soberan geratzen diren arropak salgai jartzen dituztelako, oraindik plastikoetatik atera gabe daudenak (oso egoera onean egoten dira). Ni neu joan nintzen aurreko urtean eta dendetan egoten den arropa berbera da. Hau guztiaz aparte, neoprenozko trajeak, surfeko taulak eta beste hainbat osagarri aurki ditzakegu bertan.

Lehen esan dudan legez, badirudi jendeari erreparoa ematen diola honetaz hitz egitea eta egia da. Jende gutxik daki ziur noiz zabaltzen diren karpak. Esan behar, oporraldi hauetako lehen asteko ostegunetik igande inguru bitartean izaten dela normalean. Zailena lekua bera aurkitzea izaten da, baina Hossegorrera iritsiz gero, seinalaturik egoten da. Lehen esan bezala, jendeari ez zaio interesatzen gehiegi zabaltzea, zenbat eta jende gutxiagok jakin, orduan eta ilara gutxiago itxaron beharko baitu hona hurbiltzen denak (1½- 2 ordu inguru itxaron behar izaten da bertara sartzeko). Hala eta guztiz ere, merezi du.

Beraz, badakizue, zereginik ez baduzue, aurkitu Hossegor mapan eta segi harantz. Egun entretenigarria igaroko duzue.

Comments { 0 }
-->